男友係一個攝影發燒友,

唔知算唔算係一個龍友。

當初大學畢業影畢業相,

搵左佢幫手, 我好訝異係佢鏡頭下,

我真係覺得自己好靚。

我仲記得我地係點樣係埋一齊,

就係佢影完我相, show 俾我睇既時候,

我地靠得好近,

我地雙目一齊欣賞鏡頭下既我,

佢好自然咁攬住我條腰,

拉左我埋去, 佢好輕輕咁錫落黎,

我只可以講我完全無力抵抗........

每次出街, 佢都總會戴埋相機出街,

長掛係頸, 有陣時佢會叫我擺 pose,

有陣時佢會襯我唔為意捕捉我自然一刻,

出親街番到屋企, 佢都會埋頭苦幹,

將佢影好既相去再細執,

見到佢咁專心,

我都唔係咁想打擾佢。

但係好多時候佢一執就幾個鐘, 執到好忘我,

有陣時我係屋企, 佢會好似唔記得左我咁,

因為當下佢只有相中既我。

相中既我把真實既我取替左,

我有試過問佢, 其實你次次將我影得咁靚,

番到屋企又再執相, 你仲會唔會留意到真實既我?

點知佢答我:「只有我手底下既你先係完美, 每一個色, 每一個動態, 單憑影相係唔足夠」

唔知點解佢呢個答非所問另既答案俾到我一種少少毛骨悚然既感覺,

「難道你只係鍾意我既軀殼??」

唸到呢一個問題, 我突然間諗到好多唔好既野,

佢連我鍾意食咩, 鍾意咩色, 鍾意咩公仔都唔知........

我個心, 鏡頭背後既我你會認識幾多??

。

。

巴打留言：

「樓主,你太自信啦,

睇嚟妳個殼都唔係幾得喎,

如果唔係,佢都唔使將妳啲相執成幾個鐘頭啦..............」

（圖片來源：網絡）

來源：http://www.discuss.com.hk/viewthread.php?tid=22593915&extra=page%3d446

轉載請註明來源：今天頭條