講下我同男友先...都係28歲, 一齊左幾年, 人工差不多都係萬幾二萬蚊, 大家個樣都算中上, 而家暫時係PLAN左兩年後結婚...

佢個人係老實型, 返工好勤力, 但唔知點解對住其他野就冇行動力冇毅力...

求左婚之後就咩都冇理過, 幾個月後我自己SUGGEST睇下D酒席先開始睇, 全部酒席睇埸, RESEARCH我做曬, 叫佢先一齊出一出去睇...

個人唔識關心人, 我唔開心或有咩病佢都唔會主動關心...

就算我分享, 佢D反應好似錄音咁, "唔好唔開心啦" "開心D啦" 根本冇關心過件事, 即無論件事係咩佢都係講果2句...

同佢講野冇反應(除非知識上既野), 我叫佢一樣佢先做一樣...

例如: 問佢做咩唔應我, 佢就應我一句, 叫佢食少D肥膩野, 就食少一餐ONLY..

我日日都要提佢好多好多野...

掉轉頭佢有咩我就好關心佢, 唔想佢唔開心, 我絕對係個好女朋友...但我有唔開心時, 佢話要訓就唔理我...

我好多時對佢好失望, 覺得大家做唔到SOUL MATE, 覺得好寂寞...

佢成日好似本百科全書咁, 傾咩都好似係知識上, 資料上, 但從來唔會CARE我情緒, 唔會提我要注意D咩, 唔會做D咩TUM我開心, 好似注意唔到我全部野咁...

就算求婚都係好求其, 就咁講左幾句, 買左戒指, 說話都明顯係即場講, 冇PLAN過, 唔感動...

同佢講我地既問題, 佢話不擅表達感情, 會改, 但日日都係一樣, 我感覺佢係唔盡力...

有時真係好想結束, 但因為好似又唔係有咩大件事發生咁, 次次都冇決心真係分, 次次話分手都唔成功...而且佢已經唔相信真係會分手, 我話分手, 佢仲可以話"聽日再講"咁...

我唔知我地係咪唔應該結婚, 我唔明找個SOUL MATE互相關心點解咁難...

網友留言：

「你覺得你好關心佢, 提呢樣提果樣, 係個好女朋友, 其實, 呢啲好聽叫關心, 唔好聽就叫煩,

凡事都有好多睇法, 係睇你識唔識得欣賞佢, 佢欣賞你就叫關心, 同樣, 你欣賞佢既, 佢比你話事, 你話一佢唔話二, 其實都係尊重同愛護,

當佢變到有更多要求, 佢會唔會揀你? 佢可能會揀個唔識話事唔會煩佢既女人,

男人要既永遠同女人要既唔一樣架, 當佢要求多多, 就係一次又一次既嘈交,

你可以放棄佢, 但係每個人都有缺點, 當你得到你想要既優點時, 你要準備好接受呢樣優點所帶黎既缺點.」

另一網友留言：

「一個男人會對你求婚，就知佢幾愛你，因為結婚唔係玩玩下

你話佢求婚無PLAN過，唔感動，但我話你聽，你要既感動只有拍劇先會有

真實男人求婚買隻戒指就係佢既全部

反而問題出係你到，如果咁小事就覺唔應該結婚

咁你地婚後都應該幾難行，因為婚後問題會更多

重點係你有能力包容你另一半一世，同到底你地既愛有幾深

如果你地結婚，係因為拍拖耐就要結婚依個公式

咁我會同你講，真係唔好結，因為一定會後悔」

來源：http://www.discuss.com.hk/viewthread.php?tid=22798608&extra=page%3d495

轉載請註明來源：今天頭條