台灣女神林心如與霍建華昨日喺峇里大婚，一對新人幸福又甜蜜，婚宴場地亦夠曬浪漫。席上賓客粒粒皆星，其中與心如因拍攝《還珠格格》結成好友的趙薇及范冰冰都有出現，久違的合體成為焦點；就連本因公事繁忙冇到場的蘇有朋都出現理，睇嚟心如真係好有面子！

當年紅遍大中華的劇集《還珠格格》，播出至今不經不覺已19年，劇中「小燕子」趙薇、「紫薇」林心如和「金鎖」范冰冰的姊妹情令觀眾感動非常，三位演員亦自此結為好友。

三大美女如今都係獨當一面的大紅人，不過趙薇同冰冰都抽空見證好姊妹人生大事，成功「還珠合體」！網民見到呢張合照，紛紛表示童年回憶返曬嚟！

唔少網民都大讚，點解三位靚女事隔大幾年都好似冇老過咁嘅？

而《還珠格格》男主角、「五阿哥」蘇有朋因為貴人事忙未能出席婚宴，不過佢見到三位靚女合照咁開心，竟然將自己著禮服的相key落張合照度，仲要key得非常精巧，好似佢真係在場咁！小編都忍唔住要讚！

蘇有朋似乎對自己張改圖好滿意，仲搞笑留言：「這麽重要的時刻，怎麼可以因公缺席！」整張咁正的圖自嘲一番，佩服佩服！

轉載請註明來源：今天頭條