張智霖變中年阿叔大肚腩驚現！這下失策啦！

上週一（廿三日），Chilam同阿靚湊埋囝囝魔童，及兩位老人家，齊齊去淺水灣開餐。一班人叫滿成檯餸，仲一人一支可樂送飯，邊食邊吹水。

食完飯，兩公婆阿阿仔放電。阿仔掛住玩，Chilam同阿靚就乘機拍拖，一時十指緊扣，一時又攬住行，好鬼恩愛！行到附近公園，魔童繼續show time，不停練習花式動作，兩公婆實阿仔表演。魔童連跳幾次之後失手跌低，雖然pat pat落地，不過好快自己企番起身。

見阿仔玩得咁開心，安全至上的阿靚都竟然玩埋一份，叫Chilam扶住試踩滑板，可惜唔夠三秒就失平衡投降，之後輪到Chilam表演身手，估唔到四十六歲的他踩得似模似樣。不過，啱啱食飽的他著住件白色貼身衫，大肚腩凸曬出嚟，男神因為陪仔踩板，失策咗！

文章來源: https://www.twgreatdaily.com/cat131/node1699345

轉載請註明來源：今天頭條