同男朋友一齊左四年

今年年頭先開始同居

間屋係佢阿爸出首期

寫我地兩個負責供

另外我地有個聯名戶口

佢儲七, 我儲三

都Plan緊下年結婚

四年來我地都好恩愛

Even同居但大家都有自己既私人空間

房事方面都好協調

每星期都至少有一次

而我係果方面都會花啲心思

畢竟自己都鐘意

同埋都了解男人係貪新鮮既動物

所以時不時都會比啲驚喜佢

男朋友每次做緊既過程中都好投好享受

(我都係)

就算做完後佢都會好好咁錫我攬我

就此我一直以為佢唔會有出去搵食既意慾

但原來其實唔係

有啲野無論你比幾多比佢

佢始終都係佢

就似一個井

無論天落幾多雨, 井裡水平都不變

天性就係天性, 本質就係本質

多年來我都唔會check佢電話

而佢亦到無check我電話

彼此都信任對方

每晚大家既電話就擺埋一齊充電

去到有一晚大概凌晨3點

我突然醒醒, 可能冷氣凍

起身拎remote set細啲冷氣就返埋床邊

準備訓落床之陣

佢電話突然著燈

佢電話設定就算震機mode都會顯示notice

一個無save 名既電話: 聽晚???

呢個moment

我諗大家作為女人都知咩事

果刻我好亂 眼光光望到天亮

第二日朝早大家醒

慣性一個morning kiss and hug

男朋友無發現我唔妥

因為我一時三刻都接受唔到

所以無浮於表面

到到返工, 我無法專心

腦海裡一直重覆當晚凌晨3點無名既 "聽晚???"

因為事前我同男朋友講過我果晚去食飯

無咁早返

所以先令我更加懷疑

因此我決定取消飯局, 夜晚放工返去查明真相

我當時心情真係好緊張

好驚 好怯 好怕

試問一個女人仔

平時同一個晚晚同眠既男人

突然做出一啲傷透另一半心既事情

叫我自己點接受

當晚8點

上到樓上 一步一步咁走近我地既愛巢

但離遠已經聽到電視聲播到好大

拎出鎖匙

開門

果然

不出所料

我個心真係傷透

一個不堪入目既畫面就係我眼前

徹徹底底打破我同佢四年來所建立既關係

承諾

感情

回憶

我親眼睇住男朋友同佢沙煲兄弟阿明

係度食麥當勞

新出果個餐

離遠已經見到個飽好大好夠份量

我接受唔到

因為先前明明話過我要男朋友同我食先

但如今佢同阿明係我地既愛巢入面

瞞住我 偷偷地食

我慢慢行近

發現仲有個滋味蘑菇安格斯餐 加大

送shake shake粉

我就黎暈低

仲有兩盒雞翼

一盒雞肉沙拉

我已經嬲到爆炸

我問男朋友點解要咁對我

佢話係阿明買上來, 唔關佢事

我已經聽唔入耳

好嬲好嬲

我又問明: 乜你換左電話咩

佢話問返我點知

我唔想講野

最後我一口氣食哂佢地啲麥當勞

個洋蔥圈安格斯真係正到無輪

啖啖肉又多內juice得來又有口感

麥記已經好耐無出過咁高質既包

呢次我算係原諒左男朋友

但希望無下次

轉載請註明來源：今天頭條