日本樂壇天后安室奈美惠，前年曾來港開騷，由於其製作認真亦十分揼本，所以當時口碑勁佳。而各位香港粉絲將再有機會睇到呢位天后慨精彩演出，因為安室將於明年3月再來港開騷。

近日香港形象指導師Red Chan聯同駐日經理人Keith Kong，率領咗團隊去到東京，並邀請著名攝影師蜷川實花為安室奈美惠拍咗輯相，仲成為咗香港版雜誌《瑪麗嘉兒》拍攝9月號封面，並宣布明年再來港開騷。《蘋果》仲率先率先攞到其中幾相張畀大家欣賞，包括幕後花絮相，安室仲做埋V字手勢向香港粉絲打招呼。攝影師蜷川實花一向有強烈個人風格，今次再同安室合作，將安室型格一面表露無遺。

安室下月5日於埼玉縣為其新一輪個人巡迴演唱揭幕，一直唱到明年2月，之後3月就會來港演出，據指除了香港之外，亦會到台灣演出。

轉載請註明來源：今天頭條