雖然已經有年多沒有做公開活動，但 Cammi面對鏡頭仍然識自動波擺 pose，多得平日 keep住自拍練習。

真面目 真人示範 孖富二代百萬開鋪 真身 Cammi＂唔執相係咁樣＂

Ads by Google

出道近 5年，曾經有過唔少負面新聞嘅 Cammi（謝芷蕙）， 13年搭上國內富二代阿傑，拍拖年多感情穩定，已經有兩年多經營網店經驗的 Cammi，近日冧掂男友夾份開鋪，花 7位人仔在廣州開一千三百呎的自家服裝店。剛踏入 20歲的 Cammi榮升老闆娘，搵個好男友好過搵份好工啦！至於人人好奇佢個樣點進化，今次《 FACE》專訪就零距離同 Cammi驗下個樣先！

11年做靚模入行，儲落少少錢後， Cammi已急不及待在網上開店賣衫，一圓做老闆夢。

親眼見少包面

「自己對服裝、時裝、得意嘅嘢都有興趣，所以我就開咗間網店。開頭其實唔使好多成本，咁我有做開登台 job，都好夠我去經營一個網店。一開始入貨只係攞咗 3千蚊啫！」

16歲便在網上做生意，初時小試牛刀，所有工作自己一手包辦。「開頭都係自己親手包貨、剪線頭，全部都係自己親力親為，比做 model花更多嘅時間。」期間 Cammi一直有做 model，雖然部份網友經常講 Cammi疑似整容，但長腿加 P圖令 Cammi的網上商店追隨者不斷增加。「講過好多次，其實我覺得好煩，都講過我係整過雙眼皮，我覺得無咩特別啫！」採訪當日，記者留意到 20歲的 Cammi無論手臂或是大腿仍然有 baby fat，面頰亦有點包包面，而且膚色未似修圖後白滑，「喺廣州生活，可能空氣差，食嘢又油，皮膚都差咗好多。」自拍神器功用果然好大， PS女王不是浪得虛名。

經營網店兩年多，加上 13年與現任富二代男友傑少拍拖， Cammi與男友一人夾一半，裝修連租金用近百萬人民幣，在廣州天河區完成「開一間粉紅色 fashion shop」的夢想。

「因為我男朋友喺廣州，咁我經常都會上去十幾日，佢屋企人做服裝，我男朋友果邊可以多啲嘢幫到我，無咁亂。」

去到邊， Cammi都鍾意影相留念，或者 sell嚇自家鋪頭嘅貨品，但大前提係，無論衣著或者樣貌都吸引到人至得囉！執過相係白滑曬啦！網上圖片

唔睇身材， Cammi除咗一副公仔臉之外，長腿其實都好吸引。網上圖片

富二代男友好識做， Cammi一句因為三層高蛋糕好有公主感覺，結果男友連續二年都專登搵人做蛋糕！網上圖片

保護神秘富二代

雖然 Cammi不時喺網上大曬同男友傑少嘅恩愛合照，但對於男友嘅底細， Cammi諗兩諗會話：「佢背景呀？可唔可以唔講呀？」 22歲嘅傑少身份神秘，只係知佢啱啱喺外國讀完書返嚟，

轉載請註明來源：今天頭條