前幾排參加活動識咗個女仔. 估計三十五歲度(因為唔方便直接問)...之後出嚟食過幾次飯....食飯個時傾 D 普通嘢~~~

但之後佢係 whatsapp 開始套我料, 問我幾錢人工

當我一話俾佢知唔夠兩萬後 (其實我特登作細, 想試嚇佢.....)

佢即刻唔識我.....係 whatsapp 冇反應......

之後隔半個鐘, 佢留言寫咗一大篇佢嘅"愛情偉論".....堪稱極品

佢先話佢唔係貪錢.....但佢同男仔出街唔會 AA制 (即係暗示要男人俾曬......)

要識個男人養得起佢....而且日後有家庭有細路, 亦要養得起埋細路仔 (即係暗示要個男人有錢嘍....)

但佢本身都唔係咩"白富美".....無樣, 無波, 無蘿的"三無人員"...只係做份普通文員妹....低下階層

佢講到明佢想賺錢買花戴.....好似佢老母 D 生活咁 (即係表示日後的生活費要個老公俾曬囉......)

佢仲極品到話好鐘意白種男人, 覺得鬼佬好靚.....又好鍾意英文, 想學好英文....細細個已經夢想生個混血兒, 覺得混血兒好靚...佢講到明想嫁去外國. 又話港女鍾意嫁鬼佬好正常....

反面意思好似諷刺緊香港男人冇用, "不能滿足佢"咁.....睇到呢段我真係火都嚟埋...

最攞命佢講佢呢套」愛情偉論」時文字語氣堅定, 目標清晰! 臉不紅眼不眨…

總結佢呢套"愛情偉論"就係: 1. 要搵個有錢男人 2. 要個男人愛佢, 對佢痴心一片, 3. 又要個男人有時間陪佢(因為佢前度就係冇時間陪佢而分手)

我思前想後: 呢條女三十幾當自己廿幾.....好命嘅話個仔都讀緊小學....

世上能符合呢位港女擇偶條件嘅睇怕只有一個男人: 就係過年貼係門上個個財神!!

財神一來有錢, 而且永遠貼係個度唔會走, 肯定大把時間陪佢...

港女們呀: 妳哋使唔使咁現實??

文章來源: https://www.twgreatdaily.com/cat125/node989105

轉載請註明來源：今天頭條