唔知有幾多個男人好似我咁, 帶綠帽?

拍拖5年..平時對我好好既佢,我完全冇諗過佢會咁對我...

而家個心好辛苦, 因為我最討厭最驚最憎既野, 發生左係自己身上。

我同佢都係岩岩畢業, 正式出黎做野半年左右五年間我地幾乎日日見面,好溫馨....大家等大家收工..去食飯, 返到屋企傾電話..一切都好好

我發現既原因其實只係自己開始懷疑, 我知道我自己CHECK佢電話, 傷心既一定係自己, 但係我最後都係揀左要知道事實既真相。

最後我當然有問原因, 但答覆只有一句"貪玩"....

我真係估唔到, 原來我一直以為佢淨係會對我講野說話, 對我做既事, 原來對其他男人一樣會做.係呢一刻, 我只係覺得我平時著得好舒服既底褲, 俾人著完再俾返我。

我接受唔到! 我其實好愛佢視佢為結婚對象, 點解要浪費我呢五年對你既愛?我唔明點解明明我地仲好地地, 一齊遊車河食宵夜, 但最後會咁...

事後仲可以若無其事對住我?好想搵人傾訴, 但我唔想俾人知我女朋友會咁! 我唔想俾人覺得佢係咁! 我都唔想俾人知原來咁大頂帽粒到落我腳子尾..

拍拖其間, 我三番四次講過好多好多, 我係最討厭呢D事, 我成日懷疑佢, 只不過係驚真係發生!我而家唔知到底係呢一次, 定係我之前所懷疑過既都俾佢瞞天過海?

其實我真係好想接受返佢, 我可以原諒到佢, 但我接受唔對佢做既呢一切..

http://www.discuss.com.hk/viewthread.php?tid=24762011

MORE AT:

https://www.facebook.com/pages/GAG-ZONE/1422458507983399

轉載請註明來源：今天頭條