溝女有無數咁多種策略、理論，學說，無可能跟一套就保證成功
就算你學識哂，跟足黎做都好，人總是有溝不到的女
所以要清楚知道自己處於咩環境，對住咩對手
我自己唔太鐘意去蒲，所以只能夠講下日常既情況
世事無絕對，以下講既事全部都係以一般情況、以機會率而言
首先係宏觀角度:
1. 兩性之間要互相吸引
好多巴打都講過，千其唔好當你女神係女神
呢樣100% 正確，無得傾！
你可以覺得你女神全世界最靚，最可愛乜都好，但關係一定要對等
女人對男人既愛，多數都出於傾慕
例如覺得你好叻，好型，有才華，或者任何一種值得欣賞既地方
相反，你俾佢既形象係相對低層次既話通常都好難成功
以前好興話女仔「公主病」，就係因為女仔當男仔係「僕人」
試問一個「公主」點會同一個「僕人」談戀愛？Hi，公主就梗係要搵王子啦！
公主與王子就係對等關係既最好證明
簡單講下咩男仔先吸引到女仔
係咪一定要陳冠希咁靚仔，蔡加讚咁向左走向右走有錢?
實情好多時都係相對而言
如果你處於模特兒、藝人公司既圈子揀女，咁你通常要好向左走向右走有錢 / 靚仔啦
因為女仔通常會揀圈子中比較好既選擇
巴打們諗下自己，響人地同自己既生活圈子中算唔算較好?
只要做到一個圈子既中心，Leader 通常溝到女既機會都大D;
因為leader 吸引到最多注意力，女仔亦都會受主流意見所影響
如果你未能夠做到「比較好」，請自強！真係做唔到，去第二個圈子搵食絕對好D
2. 了解自己同對方
孫子兵法有講「知已知彼，百戰不殆」，好多人知但其實無真正做到
知道條女既事，同知道自己既事一樣咁重要！！
點樣臨場應對，就靠你掌握幾多情報
首先巴打們撫心自問，你地「條件」有幾好？有咩吸引 / 唔吸引既地方?
唔好誇大亦唔好妄自菲薄，如果唔肯定就問多幾個身邊既朋友點睇
再諗下，自己對target 黎講又係點樣
例子: 我有個朋友 A 響男仔堆中好向左走向右走搞笑，好多野講，氣氛好好，但去到女仔面前就完全唔同
除左無膽，緊張呢d 例牌原因外，要注意男人同女人要用第二種語言溝通
A講既話題、笑話，響同性耳中聽落係無傷大雅，好頂癮
但響女仔既角度可能係好低俗，好無聊
呢個情況響一堆人 (有男有女) 聚會個陣成日出現！
可惜 A 觀察力不足繼續照講落去，完全係嚴重扣分
溝女個陣都要睇Target 係咩人
學生妹 ? 大學生? 出左黎做野? 做左幾年?
屋企環境如何? 屬於咩階層，平時會做d 野，想做d咩 全部要知道
唔同年齡層、社會階層既人期望既野完全唔同
我自己都係出左黎做野一段時間，好成熟個d唔敢講，但都叫經歷過呢幾個階段
舉個例
學生妹睇外表，鐘意既靚仔，運動叻，多數唔介意錢
大學生開始睇錢重d，注重男仔既發展潛力，社交能力
社會人士會諗前景，呢個時候女仔都廿幾，大多都諗成家立室，所以穩定好重要
錢既比重一路提高係必然！除非你出黎就搵到好工或屋企好有錢
否則中學、大學係比較容易溝女既時期
學生負擔少、見識亦較少，非常容易受影響，所以一定要好好把握
3. 掌握氣氛 = 掌握一切
就好似踢波咁，控制中場就係控制比賽，女仔尤其著重氣氛
「氣氛」好多時都等同「感覺」
你同異性出街，氣氛撐握得好，人地就好易對你有好感
例如去high tea, fine dining 食ritz Carlton, 食harlans
啲野食唔向左走向右走好食都收咁貴，其實啲錢係用左去買「氣氛」
一個優雅舒服既環境對 dating 極重要
人係一種極受周遭環境影響既動物，會跟個環境去做相應既事
好似你去到party 會跟住一齊high，去到商業會議會扮嚴肅、專業咁
呢方面，女仔比男仔更加敏感
要識得製造氣氛、改變氣氛至關重要
一個約會，要有時緊張、要有時輕鬆，有時浪漫咁先好
唔同女仔有唔同需要，要跟情況去變
若果個女仔表現得輕鬆，好似同一般朋友去街咁，雖然好舒服，但一定無結果
所以要令佢有心動既感覺，將一個聚會變成一個約會
若果一個女仔好緊張，好尷尬亦無好結果 (個人覺得比輕鬆好)
要識得拎平衡，要做到呢個效果、改變氣氛有好多做法
以前有巴打提到用 NLP，我唔係咩專業催眠師，但都幾同意D理論
例如 心理上既 Anchoring，簡單而言係用外界對d 事物、事件觸動對方既情緒
要短時間做到呢個技巧，要揀對方情緒極端化個陣作出暗示
生活上大把例子，好似你同你target 去食一餐極浪漫既 fine dining, 佢極之享受，好開心
當佢日後再聽到間餐廳既音樂，就會不期然覺得開心浪漫
有經驗既催眠師會用不同既主動暗示，聽覺、觸覺、視覺都有
聽完唔知有咩用?
如果兩公婆嗌交，大家冷戰中，只要其中一個講「老公」/「sweetheart」，即刻無咁嬲
因為呢個稱呼連繫左既一D開心甜蜜既回憶！
氣氛真係太重要，所以要用多d篇幅去講
Anchoring 只係其中一個trick，心理學、行為心理學 etc... 有好多野你可以用
但用得黎要切記！！自己唔好變得 Manipulative！！
唔好以為識得d策略同技巧就可以控制一切，可以玩弄別人
講到尾呢d theory 都係幫人了解對方，同人地相處得好D！
女仔成日都講要有感覺、有FEEL
但當你問，點先有感覺呀，點先叫有 feel 呀，佢地好多時都答唔出
因為佢地連自己都up 唔出咩係感覺、咩係 feel
「感覺咪感覺囉! 無得解架喎!」Hi，咁你即係叫d 男仔點做先;
對於呢個term，我嘗試作出一個解釋，就係氣氛係感覺既主因，甚至係本體！
有無聽過女仔話「同佢一齊好開心、好舒服」、「同佢一齊會緊張面紅」
其實呢D;咪又係兩個人相處間既氣氛，要問既，就係點樣令呢個氣氛 (感覺) 出現;
上面話女學生比較易把握，主因係佢地其實唔清楚咩叫戀愛既感覺
見到一個人緊張係唔係戀愛?
同一個人傾計傾到既喊，覺得好信任對方係唔係戀愛?
成日諗住個男仔係唔係戀愛?
生活入面好多時都有佢既參與係唔係戀愛?
巴打們不妨問下自己，知唔知咩感覺先叫戀愛，而女仔係咪都一樣咁諗
再問下自己，呢d 感覺係唔係凝造氣氛而得
講真，好多時女仔鐘意一個人，你乜勁都唔做個氣氛自然好好
但咁就唔叫溝女啦！溝女就係令一個對你無野 / 唔鐘意你既女仔愛上你！
要改變大家既關係，首先改變兩個人相處既氣氛唔該
好坦白，後生女仔好多時都會搞錯或者誤會自己既感覺
但自開始左之後，女仔亦多數會萌生真正既愛 (男仔通常都相反)
響呢度我必定要講，戀愛係由一堆錯覺同衝動開始！
戀愛係由一堆錯覺同衝動開始
所以下面會講下點解溝女要快同表白係無用
4. 兵貴神速
「兵之情主速」，呢句說話其實係講行動力高既兵先係精兵
同樣地，溝女好忌meme momo，乜勁都慢過人一定蝕
其他post 所講溝女頭一個月係「黃金期」，我覺得有兩個含意
第一，你同條女岩岩識，完全唔知大家咩頭咩路
呢個時候，你響個女仔心中都係白紙一張，大家處於最好奇既時候
巴打們可以響呢個時候大膽D，約人地出街個陣可以進取D;
若果佢無反感就已經成功左一半
女仔既思考同反應一般都好慢，不知不覺間可能已經成日同你出街、whatsapp
做到呢步，係咪要表白? 坦白講，多數都唔好！
因為女仔既思考係最靠不住！，佢有時間諗的話，多數都諗D唔好既事！
若果可以，你大不了拖手，錫埋，上埋床先之confirm 大家既關係都未遲
第二，如果個女仔已經識左好耐咁點呀?
溝女、拍拖都係為左改變兩個人既關係，而「黃金一個月」亦可以應用響你開始改變關係個陣計！
如果兩個人識耐左都係friendzone 必有其因
可能佢唔鐘意 / 你唔鐘意佢某D野，或者太解對方覺得無可能
於此，你要既係俾大家一種新既感覺！
無人可以完全了解對方，每個人都有未知既面
要令熟人改變關係，就要令佢發現佢唔知既一面／事物，從而對你改觀，產生興趣
女仔會否定自己對你既了解，你脫離 friendzone 既機會就更加大
佢有猜疑既初期，你所做既野會事半功倍，原因上面講左，係女生思考既慣性
第三，如果你約條女幾次，佢三番四次拒絕你咁點呀?
佢係咁拒絕你必然有原因，自己好好諗下點
同時，人地唔想同你出去，再煩人只會判自己死刑
所以要於適當既時候收手 (但唔代表放棄)
搵到佢討厭你既原因，可以改善固然好，但假設大家其實無事，咁條女又唔出係何解?
一句講哂 Timing is Everything!!
人地可能seeing someone，或者心情差或者有野忙，唔一定關你事
你先收手再等時機係最好既選擇
閒時上多D fb，同身邊朋友傾多D計，你先知幾時係機會、「知己知彼」
要強調一點，「雪中送炭」遠比「錦上添花」好
女仔有困難，處於低潮個陣，特別希望有人倚靠
你呢個時候做到野加分最多，對你既印象最深，之後打蛇隨棍上更容易
承接上面，初初開口約女點先容易?
有巴打開post 講二分法，但呢個既為左節省時間同精力為目的
並唔係要約到你想約的人 (有錯請插#adore# )
如果我係要約到特定對象，就要睇微觀，即操作層面
個人認為，作為初次出街既活動，做啲女仔平常都會做既事比較好
一來女仔比較容易接受活動內容
二來可以令女仔安心d，對你戒心無咁重
三來你可以知個女仔平時出街既習慣
例如，個女仔中意去睇戲、睇舞台劇、飲酒之類，你倍佢去通常難度無咁大！
如果你想決定出街去邊、做D咩咁點好？
第一次出街，俾著你都唔敢做D好向左走向右走奇特既活動下話
好似帶人去睇 indie band show，有人中意，有人好反感，risk 唔細
所以做D平常人會做既事，即是行街睇戲食飯！
飯人人都要食，即使再忙都係咁話
食咩的話，除非你知道個女仔既喜好，一般食日本野最安全
你要熟悉你去既地方，例如ｔｓｔ、ｃｗｂ
個女仔就算臨時有異議都可以即時帶佢其他野
最重要係唔可以唔識路，呢樣真係Seven到開花！！
咁睇戲呢？睇戲有幾個好處
一、戲有好多可以揀，總有一套兩個人都接受
二、兩個人共處一個陰暗空間長達個幾兩個鐘，係唔錯既經歷
三、套戲可以成為你既話題
有人會問，睇戲先定食飯先
一般而言，我會揀先睇戲後食飯！
5. 關於表白
本身我無諗住開呢題，但見有唔少巴打都幾關心表白呢回事[sosad]
首先要利申一點，我係無話唔可以表白既
只係表白大部份都落得失敗既下場
其實我真心覺得表白呢下野好型#adore# #adore#
係一件結合勇氣同決心既事！
所以通過電話、whatsapp、fb 黎表白的話，得罪講句，係Seven到核爆，完全唔型[sosad]
有野要講，就面對面，親口講！做男人唔好私私縮縮！
以上只係我既個人觀感
要講成功既機率，據非官方統計，唔表白係遠大於表白:)
點解會咁，因為表白呢個行為本身效果不大
如果你咩都唔，唔追唔溝，單靠表白你估得唔得？
除非個女仔本身中意你，否則係自殺行為黎
同樣地，你追過啦、溝過啦、但個女仔唔鐘意你，咁同上面情況有咩分別？
相反，如果大家發展到一定程度，例如言語、肉體上既親密程度已經係超友誼
有好多行為可以代替表白，例如拖手、kiss 呢d 情侶先會做既事
就算人地縮都好易濛混過去
如果你表白，係無得返轉頭架 你地有無諗過
你表白係無留任何餘地俾對方
大家就一係情侶，一係就「朋友」
大部份口講做朋友既人，最後就變陌路人
用另一種角度睇，都算係一種自私既行為，你話係咪先
咁幾時先表白好?
好多巴打上面都提過，表白係一種改變關係既方式
除非你有好大既把握，只差擺甩曖昧呢步，就可以表白
大家已經有情侶既行為，女仔只係想等你開口，就可以表白
仲有d 特殊情況，就一係開始擺明車馬追人 (細路仔唔好學)
我以前試過，用fb 約個女同學出街，一年同lecture 從未講過野，算完全唔識個種
出到黎大家氣氛唔錯，亦都幾開心，但睇出女仔係被動type
要返去個陣我就表白，話鐘意佢想一齊
佢無好明確咁拒絕，只係話太快，想從朋友開始
跟住一個星期就係咁傾電話、whatsapp，你點搵佢都無所謂，因為你擺明要追人
到下星期再出街就已經一齊了[sosad]
若果巴打唔係行呢d 路線，個女仔亦唔係呢種性格，千其唔好亂黎!!
最後都係要講，表白一定要三思而後行呀！
6. 關於追女失敗
本身都無諗住開呢個topic[sosad]
但見到巴打們好似好在意自己追唔到女咁:-(
其實唔只係追女仔，你做人一樣會遇到好多失敗既經驗
就算你係超級天才都唔係樣樣都成功，愛因斯坦細個考試都肥佬啦
其實衰左又有咩好怕喎[banghead]
呢個世界可能得高登仔係次次都成功[sosad]
我自問都做唔到，只係成功既機率較高
重要的是，你如何面對失敗同你點控制損失
好多人會好沮喪，亦會完全失去信心
呢個係 totally fine，人之常情，但唔可以俾自己既憂傷持續太耐
泰戈爾既詩有講
「if you shed tears when you miss the sun you also miss the stars」
「當你為失去夕陽流淚，你將失去繁星」
失敗已經係 history，年輕既你未來仲有好多好多機會
我夠膽講你一定能夠遇到更好既對象
一個適合你，珍惜你既對象
故此，我極不同意，咩「俾人傷害過就要做壞男人呀，俾男人呃過就唔信人呀」呢d 思想
老老SevenSeven，又唔係小學雞，有咩overcome 唔到?
你俾人斬之後尋仇都話合理呀，而家係你俾人斬之後斬其他無辜人喎！
咁都可以搵到藉口 justify 自己Hi Hi行為?
come on james，做人成熟d，傷心係難免難
但係為一兩次失敗就做Hi Hi，責任就完全響你身上
講真我都遇過好Hi Hi既女仔，亦曾經被人耍過，但我唔代表我要做佢個種人
巴打、絲打們，做返你自己，搵一個鐘意你自己既人先係王道
咁應該點樣面對失敗?
首先，回復理性後，唔好忘記發生咩事！！
應該檢討同思考點解你今次會失敗
否則你經歷過既事將會全無價值
響追女仔既過程中，其實你練習左好多野，例如同女仔傾計、出街
更加了解異性其實係咩一回事
同時間，你更清楚你自己，知自己有咩長處、短處
明白你鐘意d 咩同唔鐘意d咩，下次你就識搵一個更適合你既女仔
你下一次既成功率就會提升
緊記！
唔好以為呢個係 RPG game，打得多怪唔代表你一定會升級[sosad]
反而你周圍溝女一定負上狗公之名，人言可畏呀巴打
為左避免呢個情況，我反對溝同事！
香港辦公室政治好嚴重，出到黎做野d 同事仲小學過小學雞
老生常談，響度食唔好響度痾，你懂的
7. 同女仔傾計
好多巴打都話唔知同女仔講咩好，個話題好快就完或者變左 Q&A section
而家我地討論下點樣傾計比較有策略
每個人都有自己既風格同喜好，所以再重申，內容只供參考
首先，傾計呢一環佔溝女既比重達到95%！非常之重要！
你同女仔相處既時間中，無論行街、食飯、去op、whatsapp / fb全部都係以傾計為主！
如果你識得傾計就好容易控制氣氛 (前篇有提到)，令本身好悶既事變到好有趣
反之，再好玩既活動都會俾你瞬間變無聊，掌握到傾計既技巧一定令你無往而不利！
兩個人談話內容千變萬化，無任何套路可以教 (又唔係練功)
但可以講下有幾樣原則，或者目的你需要達到
一、兩個人傾計，講野既一方永遠開心過聽野既一方
引到女仔係咁講野其實佢自己都好爽！所以點解d 人成日話好既聆聽者咁難搵[banghead]
當佢想講個陣 / 講心底話個陣，唔該你收聲俾心機聽！
咁會唔會有佢講無人講？坦白講，好多女仔都係咁架啦
但都有女仔會良心發現，知道自己講得太多而俾你講下
二、諗下你想要傾咩 topic 或者你想知道咩情報
我係睇佛洛依德學派既 (楊格派既巴打唔好Hi住#adore# )
當然佢既theory 有好多漏洞 / 不合理，但以個時黎講一定係革命性學說
呢度唔係學術台唔多作解釋，總之人既性格受到童年回憶 / 家庭因素既影響一定最大
如果你問初初識個女仔要講咩，我一定係問屋企 / 以前既事 (咁當然唔係一開口就問啦[sosad] )
8. 關於如何追人女友 (撬牆腳)
太賤唔貼，要做賤種自己搵#yup#
9. Whatsapp / fb / line / wechat 傾計問題
估唔到咁多巴打關心呢項問題，事前真係無諗到
仲以為大家一路都係面對面，出街傾計為主[sosad] [banghead]
呢d online msg 唔係話唔重要，但並非最重要
畢竟你溝女拍拖，都係想見到面，一齊出街玩，可能最後上床啫
俾你whatsapp 傾到曉飛，但出黎到唔掂都無運行
反而你少whatsapp，但出到黎好好玩既，個女仔反而無咁介意
如果你下下都秒回，雖然證明到你好重視佢，但同時間亦證明你好得閒，好似無其他野做咁
(約人出街都一樣，你成日都得的話，某程度上證明你無乜野做，無其他social life 咁)
所以巴打們，我勸你地都係將重點擺響打真軍度，隔空傳情始終差咁d 野
我好多年前仲係SMS 年代個陣 (自爆年齡[banghead] )，send msg 都係重要既，但無講電話重要！
個陣時，send msg 本身係要收錢，類似0.3-0.5 一個，視乎咩台
但自從3 推出同台唔駛錢 (好似係)，就個個學生都轉用3，之後就開始狂send (好似解禁咁)
情況就同時下好多少男少女一樣，完全係機不離手[sosad]
同各位一樣，online chatting 都係煩個兩樣野，一、主動性, 二、人地唔覆
呢度就同大家探討下呢兩件事
首先講下主動性
有巴打會覺得，點解每次傾計都好似係你主動搵佢先，個女仔好似甚少主動聯絡你
講真個句，個個女仔sd msg 既習慣都唔同，好難一概而論，所以巴打們唔好咁緊張先
更何況，除非個女仔係主動外向型，否則都甚少會係咁搵男仔傾計啦係咪
響兩個人建立關係既初期，一定係你主動搵人多
呢個係無可避免既事，而家係你對人地有興趣，做男仔亦應該主動d
問題就在於，點樣於後期平衡大家既關係
傾計既內容千變萬化，好難step by step 咁講到要點做，但有d 原則性既野可以講下
要個女仔主動搵你，首先要將主動搵你呢件事合理化
唔理你用咩藉口、咩理由，甚至係任個曖昧既說話都好，都要將人地搵你呢樣野變到好自然
有d 情侶拍左拖先狂msg 對方，就係因為sd msg 俾男/女朋友係必然既事、傾電話、行街亦如是
所以你要合理化佢，無論幾odd 既情況都做到好自然。點做? 其實唔難，有d 野大家一早做緊
例如: 投其所好，share 鐘意既野既資料，娛樂、明星之類
例如: 利用公事、學業，好似話一齊溫書，share information，走堂會幫對方cover / 拎notes 之類
總之完全利用對方覺得合理既事就得
用呢d 話題開左個頭，就可以講多d 吹水既事情，講下大家既私事、感情事
久而久之，兩個人關係深化左就會變習慣
之後講下唔覆既問題
巴打們，又係唔駛緊張
好坦白講，msg 既原意就係等人地得閒先睇，得閒先回
唔駛下下秒回你先叫有反應既
佢暫時唔覆的話有無限個理由，唔需要太在意
覆得慢其實唔算問題
完全唔覆、你叫佢唔應人、乜都唔講低就消失先係問題
而上述既情況亦都有無數咁多個原因，單憑巴打們輕描淡寫咁講兩句
實在好難推斷你同對方發生咩事，所以係救唔到既
人地唔覆，有好多原因，呢度講下d 比較普遍既
其一，你地之間既對話永無完結
唔同見面傾計，msg 入面你可以無限延伸個對話，可以24小時不停chat
但事實上，呢種做法一d 都唔好
無論幾有趣，幾有話題性既topic 都有變得沉悶既一日
即使你不停轉話題都好，人地都必須要休息
我勸各位巴打，傾得起勁都好，一樣要有個完結 (Freeze out)
隔一排先再傾，一來可以沉澱，二來可以睇下個女仔有無feedback，三來你自己都可以調整下strategy
其二，你地之間既話題唔岩傾
唔岩channel 就唔岩channel，好多時都無得救，人夾人緣就係咁解
有時個女仔會禮貌上同你傾下，但佢唔感興趣的話，好快就會自動Stop la
所以你需要去觀察同理解要傾d 咩，好大程度上就係關於了解對方，知己知彼呢段
最好係個topic 可以引到人地講野，主導哂成個conversation，你負責聽就得
得閒要用簡單既問題去作回應，例如:「點解既?」「咁之後呢?」呢種
有研究指出過，只要人地想講野，其實講者並不在乎聽眾回應緊d 乜，例如:
A:「今日我見到XXX 喎」
B:「哦，見到XXX」
A:「之後佢入左超市度，個神情鬼鬼祟祟咁」
B:「鬼鬼祟祟?」
A「係呀，咁我跟住佢入去啦，見到佢停左響零食架前面好耐，不停行黎行去」
B:「行黎行去跟住呢?」
A:「我就見到佢拎左包朱古力走左出去！之後。。。。。。。。。。。」
唔知大家有無遇過呢d 情況，就係講者 (A) 非常之投入講自己既事
聽眾B 其實唔需要聽，亦唔駛用腦，只係重覆 A 既句尾就得
重點就係，要引發A 講野既動機！
除左以上兩個原因，仲有無限既可能性
人地唔得閒、有新仔而對你無興趣，甚至覺得你語調無聊都可以唔覆
所以要作出最合適既判斷，唯有當時人最清楚
但最後都要重申，與其用咁多時間研究 msg，不如勇敢d，落落大方
直接date 個女仔出街食飯，面對面互動一下好過
之前有個巴打話齋，傾計呢個行為入面，內容只位少部份
想真正達到巨大效果既就只係face to face，甚至連傾電話都唔夠全面
另外仲有一樣野，巴打們參與多d 活動，讀多d書，涉獵下多D 唔同範疇既事
咁你個人先至會 outgoing 同有能力social
至少同人傾計個陣，自己對任何topic 都有d 認識，唔求深造都可以同人吹兩咀
呢件事對你追女仔、甚至交際，做人都好重要
擴闊自己既知識同眼界，人地先會睇得起你#good#
10. 追返前度 (返兜)
呢個都係秒經問題啦，其實世界咁大，有咁多好女仔
睇呢篇之前你諗清楚先，畢竟好馬不吃回頭草 (都有人話靚草不怕回頭吃[banghead] )
追返 ex 就好似人生回歸原點咁，未必係好事黎架
首先，一定要確認你兩個拍拖個陣係認真，唔係其中一方刻意玩弄感情
如果人地係玩，根本無鐘意過你，唔向左走向右走駛問都無行
你回想一下，你地兩個相處上出現咩問題，點解會分開
呢野重要之極，假使兩個人係唔夾既，俾你再一齊都只會因同樣既問題而分開
巴打、絲打都一樣，你同另一半因為第三者而分開的話
就算俾你返兜成功，第三者咪一樣會再出現，所謂江山易改，本性難移
唔好妄想人地會突然間從良，講真，除非經歷過一定時間，發生咩事類
否則一個人點會咁易轉性呀
當你諗清楚成段關係發生咩事，唔該你諗下有無機會fix 到，保證唔會發生當年既事
唔好一味話掛住ex，無左佢唔得之類！
第二，我個人認為，ex 係一樣好神奇既東西，可以好親密又可以好陌生
如果你兩個係認真拍拖，咁前度係永遠無可能進入真正既fdzone
好多人做fd 都係門面功夫，一到兩個獨處個陣，個氣氛都永遠都唔似普通朋友
有d 野唔係話一句忘記就可以拋諸九霄雲外，結左婚我都係咁話
假設你分手個陣，ex 仲係鐘意你的話，其實返兜無難度
假設你另一半變心而分手，尤其係女仔變心，我會勸你直接Stop la！
普遍既女仔比男仔絕情 1000 倍！！無念舊情呢回事
佢地唔係愛到盡，就要恨到盡，將所有問題都歸咎於你身上，咁先可以move on
無他，因為女仔就係咁既生物
第三，點樣追返ex?
有睇前面9篇既巴打，係時候要學識思考、觸類旁通啦
重點有幾個:
一、修補以前既問題，係你錯既，真心道歉，有咩補償人地，點搵返安全感
二、喚醒以前甜蜜既回憶，你懂的，做返以前做過既事之類
三、搵兩人獨處既機會，用溝通解決問題，唔傾計只會做sp (不過上完床都傾架啦)
你見到ex 唔好咒怨咁，嚇鬼咩大佬，記唔記得未拍拖之前既你係點架
就係從朋友開始！兩個人相處自然少少，人地先會反感
但你可以進攻得更加快同大膽，例如下意識又攬、拖左佢一下，觀察下佢反應
有咩問題就話習慣左 (其實呢句我真係覺得感慨萬千 frown 表情符號 )
總之，想返兜既巴打們去搵一套叫情約一天 (another day) 既戲睇
喊完一輪我都係勸你面向明天啦
文章來源: https://www.twgreatdaily.com/cat40/node1015118
轉載請註明來源：今天頭條