上星期三

阿爸阿媽話返大陸探我舅父，

我唔想去

所以話公司好多野做請唔到假，

然後諗住果晚

同我呢個我一齊4個月既男朋友一齊食晚飯、

然後一齊返去我屋企過夜。

以前咁耐之黎我地都冇試過一齊過夜，

甚至佢未上過黎我度，

所以大家好想試下。

點知星期三果日我病左，

佢放工直接買粥上黎，

俾佢見到我個素顏樣之後，

我聽到佢「下」左一聲。

我問佢做咩，

佢凈系講左句「你平日都系咁樣架？」

我話系呀，佢就冇接落去。

之後佢有陪住我既，

但好悶悶不樂咁樣，

然後到大家瞓果陣，

佢話驚交叉感染，

去左阿爸阿媽間房瞓。

第二朝買完早餐俾我之後，

就急急腳走左。

自此之後，佢一直都對我好冷淡，

我諗黎諗去，除左因為素顏呢樣野，

冇其他原因令佢變到咁。

我應該點做？

轉載請註明來源：今天頭條