相信大家都聽過「講錢失感情」，原來仲有下一句:「借錢無親情」。最近有一位霸氣表弟向表姐借$13000買戒指求婚，原本承諾會在月底還錢，但到期人影都唔見又唔應機。表姐最終透過Whatsapp搵到表弟，點知表弟理直氣壯表示：「還乜錢啊！你都知道我哋係親戚關係，仲使X還咩？」。表弟態度惡劣令一眾網民震驚！
表姐之後將二人的對話截圖放上網，清楚可見表弟「細叻」語調毫不客氣：「宜家一蚊雞都無！點還你？催乜！？」、「況且我有錢會唔還你？你係咪傻咗？」。之後表姐繼續追問：「即係唔還啦？」，表弟爆seed話：「廢話！就連呢啲錢都要還，邊個仲夠膽借錢？」
事件引發網民熱烈討論，不少網民指「宜家啲債仔惡過債主」、「麵皮成呎幾厚」；亦有人話表弟係「人間極品」、「無錢唔好學人結婚啦」，當中有網友獻計：「將以上對話印成傳單，佢大日子響酒樓門口派俾親朋戚友。」、「等佢結婚贈慶，玩即場拆利是還錢。」
轉載請註明來源：今天頭條