間唔中都會收到D詐騙電話，通常都會唔理，前幾日某朋友打電話黎(有來電顯示)，語氣慌張咁叫我帶錢去救佢，佢係大陸俾公安捉咗！

之後 鬼食泥咁講左幾句就斷咗線，依稀聽到＂羅湖＂呢兩個字。我心唸: 真定假? 後來證實條友真係番左大陸，於是馬上帶錢救人!!

上到去五點鐘左右，有D不知所措，因為對方電話打極都唔通，心唸：最大機會都係條友叫雞被拉，於是憑直覺去左 向西村 碰下運氣。去到無任何發現，於是又去湖貝村.....，最後去埋羅湖村

其實羅湖村機會好似大Ｄ，因為羅湖村"叫雞"出名到連 央視 都播過，但朋友間都甚少係危險村出沒...

無辦法之下，即管去羅湖村睇睇，一入到去就見到架執法車泊左係到（都唔知係公安定係城管）行埋去睇，乜人都無.....，於是係附近四圍打探消息，果邊我唔係好熟，搵左好耐都無發現...正當唔知點好之際，係附近 士多 得知原來頭先真係掃過黃黎！

問題係掃黃Ｄ人拉左去邊呢？？之後又係附近 派出所 搵一大輪，行到仆街，結果當日晚上八點左右，終於收到(某人)電話!! 原來條友真係叫雞被KO斷正!!

最後我地搵左另一個同(姓)既朋友假扮親人，帶左萬幾去KO局解決問題，一場大龍鳳後，(從寬處理) 深夜放人.....

其實KO(做野)，原因大致可分為兩種:

一) 最高決策要求洗太平地 (例如: 領導人出巡、乜春活動(如大運會)、權力鬥爭(如東莞)....)果種嚴打，通常軍令如山，無情好講

二) 地區利益整治 : 簡單黎講，公職得果三兩千人工，由上到下都需要搵食，果種嚴打，通常都係錢作怪

事後聽番(某人)憶述，果次事件明顯屬於第二種，當時斷正如果條友有三幾千係身，分分鐘己經好似 國產007 咁 (班 KO同你點菸，大家揮手道別...)

但條友咁啱無錢係身，而個樣又李+X 咁款，KO一句話(條女無証係身，可能未夠枰)，已經嚇到個 FD 失魂落魄，無乜經驗之下，結果肉隨砧板上.....

行政拘留 15日，聽就聽得多，其實自己都唔太清楚細節，經此一役後，做左少少功課，順便分享下:

其實大陸"嫖娼"歸納為 (違反 治安管理處罰法) 即係輕微犯事，唔屬刑事

一般會拘留(5-15日) 罰款 500 至 5000元

因為唔係"刑事"所以唔會刑事立案(唔會有案底)，但派出所可能會保留治安處罰既記錄，半年內再犯(斷正)就會從嚴處理(即係最高罰五千坐15日)

其實(行政拘留15日)最可怕之處係 : 影響工作、家庭、聲譽、同埋會被軟禁捱十幾日苦.....

當然，如果條女未滿14歲，咁你就仆街，因為以前嫖宿幼女罪由2015年11月1日起，視同(姦淫幼女罪)，最高處罰係"死刑"

文章來源: https://www.twgreatdaily.com/cat34/node1407209

轉載請註明來源：今天頭條