短訊溝女攻略 (一) whatsapp字數鬥少就得？？

之前香港TVB 播出電視節目《盛女愛作戰》，

裏面有位自稱是兩性關係的專家Santino，教剩女回覆短訊時，

要做到「字數比對方少，不要做最後一個回覆。」

頓時，引起很多網民非議。

這是其中一個發笑的例子︰

把Santino 的理論推到極致，就會發現荒謬得很

我告訴大家，短訊技巧不是這樣的……

雖然我不太認同這所謂的短訊黃金定律，

我倒猜到他的思路是怎樣得來。

通常男人追一個美女時，都有一個習慣，

每次都是他發短訊找美女，然後美女不回時，他會再追覆。

結果就是︰男的往往發很多短訊，女的往往是沒有回

形成所謂的︰ 「美女的字數往往比對方少，沒有做最後一個回覆。」

但調轉去想，是否可行？

你回覆少，而且經常不回覆，就等於你很有吸引力嗎？

大家或者未必明白，我再類比一下︰

「發達了，就不用工作」

是否等於「你不工作，便會發達」？

我在課堂上，一邊展示跟女生whatsapp 的紀錄，一面講授短訊技巧

讀過數理邏輯的人都明白，一個定理的逆定理，是沒有邏輯的傳遞性。

如果你只是看見別人的成果，就盲目模仿，我肯定你是傻瓜。

你要找出這個「因」，然後才有這個果。

看下去前，請問問自己︰

一、你是不是美女/ 美男子 (女的像柏芝，男的像冠希)

二、你是不是本身已經吸引了對方

如果你滿足了其中一個條件，的確，擺一個高姿態，

會更吸引到異性。

就好像投資銀行和跨國企業的面試，會刻意留難你，要你寫文章，答創意IQ 題，

因為有條件時，考驗對方，會令對方更珍惜。

問題是，如果對方未喜歡你，

所謂的考驗，只是令對方討厭卻步

就如你要去快餐店面試當收銀員，要寫文章，答創意IQ 題，

你只會回應︰「Bullshit, !@#$%」

如果你跟我一樣，條件很普通，

你的方法只有一個︰

在內容和表達手法上入手，令對方更有動力回覆你短訊。

(這樣，女方會因為你風趣樂天，不知不覺被你吸引)

懂怎樣運用whatsapp, wechat, line, 短訊，溝女的成功率會大幾倍！

這樣可以細分做三種︰

1. 留伏線，使對方懸疑好奇，想追問你

2. 擦火花，使對不得不回應你

3. 你的短訊中，容易令大家開拓新話題

這是我曾經在課堂教過學生的一個真實例子︰

A:

B:

圖A 我用了「留伏線」的技巧，女人一收到，

腦海會有個問號「？」，心想︰

「是閃卡嗎？」還是「甚麼豔照門的新圖？」

( 女人，其實也是很色色的。)

到她追問時，

我用whatsapp發她一張會期望落差的圖。

期望落差，是幽默的一種表現技巧，是史坦尼斯拉夫斯基的後現代手法。 (後句是說笑)

女方覺得被整蠱，會發笑，或者借機跟我鬥嘴

你見到女人說無聊，不要盡信，

女人通常對壞男人的調戲，都會要「無聊」回應。

因為，她回了，已經是有反應。

有試過追女失敗的都明白，真正的「無聊」，女方是懶得回應的

我以前領過教很多次了

圖B，一開頭，我取笑她喜歡我，

使她不得不回應

到結尾，我再用「浴照」勾起她興趣 ，

與「偷情照」一起結合，就像打拳王街霸的連續技，

學理而言，是pattern gag，把類似結構的gag 連用，是一種高階表達手法。

(這幾張圖，隱藏著幾種沒有解說到的技巧，你看得出嗎？)

你看，一開始時，

是我主動提供話題，她回應。

到後來，是她主動追問我「是不是喜歡貓？」

這是女方的「綠燈訊號」，她對我有興趣了，想了解我。

想想吧，如果一開始我whatsapp不主動提供話題，

而只是不斷的鬥少字數，

話題能延續嗎？

互鬥字數少，只是把愛情變成一種角力遊戲

但用我的方法，大家是為對話互相投入資源，提供價值，

而不是計較「對方是不是付出比我多」。

把愛情看成是男女間的角力遊戲，即使你贏了，也是雙輸

得到了女人，你也不會開心

你可能會質疑，我取巧，

用圖片，不是文字啊。

圖片，比文字好。

音訊和短片，我也有很多絕密招數

有了whatspp, wechat 和line，你還不懂得好好利用，你會輸在起跑線上。

如果你不幸遇到我或我的學生，做你情場上的對手，

而你還用著九十年代的短訊方法，你一定輸得很可憐。

就如赤手空拳對手鎗，你的贏面很低。

(當然，在博客中教授的是入門的東西，算是手鎗的話；我在課堂教的，該是核彈了)

愛情上的競爭，不是講誠意，是講軍備和策略

在戀愛路上，你還妄想使用十年前的招數會有效嗎？

這正如伊拉克用步槍打美軍直升機……

別妄想了，好好裝備自己吧 。

短訊的教學，我可以單獨寫一本書。

當然，是有理論，有實例的那種。

不是坊間那些，在網上抄來一堆範例，

不單old school，而且很多是很錯的東西。

戀愛技巧：短訊溝女攻略 (二) 留伏線，製造懸疑

上文講過，開展話題主要有三種方法︰

1. 留伏線，使對方懸疑好奇，想追問你

2. 擦火花，使對不得不回應你

3. 你的短訊中，容易令大家開拓新話題

今次，主力講第一種。

讓自己變你女人眼中的懸疑小說，使對方在猜到與猜不到之間，想追看下去

太多男人誤信坊間的戀愛建議︰

「記緊多講自己的東西，令對方愛上你。

你邊度讀書？做過咩工作？住邊？

甚至自己家庭成員，都要一一講俾女仔聽。」

最後，你們的關係，一開始好像很多東西傾。

但過了1,2 星期的「起底期」，你們就沒有新話題溝通了。

開始，你便會變成追問女人近況來開展話題……

「你weekend 有咩做？」 「今日返工點呀？」 「喂，做緊乜呀？」

「頭先去左邊度食野」 「hi」 「現在忙嗎？」

這是典型的面試式問題， 或者更貼切一點，與差人查牌、審犯一樣。

這段片，講出了很多審犯式問題的毛病

沒有人喜歡被查身份證，而很多男人卻以這種方式待人

大部份悶男、宅男的起手式也是這樣，

我有做研究的，當我跟女友拍拖時，她的whatsapp 每十幾分鐘響一次， 全是這些沒有營養的對話。

何謂沒營養的對話？ 悶、不能延伸對話、索取價值的

悶︰一個美女，聽過不下數百次這些面試問題。

不能延伸對話︰大部份悶男，搾乾一個話題，又來另一條面試問題。

索取價值︰對話中，沒有令對方快樂過，或者令對方增添一點知識

至於為甚麼有些人會教人這種方法， 因為，這方法是對醜女、無自信的女人，有效的。

少人追求的女人，只要被關心，有人主動找她們傾計， 她們就已經很開心。

對不起，我只教人追求有質素的女生

對低質素的女生，你有誠意就夠，不用技巧。

如果你喜歡如花這類型，我會教你簡單一點，直接表白就成了

何謂有營養的對話？ 簡單些講，就是把提供有趣的材料和延伸對話的能力。

好吧，入正題吧！ 看下去前，請思考一下，怎樣才算有趣的對話。

到底要有甚麼元素？ 想想一個你覺得有趣的對話例子。

我的思考模式很簡單， 只分開兩樣東西︰ 材料 (material) 和表達手法 (delivery)

材料是你的對話內容，即產品質素， 表達手法，就是包裝。

本身很爆、很搞笑的材料，誰講別人都會有反應

(例如當時的冠希閃卡，和前陣子的45度角)

本身普普通通的材料，只要透過包裝，也可以引人入勝，令人捧腹大笑。

(參考黃子華的棟篤笑，把生活講成有趣、有意義的道理)

有絕佳材料，加上好的表達手法，當然是最完美， 但粉紅色乳頭，可遇不可求，

而且真係爆笑的材料，不消半天，已經透過網絡傳到街知巷聞

你一發短訊給你的對象，她很可能報以︰「聽過啦 」 你就沒戲了……

所以，我把重點放在︰ 把平凡的材料，包裝成有趣的東西，

這樣，你可以點石成金，草木皆兵。

好，真的入正題了！ 先貼圖再講

這是1月25日的新聞，相關的貼圖都係呢日發生

你看到，心諗︰ 「有咩好講呀？send 俾女仔，點會work 呀？！」

咪心急，停一停，諗一諗， 諗下如何講，才會有趣，才會引起女仔的注意。

不賣關子，自己看看 (以下女角，全為化名) Jan:

我的起手式是「有班人變左冰條」 (果時好凍，得攝氏11, 12 度左右) 本來諗住令佢問︰「咩人？」

佢無問，我照send 圖。 佢有反應了。

然後，我延伸話題至一點「曖昧」的調情對話， 「你要搵個人攬攬」

她當然會想到是我， 但妙處是我沒有提出是我。

想想看，如果我講︰「你可以搵我攬攬」 這樣會展示了太多對她的興趣。

她可以回應一句︰「我先唔使你攬/我會搵第二個攬」 這樣，你在姿態上已輸了一半。

記住，在火花醞釀期，曖昧不可以太明顯； 否則，對方會因為矜持而拒絕你

每次拒絕，也把你的吸引力消減

(所以，未有把握，別太快邀約女生；否則，是自殺式行為)

下一句更妙， 我反客為主︰「你不要找我，我怕你不能自控」

這樣，我調轉頭用高姿態，拒絕她 在姿態格局上，我是被追求者，她反倒像是追求我一樣

同一套方法，你會發現，女人的反應，是差不多的 有時，更有意外驚喜

有些女人，會對你展示更多興趣，唔使講，當然可以跳去下一階段。

可以講多d 明顯的曖昧，甚至少許有味道的東西。

我因為見到女方給我足夠的綠燈訊號，打蛇隨棍上， 所以我便試試邀約

只要你懂得一套方法，任何女性， 都可以溝回來。 (某些女性，你需要微調)

私人教多大家一套練習方法， 每有新東西想出來，

必須搵至少5-10 個女生試試，(我會找20 個以上試)

由你無乜興趣的女人開始，因為弄岔了也沒所謂。

由不太care 的人開始，你的心理壓力少點，也會更容易成功。

到你練習了幾次，會捉到女人的思路，

就容易主導個結果，令對話發展成對你有利的模樣。

好吧，學術一點講， 為甚麼留白或製造懸疑有效？

在大自然界，幾乎所有的危險，都是會動的東西，

所以動物會把注意力放在變化的東西， 沒變化的，通常會不理；

除非你去刻意去注意它

所以人類的腦部迴路是這樣︰ 對於舊的東西、已經認知的東西，會忽略，

只會對有變化和新奇的東西有反應。

可以這樣講，只要你突破佢慣性思維模式， 就能夠令對方的防衛意識hang 一下機 ， 把注意放在你的對話上。

我的幾個示範就用了這種技巧︰

我的起手式，是用了催眠大師Milton Erickson 的Milton Model，

裏面的刪減式(deletion)，缺少了名詞或形容詞，令到句子的意思不明確。

這樣，女方收到你的短訊， 腦海會出現一個問號

她不得不回你，問個明白 這樣，我就算不保證女方投入比我多，

至少保持是有來有往的對話

做到這樣，你已贏了80% 的男生

幾年前學催眠的時候，成功把同學催眠到人橋 (當時樣子很宅)

又人會批評催眠很邪惡， 又或者溝通用技巧，很有機心，

我只可以講，你溝女，一樣有目的，一樣有手段

你送花，想著用物質討好女生；

你表白，希望女人因為你誠意而喜歡你，接受你。

他們跟我一樣有目的，溝到心儀的女生 他們跟我一樣有用手段，只是手段不同

如果有效的手段叫邪惡，無效的手段叫善良

我不怕冠以邪惡之名

女人的腦袋不會對重覆又重覆的東西又反應，

所以，有人還用old school 的方法溝女， 保證你一開口，便被女性的防衛機製阻擋了

我教你的，是新方法， 至少在香港，少過1% 的人知曉，

你可以不學，但有天遇到對手時， 不要怨︰「有無搞錯，佢用埋呢d 招式」

女方對甚麼東西有反應，你不了解，你不懂使用，能怨誰？

如果有天，黃子華開show 講棟篤笑， 台下的觀眾不笑。

他要怨觀眾品味不好，還是說對手太厲害？

一哭二鬧，怨天怨地，有用嗎？

不，黃子華， 會跟據巿場反應而轉變路線。

窮則變，變則通。

好喇，結尾送返個絕密慣例給大家，

到底張相係咩來？ 絕對係無聊到極。

人生，不外是在平常中的生活中，發掘一點點新奇。

女人要的，是令她好奇的男人。

不賣關子了，去相！！

點整？ 用google search，比"比xx更型/帥/厲害的人"

記住，要落引號"" 再cap 圖send 過去

不要懷疑，現在就做吧

等等，記緊有起手式。

戀愛技巧：短訊溝女攻略 (三) When to Do

先前兩次，都係講細位野，

今次講下宏觀野，短訊在溝女中的定位，

以及短訊溝通的基本概念。

以及短訊溝通的大忌!!!

用whatsapp發免費短訊， 已經令好多人少左講電話

你可能有以下疑問︰

1. 一開始拎左女仔電話，點做好？

2. send 短訊先？打電話先？

3. 一日send 幾多個message 好呢？

太多，又驚狗公；太少，又唔夠。

4. 如果個女仔唔覆點算好？

5. 係咪，剩係用短訊就溝到條女？

以上千古之謎，將會一一解開……

雖然我前兩篇文用左好大篇幅講短訊，

並唔代表，齋用短訊可以溝到女。

不過，無左短訊幫助，你溝到女的機會大降50%。

香港太多潮人，成日想當年

有人會話，我以前點點點都得，果陣都無短訊啦！

其實同你細個叫阿媽買電腦，佢同你講︰

想當年，無電腦都可以同朋友聯絡、可以做功課。

時代唔同，玩法不同。

未有whatsapp 前，d 女識左你幾日，就問你係咪同台。

有左whatsapp，d 女會問你有無whatsapp。

我問過好多女仔，有時因為whatsapp 太方便，電話都傾少左。

(我曾經因為唔同台，爭輸左俾個同台既男仔，明明佢話鍾意我多d)

坊間果D 教短訊書藉，一來好多吹水之作， 無圖無真相都算，

最可恨是，好多係D 「狗公mode」教學。

其中一個著名例子︰ 「不要問我愛不愛你。因為我只可以選擇愛你或更加愛你」

如果本身條女已經鍾意左你，都幾冧下。

如果本身條女剛認識你，未鍾意你，你咁做同乞求係無咩分別。

因為個潛框架係︰

1. 你已很喜歡她，她未喜歡你

2. 你很低價值，她很高價值

3. 你在乞求她，她在施捨給你

4.你已沒選擇權，她有權挑剔你，甚至要求你付出更多

5. 整段關係的開始，決定權在女方，只要她一點頭，就成；她擰頭，你就沒戲了。

看清楚嘛？ 條女未鍾意你，表白係無用，

對方未鍾意你前，示愛、示好、曬誠意、送禮物；統統唔會work。

(參見︰溝女攻略 – 表白潛台詞)

條女鍾意左你，表白都唔係必需， 始終表白，都係比左個選擇權女人，扣吸引力。

當然有對住某d 女人，表白係必需；有d 就唔使， 點分我遲下有機會會講。

同埋，點分辨女人已經鍾意你？

過早展示對女方的興趣，把你的吸引力，一下一下的扣。

大部份的男人，除左外表，根本唔識建立吸引力。

當扣到負分時，連電話短訊都唔覆你。

我唔係話示好、示愛、送禮物無用， 一字記之日︰「時 」。

太多人foucs 喺 「What to do」(做甚麼)

但，溝女的真正關鍵係︰「When to do」(何時做)

分唔到呢點， 有好多野太早做，你變左狗公。 太遲做，女人對你的熱情蒸發曬。

溝女時，認清自己去到咩位， 知道自己柒左定膠左， 先識行識走位︰

走前左，行慢返d；行慢左，跑快兩步。

好喇，言歸正傳。

拎左電話，傾電話又好，短訊whatsapp 又好， 一開始講咩話題好？

停一停，諗一諗先， 咩what to do 之前， 問下做每一步既目的。

我都係唔直接解答呢個問題， 用例子答你︰

點解有d 商舖一年365日，都話自己「租約期滿，執笠清貨」？

但你永遠見唔到佢執？

或者你都曾經上當，咁多間唔入，偏偏行左入去買野。

我老媽，經常被租約期滿騙了進去大出血

因為「租約期滿，執笠清貨」至少引發三個心理效應，

(1) 「租約期滿，執笠清貨」暗示入面好多抵買貨品 仲有一點更重要，

(2)有亮點；跟其他舖頭與別不同。 仲有一點更更重要，

(3)「租約期滿，執笠清貨」話你聽，過多幾日，你可能無機會再買到呢度d 野。

當然，入到去唔一定會買野， 但店主賺左時間令你注目，自然有機會sell 你買野。

男性既吸引力都係咁︰

(1) 你要不經意地展示價值

(2) 你與別不同，其他人無法取代

(3) 你不是無限期等待，會隨時離開的，她要好好把握

所以一開始，短訊電話，唔係要hard sell 自己，

係要不經意的吸引對方。

記得第一篇和第二篇文的貓貓圖嘛？

作為男人，你未必明我send 呢d 圖有咩用意。

唔信你send 俾其他男性朋友， 只會換來一個問號，或者一句「無聊」去回應你

我想同你地講，男性同女性的大腦迴路是不同的。

男人以為用錢、用外表，甚至炫耀自己就可以吸引到女人。

錯曬！！

女人會從小處去評定你的吸引力， 而且，很多時是無意識下進行。

你問返佢點判斷，佢都講唔返出來，只會話︰「憑感覺囉」

上面幾張相，加上我之前之後的抵死對答，間接展示左我幾樣吸引力原素︰

1. 幽默風趣

2. 浪漫

3. take it easy (好多男太認真了)

4. 鍾意小動物，有愛心

5. 想照顧小動物的人，有責任心；將來一樣會鍚小朋友

你地實插我，唔好咁姑寒， 貼多d 圖啦

定係無貨呀？

我想講明，其實一招，可以有好多招意， 唔好睇少一張圖。

亦可以咁講，有時你唔明招意， 好多時，錯左都唔知。

好啦，我送多一張絕密圖出來， 益下大家。

呢張相有咩用？ chur，普通狗仔一隻姐…. 係咪昆我呀？

No No No!! 唔好心急，睇埋落去先

呢張圖，幾好玩下， 成功令我同呢個半年無搵既女仔重新打開話匣子

中間對話，有d 隱私野唔貼， 貼d 有參考價值，俾你睇下咩叫火花同張力啦

前幾篇講左好多短訊技巧，

同埋戀愛學的一些基本概念。

短訊傳情，有幾多人做到？

今次呢篇，會以問答 Q&A 形式，

解答讀者的短訊溝女疑難，同釐清一些常犯錯誤︰

1.你講咁耐短訊，但我無個女仔電話，點算？

答︰

出去識下女仔啦，參加多d課外活動、義工、聚會，甚至你可以返教會。

再毒d，上下交友網站(key 8、3男2女、友緣人)，玩下交友apps (skout、 微信、sayhi)

參考呢篇文章︰〈戀愛技巧: 交友Apps 溝女攻略 〉

先要識到女仔，先有得溝女

2. 點拎女仔電話？

答︰

傾到有咁上下，大家有互相交流話題，咪搵遲下約出來，拎電話。

各處地方都係大同小異，街頭搭訕or 落club 就比較考技巧，因為機會轉瞬即逝。

3. 一開始拎左女仔電話，點做好？

答︰

大部份毒男會諗︰「拎左電話，咪掂囉。」

咪傻啦……之後的東西比你所想像中複雜。

大把悶男一開始會係咁問女人問題︰

「你做緊乜？」

「你做邊行？」

「你平時鍾意做乜？」

審犯咩？ 咪傻啦。

唔該，你要主動提供話題。

好多男人以為，一開始，咪大家講下大家資訊，

職業、家庭狀況、喜好、朋友圈子，

起初幾日，講下講下，係幾爽

過左1,2 星期，

到大家講曬你地D 底勢，仲有咩好做？

問題浮現了，傾到無野好傾，開始dead air 了。

因為，大部份人不懂開新話題，同埋延伸話題，

開咩話題？越無厘啦間越好。

呢度講唔到咁多，娛樂新聞、潮流野、趣事都可以

切忌講財經、政治、宗教，太serious了

好多男人係咁樣延伸話題….

女︰我以前養過狗仔

男︰ 係牙，咩狗來？

女︰迷你史納莎。

男︰咩狗來？

女︰小型犬，長毛狗。

男︰哦，咁佢平時食咩？

女︰狗糧，間中餵下零食俾佢。

男︰咩牌子既狗糧？

女︰希爾思。

男︰……

咁一味問，先唔好話你煩，

當條女本身好冧你，好有耐性咁答你。

只係，你根本無開到新話題，

係一味集中一個話題，搾乾一個話題，

問到越來越深入，結果轉唔返出來。

等我教大家短訊溝女啦！

你可能話，到時轉話題咪得囉，

但夾硬轉出來時，好突兀，

好破壞氣氛。

只會話俾人聽，你dead air 左，顯示社交能力好低。

現實中，dead air 一d 都唔型！！

對不起，社交能力係男人吸引力的主要開關之一。

搞不好延伸話題，你不用三震，便可以出局了。

好吧，我示範一下怎樣才算有營養的對話。

女︰我以前養過狗仔

男︰ 係牙，咩狗來？

女︰迷你史納莎。

男︰我以前都養過狗仔，果時好細個，比高犬，同你果隻一樣係小型犬。

女︰係咩？點樣架？

男︰(可以用手機show相，即刻上網搵都得) 好cute 架，Snoopy 咪係比高犬黎囉。係呢？你鍾意貓定狗多d？

女︰狗仔。

男︰你知唔知鍾意貓同狗既人性格唔同架？

女︰係咩？

男︰鍾意貓既人性格……，而鍾意貓既人……

女︰哇，你咁勁既！你讀心理學架？

男︰哈哈，遲下熟下先話你聽。

女︰唓。

男︰咁想知，我同你一人交換個秘密……

咁樣，我已經開左好多個話題。

當中運中了很多溝通技巧，你看到嗎？

不單我，我很多學員都可以做到；而且是對著一個陌生女孩。

參考呢段片︰

我們的學員在課堂上觀過我足本版的搭訕片段，

他幫我統計過，4 分鐘的時間，總共開展了約20 個話題。

越開得多話題，對溝通越有利。

一來你可以之後跳到之前開左但未延伸的話題，唔怕dead air，

二來，多話題，可以有效增加你跟女生的熟悉感。

4. 一日send 幾多個message 好呢？

答︰

視乎對方同你的氣氛怎樣，

如對方對你有興趣，一來一往，

傾幾長都唔會嫌你過份

對方對你無乜興趣，只係視你為普通朋友，

對方好慢覆你，又回得幾隻字。

就唔好咁密，3,4 日1 次係頂盡。

你越多短訊，只會顯得你對對方好有興趣。

(電話短訊係夾埋一齊計，你唔好打N 次電話，又發1 條短訊 ，咁黎跟自己無發多到短訊)

當對方對你無興趣，你對佢好有興趣，

對方收到你的短訊，只會覺得「煩」

你就係狗公。

看懂情場上的訊號，你會避免很多不必要的意外

至於你想知點知對方對你有興趣？

我地稱為綠燈訊號，基本上有幾點比較易講︰

對方問關於你的工作/興趣/戀情 你同佢對話，話題有不少部份圍繞你 你講你喜歡一樣東西，對方會謀求認同

5. 對方唔覆我短訊，點算好？

答︰

有人會建議你︰「唔覆咪追call，追到佢覆為止」

你絕對可以咁做，因為大部份男人就係咁做

只係咁做，你會嚇怕對方，俾壓力對方

面對女方的冷淡回應，真的需要這樣煩惱嗎？

首先，你先諗下幾個可能性，點解對方唔覆你？

1. 對方可能忙，或者miss 左你條短訊，所以唔記得覆

2. 你句短訊缺乏延伸對話點，同埋無「留白」

3. 你已被定型為悶男/ 追求失敗者/ 狗公，對方唔想回你

4. 隔幾耐，視乎你地親密度。如果已拖手/接吻，可以隔一晚。

如果只係普通朋友，最少隔3 日。

6. 點用短訊約女仔出來？

答︰

你絕對可以用短訊約女仔出來，

只係約到出黎既機會打返3 折。

第一次約會，切忌用短訊約。

因為對方會諗好多野。

不要誇大文字溝通的功效，除非你滿足於 cyber sex

除非，對方已經好鍾意你，

你就可以懶懶閒咁約。

至於點邀約，

我唔重覆，自己睇返我之前篇文︰

〈約會邀約的秘訣〉

7. 係咪淨係短訊就溝到女？

答︰

答案好簡單，唔係

如果以技巧以言，文字係最易學到

難度比較而言，

短訊︰電話︰當面傾計= 1:9:3

因為短訊可以俾時間你諗，

而當面易講野，因為有身體語言搭救，同埋可借場景展開話題

要俘虜女人的心，一定要懂講電話的秘訣

聲音溝通最難，唔信你聽下廣播劇，

有幾多人可以可做到，用聲音講故事？

電台俾網絡同電視淘汰，因為欠畫面刺激，

人類的感覺來源，有90% 來自畫面

如果你懂得用言語令對方腦海裏創造畫面，

你一定能激起女人的情緒。

相關我覺得最有用的學問，

我推介 NLP 和催眠。

聲線控製，可以參加一些配音班。

情緒導入，則可以參加戲劇訓練班。

8. 你教咁多野，唔驚無人上你堂？

答︰

唔驚，哈哈

因為就算呢4 篇短訊攻略，大約只係我的短訊理論的5-10 %。

還有很多東西，沒有機會詳解。

看了，也是「知其然，而不知其所以言」

大家聽得幾入神啊！！

再講，短訊技巧在整個戀愛學中，

以篇幅計、或重要性計，不到10-20%

其餘的課題有︰

外表配搭、聲線、話題組裝、

談話技巧、演化心理學、心態調整、肢體語言、

邂逅異性、肢體觸碰、約會流程、關係管理、性愛技巧……

很多人以為短訊技巧重要，因為短訊玩不好，

你得到女人的號碼後，甚麼也做不到

這等於說，父母見到孩子學走路，很欣慰

因為走不到路，這孩子的命途也很悲慘。

他們會整天找醫生醫治他孩子，令孩子行到路。

當然，踏出第一步，只是開端。

不會一步到結局。

9. 我無smart phone，用唔到你教的技巧，點算？

答︰

功欲善其事，必先利其器。

你用返d 古時武器，唔通有機會贏到飛機大炮咩？

戰場較勁，武器勝於一切

當然，如果你/你的對象只有舊式手機，

基本理論都可以照用。

一樣可以「留白」，一樣可以調情。

10. 我可以send 短訊紀錄俾你過目嗎？

答︰

如果可以公開出來，你可以貼到︰感情問題信箱

不能公開，請勿發來！

如你題目吸引 (而不與之前的文章重覆)，我會盡量抽時間回答。

如果你唔可以公開出來，又想請教，

歡迎來到我們的講座請教︰

「男仕戀愛實戰」工作坊

戀愛技巧 短訊溝女攻略 (五) 微信Wechat篇

寫畢《短訊溝女攻略》四篇，已是一年前的事，

今次執筆寫第五篇，

要說得簡單，又要有新意，真的有點壓力。

(說笑吧！要寫，可以寫很多東西呢！)

上幾次，討論過︰

短訊字數問題；

如何令對方產生興趣，引導對方追問；

在不同時機，短訊的內容、長短的不同；

以及解答了有關邀約時機、方法等疑問。

這次要談的是 微信Wechat 獨有的溝女玩法，

「錄音功能」

不是說其他短訊app 沒有錄音功能，

只是微信wechat 的錄音太方便了，

一下按住就可以說話，

錄不好，拖上去方手，就可重新錄音。

溝女，最緊要先讓大家方便，

錄音一定比打字容易得多。

尤其一開始，對方未被你吸引前，

切忌要對方太大投資。

(對方對你有好感，則要開始誘導對方投資︰約會女生的10個關鍵 (下) )

微信wechat還有一樣優勢，

它本身就有交友app 的功能，

在你未拿到電話前，

先用錄音功能，讓對方習慣你的聲線；

甚至用抑揚頓挫吸引對方，

更易拿到對方電話號碼。

片段中，我示範了在wechat 微信，如何2小時內拿5個女生電話號碼

講多無謂，

先醒大家一招半式吧︰

大家望完，一定一頭霧水，

容我先解解畫。

圖一的第一句，

無錯，是空白訊息。

(whatsapp 是玩不到空白訊息的，所以才用微信wechat；

p.s. 近日電話報銷了，所以要女生截圖再發給我，所以位置左右對調)

如果發一個空白訊息，

對方看不到，沒有理。

等2,3 小時，再發。

到時對方會問你幹甚麼。

就答︰「愛似無聲仿有聲」

(不用我解釋吧？這是謝霆鋒的歌)

空白短訊，也是製造懸疑的做法，

令女生好奇，不得不追問你。

(參考︰戀愛技巧：短訊溝女攻略 (二) 留伏線，製造懸疑 )

讓女生面紅的15秒錄音，

就是歌中00:44 至00:59 的一段︰

「和情人深深一吻 來代替講話 好嗎

這訊號以無聲仿有聲 領略時未需解碼」

事後，我發現可以錄長一點，

由00:44 至1:17，加上這一段，效果更好！

「和情人緊緊擁抱 來代替講話 好嗎

妳快樂 眼淚想灑了 而不準你灑

我在旁 請不要害怕」

當然，不是我唱吧，謝霆鋒唱得比我好得多……

用電腦或另一部電話播出，

再用自己電話即時錄音就成。

(微信wechat 只可發視頻，不能發音頻的)

我喜歡研究流行曲的歌詞，

在課堂上也會跟學生分享。

歌詞比其他文字更有共鳴，

一、因為歌曲背後的故事。

二、MV有聲有畫，易於聯想。

三、當聲畫訊息超載女生的腦時，對方的理性會暫時停止。

種種原因，令大家適易談情。

我還喜歡儲起很多有趣的視頻，

有些短片直接發給女生，

有些在Youtube 的浪漫短片。

女生收到，會很自然連結到你的印象上，

是間接吸引女生的方法。

Steve Job推行的iPhone，

不僅改變了大家的上網習慣，

更改寫了我們的溝通模式，

以致讓溝女變得更多元化。

不懂運用智慧型電話，

你將會落後於人。

不懂戀愛技巧，

你將會成為戀愛的輸家。

SOURCE http://kinoblog.hk/?p=1018

高登花生台https://www.facebook.com/pages/%E9%AB%98%E7%99%BB%E8%8A%B1%E7%94%9F%E5%8F%B0/669908546474319?ref=bookmarks

轉載請註明來源：今天頭條