事情係咁的，首先我有一個香港土生土長既表哥個囡都3歲，同有一個表姐，離婚之後嫁咗俾個老外，下稱a。

今晚一家人食飯發現表哥同佢老婆，表姐同佢老公既相處真係完全吾同。

表哥一路食一路打機，冇點出聲，佢老婆就傾下玩下電話咁。表姐同老外a十分恩愛，不停honey又baby，成餐飯兩個都有傾有笑。

（其實次次一齊食都係咁）總之真係差好遠好難形容，但好明顯老外a真係同港男好吾同。

港男表哥由細到大都冇同我傾過計，但老外a次次見到都會hi下我友善關心我。

其實我覺得港男好吾掂，我識個個都係打機打機同打機同好自我中心吾識點去理其他人（唉可能咁岩只係我），anyway我終於慢慢明點解咁多女仔要食洋腸了。

**利申：上面既意見吾係指所有港男同老外。

巴打睇唔過眼留言反駁：

屌...你搵個電車男代表全香港男士，多9餘啦....成龍古天樂劉德華余文樂周柏豪唔係香港土生土長咩?? 曾志偉杜汶澤森美唔多野講咩? 你唔搵呢d人同個老外比較?

好老實，我唔係香港土生土長，我初中已經去左外國讀書，又讀過國際學校，亞洲歐洲美洲南美洲非洲既人我好細個已經見過哂，對於中西文化既差別及共通之處，我好了解。

我想講，尤其是現今呢個 internet 全球文化互通既年代，基本上先進國家已經唔存在什麼文化差異。

你所見到既只係個人性格差異，只係你見得人少。 難道外國冇nerds 冇 geeks咩 (即係電車男同毒男) ?

你以為外國人就一定係開朗健談呀?

咁你又知唔知其實北歐d人出名內向怕醜? 知唔知英國人其實好冷傲唔鍾意乜都show出黎乜都七情上面?

知唔知德國人出左名係毫無幽默感做野死板機器化? 知唔知義大利西班牙人做野其實又古惑又粗心大意又懶過西?

仲有美國人，東岸人西岸人南方人既分別，你又知唔知?

我諗你連外國人其實係有分好多國藉性格完全唔同呢個慨念都冇。

就好似d外國人以為大陸香港台灣日本南韓北韓d人其實都係差不多同一類人一樣咁無知。

你平日見到我可能以為我係內向唔識講野既宅男，但其實我weekend落到去蘭桂坊我係溝鬼妹

即係呢，你唔了解一件事，就唔好亂下判斷，覺得某一類人就代表左某一樣野啦，好嗎?

（圖片來源：網絡）

via：http://www.discuss.com.hk/viewthread.php?tid=23370756&extra=page%3d421

轉載請註明來源：今天頭條