一直以來同另一半嘅關係都系唔太穩陣？有時仲會發現對方會講下大話？令你曾經有一刻諗過不如同佢分手？其實你有冇諗過，自己有可能系比對方玩緊，對方一直都有背住你偷食？

想知道對方系唔系呃緊你，比頂帽你戴？或者你就應該留意下對方有冇出現以下10大特徵……

1. 成日突然放飛機

明明今日約咗佢，點知去到約會果一日嘅晏晝佢先至嚟話唔得閒？如果佢好多時候都系咁，直情系當你無到，意味咗佢覺得唔需要花時間喺你身上咁。假如喺一段關係開始嘅時候，對方已經無將你放喺第一位，咁你應該估計到去到後期，情況只會系更差。

2. 經常撩其他異性搭訕

根據兩性關係及心理學家講法，對比起一個人嘅言語，一個人嘅行為其實系更能夠反映出佢哋嘅心理狀況。因此就算你另一半講到有幾愛你都好，假如你發現佢有經常撩其他異性搭訕嘅習慣，餐廳服務員、你嘅朋友皆是，或者你就要加倍留神可能有人做緊你哋嘅第三者。

3. 從來都無上過佢屋企

如果你已經同佢拍咗拖兩三個月，但每次提議話上佢屋企嘅時候佢都總系有藉口推咗你嘅請求，咁你就要首先諗下佢嘅處境，例如佢系唔系一個好亂嘅人怕人見到佢間屋唔整齊，定抑或有屋企人喺度。但假如無啲咁嘅顧慮，咁你就要小心睇下自己究竟系唔系做咗第三者都唔知，自己嘅另一半屋企根本就放曬有關正印嘅物品，所以先唔比你上去。

4. 唔比你識佢嘅朋友同埋家人

同一樣道理，假如你哋兩個已經一齊幾個月，對方都經常搵藉口唔想比你認識佢嘅屋企人同埋朋友，咁就有機會代表佢有所隱瞞，唔想比佢嘅家庭或者朋友圈知道你嘅存在，費事揚開你系佢第三者嘅消息。

5. 唔同你影相

初初同你起埋一齊唔影相，或者系因為關係未算穩定所以就費事咁快公開，避免俾社交網絡嘅朋友問長問短，好鬼尷尬。但如果佢長期都系咁嘅時候，咁可能佢其實系另外同有另一個伴侶，要瞞住佢同你嘅關係。

6. 來電顯示俾佢改咗做另一個名

發覺你打比佢嘅事後，電話顯示個名竟然完全唔系你個名？仲要嚴重到佢將你個名改成咗一個佢同性朋友嘅名？咁你首先就要諗下自己有冇曾經同佢開玩笑，個名系唔系真系同你哋有聯繫先。如果無嘅話，咁你最好就問清楚佢嘅用意，搞清楚番成件事。

7. 親熱過後趕住返屋企

每次親熱過後，另一半都好似滾水燙腳咁，即時急急腳執返D衫褲走人？咁其實亦都顯示出佢唔想多花時間喺你身上，想喺達成自己目的之後快啲離開現場。同樣地如果發生咁嘅情況，你都系試下以試探嘅方式問下佢點解會咁做較好。

8. 永遠唔會將你稱為男／女朋友

雖然兩個人關係已經穩定落嚟，但佢都系唔肯喺人哋面前表明你哋嘅關係，稱呼你為佢嘅男／女朋友？咁其實就意味咗佢哋仲考慮緊應唔應該同你喺埋一齊，有住「騎牛搵馬」嘅心理。

9. 忽冷忽熱

呢幾個月佢就同你糖痴豆咁形影不離，下一個月佢就無端端幾個星期都唔會搵你，就連微信一個都無，但就話只不過想有啲私人空間，並唔系想同你分手。咁樣嘅表現其實就代表咗佢哋都好質疑自己應唔應該同你走埋落去，無論對自己定對你都無咩信心。

10. 從來唔講將來

如果你同對方只系拍咗拖幾個月，當然就唔會希望對方咁快同你講將來，但相反假如你哋已經喺埋一齊一段時間，佢都對將來隻字不提，甚至系迴避嘅話，咁就可能代表咗佢未諗清楚到底系咪要同你長久喺埋一齊，關係仲存在好大變數。

金句王

微信號：jinjuking

文章來源: https://www.twgreatdaily.com/cat40/node1115732

轉載請註明來源：今天頭條