今日網上瘋傳一套 whatsapp 截圖，內容係元朗一佛教紀念小學主任與舊生的對話，全都是 [你先係我女神]、[好掛住你]、[ I 心 U]、[同隻公仔selfie張相黎睇下丫]等內容，家長懷疑該教師有戀童癖，截圖流出只有數小時，就有大量留言回覆，更有舊生出來指証，說受過相類似的騷擾，事主向校長反影，得到的答覆竟是那些言詞是""關心""，所以家長才公告天下，好讓其他家長小心留意自己既小孩

原文

事源是這樣的:

我細妹就讀於元朗XXXXX紀念學校, 今年剛剛小學畢業.上兩個星期, 我細妹同我地講, 老師send左個wtsapp話係我地屋企出面門口.

我地好驚訝, 點解身為一個老師會咁樣send msg俾一個小學生.

點知一睇佢地D對話, 嚴重嚇親我地.

我地唔明白點解一個主任級既男老師(聽講就退休), 又無教我細妹個班, 會成日用呢D言詞成日私底下wtsapp一個小學生.

會話[你先係我女神]、

[好掛住你]、[ I 心 U]、

[同隻公仔selfie張相黎睇下丫]

這是一個主任級既男老師對一個小學六年級女同學的正常對話嗎?!

因為細妹剛剛畢業, 我亦將所有對話跟校長講, 也跟那個主任當面對話.

個主任話: 只係當我細妹是女兒般看待

但我地唔明, 女兒般看待會這是樣嗎?!

主任亦解釋那些言詞是""關心""

那其實我細妹有跟我說, 那主任會在全部同學面前拖住佢, 撓住佢, 令到佢好唔舒服, 但因為佢係老師, 佢無say no.

呢d身體接觸是一個男老師應對一個小學生所做的嗎?

咁校長個個回覆, 等於無回覆. 仲不停話傾傾傾, 想我地接受解釋, 但呢D對話同身體接觸, 點接受為係一個對女兒的看待.

主任也show佢對佢女兒及舊生既對話, 但他們是成年人, 不是小朋友.

而家學校亦無一個正確的回覆.

雖然我細妹已小學畢業, 但我唔知個主任會唔會同其他小學生也是這樣.

因為好多女同學都覺得佢好喊濕..

我地做唔到D咩, 但希望各位家長們留意下, 學校D老師應該同小學生有一條界線係度, 因為小朋友真係仲係小朋友, 未必個個都識分辨是非, 好容易相信老師

同埋而家個個都有手提電話, 但老師係咪要成日私下whatspp學生, 唔係應該先同家長聯絡的嗎?

大家都係小心D. 原來所謂既老師都未必信得過

舊生指証原文

我想comment下元朗區某小學某主任騷擾女同學單野

我遇到既情況其實差唔多 又係小學 校名都係XXXXX紀念學校 個老師又係主任 又係就黎退休 唔知係咪同一個人啦

我幾年前畢業 畢業之前都覺得呢個主任好唔妥

試過企係度拖住我隻字係度fing(類似行街果陣拖住手前後fing咁) 畢咗業之後隔左一排佢send左whatsapp俾我 劈頭第一句就係 XXX 好掛住你(其實你係男老師我曾經係你既學生 就算畢咗業可能真係可以輕鬆一D相處 但呢句野會唔會過火得滯)

我既情況應該無原po咁嚴重 隔左咁耐我都無曬咩證據 只係得返佢果句[好掛住你]既whatsapp紀錄 得一句咁大把 我果陣又畢咗業 應該告唔入架啦

未畢業前我覺得其實俾人拖下手好小事所以無同人講 無諗到果個主任而家過分成咁 雖然我唔係嚴重受害人都應該告唔入 但果個主任的確有錯、有問題

如果原po po主唔介意既真係可以去報警/向教育局投訴又或者... ...(其實我都唔知可以點做... ...反正就係進一步行動)

其實佢對原po po主細妹打埋曬D I心 u 你係我女神等等嘅字眼 已經明顯係過火嘅行為

我唔求我自己可以得到平反 但呢D咁既主任 留佢係學校真係會繼續為害人間 唔知仲會有幾多女學生會陸續受害

轉載請註明來源：今天頭條