話說今朝《Pokémon GO》官方Facebook專頁出咗個新Post，話只Game再有更新，包括改良小精靈追蹤系統，嘩！咁大件事！東網小智仲唔立即更新，可惜官方無選中我，無得試最新Nearby功能：

1. 更改追蹤系統顯示

官方釋出的更新會挑選極少玩家測試最新的Nearby功能，會協助玩家探測就近PokeStop的小精靈出沒，但其餘絕大部分玩家在右下方只顯示Sightings小精靈傍住「小草叢」。然而當玩家移動時其追蹤顯示會不斷改變，更新頻率比之前高。據知Nearby功能可顯示Pokestop附近的小精靈，而Sightings則顯示當刻玩家位置下玩家有機會遇上的小精靈。以下是小編胡亂猜測，相信是官方希望以兩個系統顯示出最就近出沒的小精靈，估計是方圓100-200米，方便搜索。可惜新系統無選中我！而且遇上的小精靈觸發率依然咁低，灰爆！

2. 追加駕車提醒告示

官方想針對不少一邊駕車，一邊捕捉小精靈的玩家要注意道路和生命安全。當遊戲偵測到GPS移動速度提高時，就會彈出駕車提醒告示，玩家可點擊「I'M A PASSENGER」（我是乘客）來關掉，但對於並非司機的玩家，呢個提醒告示的出現頻率又有點煩人，以小編由荃灣坐巴士到大埔返工為例，半小時車程中告示已彈出4次，實在有點兒那個……

3. Chok波無咁「西」

官方有提過改善收服高難度小精靈時，擲精靈球時所遇上「Chok西撻Q」呢個問題，小編玩過都認為有丁點改善。不過任你擲個「Great Throw」，一條獨角蟲依然可以彈波兼閃走，都系一句：「算把啦！」

4. 更改Nickname黃金機會

如果嫌開Game時所改的玩家名字太「七喜」，依家官方畀大家一次機會改Nickname，只要按下Setting便可點選更改，但要留意，機會只得一次，而且都系英文無中文選擇，如果改左仲系嫌「七喜」得滯，東網小智都幫你唔到。

5. iOS玩家回復Battery Saver

上次更新iOS玩家無咗Battery Saver選項，將會在呢次更新加番，之不過食電嘅嘢，有冇開啟這個選項都幫助不大，都系帶多幾個「尿袋」啦！你懂的！

更改右下方小精靈追蹤系統顯示，小精靈旁變曬做「小草叢」，當玩家移動時其追蹤顯示會不斷改變，更新頻率比之前高。

當遊戲偵測到GPS移動速度提高時，就會彈出駕車提醒告示，玩家可點擊「I'M A PASSENGER」（我是乘客）來關掉。

如果玩家被選中測試，會發現追加了Nearby顯示。

官方提供更改Nickname的黃金機會，一次咁多！

吐露港公路三分一時間都系空白一片，灰左啲啩！

轉載請註明來源：今天頭條