「唔幫手，都唔好搞亂檔」，相信這是不少機組人員的感受，事關每一程飛行之旅，總有乘客把機艙「反轉再反轉」。一名自稱國泰航空的機組人員昨天(19日)上傳了數張照片，並無奈地寫道：「完一班機之後可以有幾污糟？貴客質素又有幾高？Cross wind輕微Dry runway CAVOK，煞掣並不強烈，圖中所有物件都是以自己方式去到地上…」
就照片所見，部份機艙的座位非常骯髒，不但滿地報紙、膠杯、紙巾、食物的包裝紙，以及食物的殘渣，甚至會循環再用的毯子和枕頭，也遭丟在地上，衞生程度相當惡劣。
上傳者不滿部份欠奉公德心的乘客行為，亦欣賞同事勤力執拾，把「所有應該收的和不應該收的都已盡力收拾」。
網友回應：
「有一次全機都係中學生遊學團，在香港轉機時落曬機。上飛機一望，學生好自律，headphone收好放前面，又將自己的垃圾放在膠袋掛於電視旁，方便清潔工收拾。我記得我同同事講，乾淨到清潔姐姐收完垃圾收得工啦！這。就。是。質。素。」
「辛苦曬，我每次落機前我都執好我個位，另外每次住酒店check out我都會幫手執返整齊，我好憎人話呢d人工包架/佢職責，幫到咪幫囉！」
「有一句嘢真係難聽過粗口：顧客永遠是對的！」
「狗先會咁樣座飛機...雖然，我唔知咩人種咁無公德心...辛苦了，機組人員...」
「有時落機經過其乘客座位，都唔明點解可以又亂又污糟。」
「嘩！ 乜原來我呢啲會接返條blanket，同會拎走垃圾既人真係小數嚟架？」
「真係好過份，辛苦哂各位清潔姐姐！」
「辛苦曬做清潔既姐姐囉！」
「要不是掉在地上，他們還有工作？」
「合乎『蟈』情！」
「呢班已經比較好！」
▼部份機艙的座位非常骯髒。
▼部份機艙座位的地上，滿布報紙、膠杯、紙巾、食物的包裝紙，以及食物的殘渣，甚至會循環再用的毯子和枕頭，也遭丟在地上。
▼部份機艙座位的地上，滿布報紙、膠杯、紙巾、食物的包裝紙，以及食物的殘渣，甚至會循環再用的毯子和枕頭，也遭丟在地上。
▼上傳者不滿部份欠奉公德心的乘客行為，亦欣賞同事勤力執拾。
轉載請註明來源：今天頭條