曹永廉（ChoWingLim，Raymond，1964年10月16日－）暱稱廉記，香港無線電視演員，也曾演出過電影，歌手出身。以配角活躍在TVB的螢屏上。代表作有《妙手仁心Ⅱ》、《戇夫成龍》、《法證先鋒Ⅲ 》等。他的妻子是姜大衞的長女姜依蘭，二人於2007年11月28日結婚。
曹永廉
曹永廉出道時為歌手，但發展平平，其後在無線電視參與演出電視劇，先於1999年憑《雙面伊人》飾演反派方德信而開始為觀衆留意，再於2000年憑演出《妙手仁心II》的向眾仁醫生一角而人氣急升，2006年則參演處境喜劇《高朋滿座》。他的戲份也越來越多，當中以《法證先鋒》的沈雄一角以及《金石良緣》的金永來最為突出，演技備受肯定。
他曾公開承認把自己的年齡報少5年。他曾居於西貢慶徑石。2011年，《東周刊》和《東方新地》揭發其住所的天台中擅自加建了一間玻璃屋。同時他亦在露台擅自加建了玻璃窗。
曹永廉憑《妙手仁心3》，人氣急升，成功建立好男人形象，不過早期卻捲入［勾義嫂］風波，在網上被罵［狗公廉］。原來指控他的正是靈異節目主持，曾與他稱兄道弟的鬼王德(真名李德蔭)，兩人在［勾義嫂］事件上各有版本，在這場罵戰中，揭發了曹永廉圖藉養鬼箍煲。曹永廉00年認識鬼王德，當時因為他被鄭敬基撬走女友鄺文珣，當時曹把三人的時辰八字寫給他，表示希望借靈界的力量搶回女友。
鬼王德在00年曾與苑瓊丹在網頁［Cyber］內主持靈異節目，當年曹永廉為了令愛情、事業轉運，於是透過苑仔認識了鬼王德。鬼王德憶述：「佢搵我嗰陣好落泊，話俾老友(鄭敬基)撬牆腳，想我用降頭幫佢搶番女友，我就話：『你估睇戲咩!呢樣野係存在，但唔一定要用，好啦，當我俾面苑仔，我送尊佛(鬼仔)俾你，你信就有，拜得好就好囉!』就係咁我哋做咗好朋友，後來仲稱兄道弟，佢仲係我個女嘅契爺。」
向曹永廉求證落降頭一事，他說：「咁耐嘅事我唔係記得咁清楚，我係寫過啲生日日期俾佢(鬼王德)，但唔係叫佢落降，只係想追番個女友啫。(咁你有無養鬼仔？)我一直都唔知嗰啲佛係咩野。」此時曹永廉現任女友依蘭拿出一瓶油：「佢(鬼王德)話係平安油!」
昔日曹不甘被鄭敬基撬牆腳，曾公開窒情敵：「我時運高，睇唔到……更加唔係弱者，我幾大隻，高又高過佢（鄭敬基）……」
鬼王德展示00年曹將自己、女友與情敵的八字寫給鬼王德。
從曹永廉寫給鬼王德的賀卡，可見他對對方的養鬼落降頭法力，深信不疑。
鬼王德
記者就曹永廉落降頭一事，致電鄺文珣，她說：「我唔識邊個係鬼王德!(信唔信佢會落你降頭？)我唔想批評曹永廉係咩人，就算我知道啲乜野，我依家都唔想講，真係有事發生過，我亦唔會追究!」就是因為這件事，令鬼王德與曹永廉交心，至於他為何指控曹永廉與其老婆有染，他勞氣地說：「舊年6月20日，我老婆帶埋個女去台灣，之後佢一直唔返來，仲話如果想佢返來，就要趕我同前妻生嘅仔走。好唔合邏輯，之後發現老婆竟然拿走咗我保險箱70萬金飾，我當時情緒好低落，想搵阿曹呻下，但平日經常搵我的嘅佢開始避我，兩個月後，我打過一個電話，問佢點解咁對我，佢反問：「你有無呃我？風水師傅話你送俾我嘅佛全部都假嘅!你以後唔好再打電話俾我!』我愈想愈奇怪，之後我個仔又話俾我知佢成日趁我出trip(公幹)，車我老婆同個女出去，我開始起疑心。
鄺文珣
「之後我曾經打過電話俾大家都識嘅好友阿偉，佢亦幫我打電話去問阿廉，點知佢竟然同阿偉講：『就算我同人哋老婆拍過拖，都唔關你事!』估唔到我當佢兄弟，佢竟然搞我老婆。」對於鬼王德的指控，曹永廉發火反駁：「呢個神棍唔可信，佢全部都係單方面講，叫佢拿證據出來，佢喺網度屈我同佢老婆有野，既然係咁，點解佢唔搵我對質，佢又打老婆又打個女，人哋依家同佢離婚，佢想拿番個女的撫養權，咪屈佢老婆通姦咯，我又有知度度，咁對佢嘅官司有利，我哋成班朋友都睇唔過眼，好多人都可以做人證，成件事依蘭都知!」記者曾致電其中的證人阿偉，他表示：「呢啲係佢三個人嘅事，我唔想牽涉入內，阿廉係有講過果句說話，但俾著我都會晦氣咁講。」
記者致電鬼王德身在台灣桃園的妻子吳茜茹，她透過長途電話斬釘截鐵否認和曹永廉有染：「我同先生婚姻是女兒出生後才出現問題，佢不時兜巴打個女，試過打到個女半邊面瘀青。由於我知道阿曹同我先生好熟，更加不敢向佢透露，我先生每次約阿曹吃飯，我都好少在場，後來我哋搬入西貢，兩家人先多咗見面，但我從來無同阿曹單獨見面。至於介紹人苑瓊丹，坦言當初是曹永廉主動問她取鬼王德聯絡電話，她說：「嗰時大家主持網站一個靈異節目時識嘅，曹永廉問我拿佢個電話，我咪俾佢，點解搵佢，我咩都唔知。」
至於曹未來外父姜大偉則不顧多談：「唔關我事，有咩你哋問曹永廉，依蘭係圈外人，唔好搞到佢，我只係覺得呢個人(鬼王德)喺度傷害緊曹永廉，佢自己家庭出現問題，竟然周圍去傷人，愈講只會令佢更得戚!」
養鬼仔可正可邪
鬼仔、降頭在泰國、馬來西亞、印尼、新加坡甚至中國都有。鬼仔起源於佛歷約870-880年，由泰國古時坤平將軍所創，鬼仔分為三種：「油鬼仔」、「鬼仔像」及「邪鬼仔」。有指供養鬼仔能有助供養者運勢，有財運、人緣、擋意外及保護家人等作用。
曹永廉展示鬼王德每年從泰國替他買來的佛像，並指每次要封利是，一般二、三千元，更要每年花萬多元做法事！
曹永廉女友姜依蘭展示的平安油，正是「油鬼仔」，鬼王德送給她保平安。鬼王德第一次送給曹永廉的鬼仔像，約十吋高。
油鬼仔
是由法師用木刻出來的細小鬼仔像，然後放入一個玻璃瓶內，加入佛油至鬼仔像的胸部。不過，現今很少法師會親自製造，通常由商人代製，現由泰國請來的「油鬼仔」，多是經法師開光招魂後，便可給善信供養，用意是令不能投胎的鬼仔，幫助人而種得福報，早日投胎。
鬼仔像
是一尊尊的，普遍為十吋高，最大的有三至四呎。古時降頭師會用泥及孩童的部分屍骸，如：頭髮、指甲、屍油等製成。現今已再沒有加入屍骸，只用銅、泥及膠製造，再經法師開光招魂。
邪鬼仔
是真正的鬼仔，法力強大，降頭師製造「邪鬼仔」先會找些胎死腹中，或夭折的嬰孩，或剛出生遇意外死的嬰孩，再經火燒乾後，念咒開光最少四十九日，製成時嬰孩只有手掌般大。
「油鬼仔」、「鬼仔像」不再供養時，只要送回法師處做些法事便可，但「邪鬼仔」則難請難送，因「邪鬼仔」冤氣很重，請回家再請走時，「邪鬼仔」會覺得供養者不愛他，便會向供養者報復。
轉載請註明來源：今天頭條