【親身經歷】家姐生BB,姐夫個家人一個都唔黎,但係宜家BB百日宴..總之今次家姐就嫁錯男人!!!

家姐姐夫同佢屋企人住新界(唔係同住)我地成家人都住係港島,

因為家姐想就我地放便睇BB所以就約左港島區某醫院生BB

但男家一個都唔黎探家姐,打電話黎都只係問BB點...點解BB咁瘦之類

返左屋企之後佢地男家一個人都無上黎探,每一日都係我父母由港島入新界睇佢地,

即使到宜家呢一刻,佢地都無黎睇,返而係我地女家呢邊日日都有唔同人上去探

唔係要你地男家送D咩禮物,而係佢地D反應真係冷淡到不得了,

到BB百日宴,本來我地一家人就想BOOK灣仔間酒樓,

因為我地好多屋企人都住都係住港島,雖然有兩個都係住新界但係酒樓附近有車直接返佢地屋企,

不過打去同親家老爺傾個時,親家老爺就話佢巳經BOOK左MK個邊D酒樓...

MUMMY因為咁樣而好嬲,因為家姐生完佢地男家一個人都唔上黎睇,

宜家搞百日宴問都唔問就BOOK 左MK間酒樓,個位置雖然都有車站返屋企,但係佢應該要問下我地女家意見先

咁我DADDY就打電話同個親家老爺講

「雖則個孫係跟你地姓,但係你問都唔問就去左MK,有無問過我地意見,有無尊重過我地女家?」

親家老爺好串咁講左句

「你唔鐘意可以唔好黎,唔係姓咩GE問題,係由結婚個一刻你唔尊重我地,我地成家人都住係新界你地堅持要係港島區擺酒,我個孫又係港島生,宜家百日宴就返我地一次唔過份,加上我地係旺角,都有車返你屋企!」之後就收左線

宜家父母都話一定唔會出席,家姐都話左唔會帶BB出去,姐夫就一直勸家姐,

家姐宜家帶左BB搬返黎住,我真係好歡迎,而且我地都定左係同一日係灣仔擺百日宴

但宜家就到姐夫係到嘈話唔好搞到大家唔開心,要我地一人讓一步!

轉載請註明來源：今天頭條