恆生指數今日狂瀉逾千點（連跌7日已累跌2767點），股民個個哭股喪，樓市氣氛受拖累隨即回落，有指近期樓價急挫兩成多。王祖藍卻勇字當頭逆市入貨，今日有消息指王祖藍豪擲逾一億一千萬購入大埔逸瓏灣一個單位，2013年他就曾豪擲一千三百多萬購下大埔雅景花園。

祖藍回應時表示：「自用， 想買來預備將來用，二人世界或者將來有小朋友。一向沒投資股票，新樓長遠亦看好。只是想同老婆住好點，家人會住之前那間屋，裝修問題一直在搞，找信得過的人裝修，應該好快解決。謝謝關心。」祖藍笑言：「單位是太太名，首次置業有優惠，哈哈！按揭未決定，自住，個人喜歡海景，無其他置業計劃。謝謝關心！」之後他再補充：「不是正式成交，是落了訂，簽了臨時買賣合約。」

股市已技術性進入熊市狀態，雖然本港樓市前景未明，但一向樓價穩定的太古城高層單位，亦由開價1,820萬減至1,765萬才成功售出，比起上周同類型單位2,330萬沽出，急挫24%，一星期跌500萬。但王祖藍卻無視市道不穩，昨與發展商簽下合約，豪花1.14億元購入位於大埔「逸瓏灣」的高層近2,809方呎單位，連3,174方呎天台，呎價逾4萬元料為新界分層新高。據估計，首期需付約5,500萬元，厘印稅約460萬元，若銀行息口為1.94厘、供25年、共300期，每個月供款為23萬元。對於被指「摸頂入市」，祖藍表示不介意，反正是自用，總之現在賺錢要再努力點啦。

王祖藍搏命賺錢養家，北上神州吸金。內地綜藝節目《奔跑吧兄弟》令他人氣急升「錢」途無限，節目添食第二季，祖藍酬勞亦同樣加碼至700萬人民幣。知名度增令他接下首個內地代言，約363萬港元袋袋平安。在內地吸金能力如此強勁，亦難怪祖藍與妻子李亞男結婚後一直被指聚少離多，分隔兩地。

王祖藍一家人嘅樣個個似到十足，同媽咪相似度更達 99%，祖藍行完禮將張相放上微博，特登圈埋兩母子個餅印樣，成功呃到 6千個 like！

祖藍婚禮，細妹幫手打點，仲執番靚個樣，唔帶眼鏡，又染埋個紅啡頭，個樣省鏡好多。

王祖藍、媽咪同細妹，三個人一個樣，仲有傳祖藍當時扮「 Handelababy」扮到咁維妙維肖，背後全靠有細妹呢支盲公竹咋！

網上圖片

四眼娘 look

祖藍一直以來都好少提及細妹，不過細妹早前就被影到同翻版房祖名拍拖，當時的祖藍妹仍是四眼妹 look。

阿妹變索唔認得

35歲王祖藍同 30歲李亞男選擇情人節在教堂行禮，鍾嘉欣、岑麗香、郭晉安和錢嘉樂等圈中好友組成星級伴郎伴娘團，到場觀禮嘉賓位位份量十足，有許冠文、薛家燕和鄧萃雯等。

不過為婚禮最出力的當然是王氏一家啦！除咗祖藍媽咪、舅父同嫲嫲出席，仲有曾經被雜誌拍到長髮四眼 look嘅細妹，當時被指激似祖藍所扮演嘅「 Handelababy」角色，報導一出搞到細妹嬲爆，最後要祖藍出錢請去歐洲旅行先拆掂。

廿四孝哥哥舉行婚禮，細妹都好識做，事前悉心打扮變靚啲，在教堂行禮當日不停招呼親友，不過好多人都唔認得祖藍妹，要王媽媽四圍介紹。翌日(15日)，祖藍、亞男在迪士尼擺酒，阿妹又落力打點，但上次被雜誌影到阿妹個男朋友，婚禮當日又唔見人，唔通阿妹變靚咗要求都高咗？

王祖藍去年以 1,338萬買入位於雅景花園的 4千呎愛巢，後來裝修超支七成至 500萬埋單！

情人節行禮當日，新郎哥王祖藍已經爆喊，「我平時嘻嘻哈哈冇爆出嚟啫，呢個地方好特別，睇住我大，每一個親友都好 warm、好窩心。」

「你係上帝派來嘅天使，感謝你嘅愛圓滿咗我嘅生命，我愛你，但我嘅愛並唔完美，我願意用我嘅餘生同你一齊，喺上帝裏面學習乜嘢係愛，縱然我哋都係罪人，但我哋嘅感情充滿恩典，但願我哋個婚禮能夠被神使用，從今以後，我會專一服侍你，正如我專一服侍神一樣。」

「長短腳之戀」開花結果，王祖藍同李亞男應傳媒要求咀足 4次， sweet到爆！

得五呎三吋高的王祖藍，能夠成功打動五呎九吋國際華裔小姐冠軍李亞男，這半呎距離，亦一度令他不為李亞男父母所接受。

「亞男生得靚身形又好，父母當然希望自己個女搵個登對嘅做對象。第一次見祖藍，竟然矮過個女咁多，真係好難接受，加上亞男思想好單純，佢父母對佢同圈中人拍拖係比較擔心！後來見祖藍對個女好真心，先開始改觀。」李亞男身邊人說。

拍拖六年，現年三十五歲的王祖藍一早想娶李亞男做老婆，但即使雙方認定，亦一定要過父母一關。去年二月，趁李亞男父母來港，王祖藍曾提出婚事，不過卻被拒絕。

「祖藍一三年已開始有 planning結婚，所以一直好努力儲錢買樓，想俾亞男父母覺得佢係個有承擔嘅男人。舊年年頭，亞男父母嚟香港，佢就鼓起勇氣同兩老提親，點知被佢哋拒絕，嗰陣祖藍又擔心又心急。」知情者說。

為成功娶李亞男做老婆，王祖藍只好再接再厲，甚至做足準備功夫。

「舊年七月，祖藍陪亞男一齊返去加拿大探屋企人，因為試過被拒絕，準備再提婚事嘅祖藍心情好緊張，對住兩個長輩硬曬軚，又唔敢講笑！亞男係上海人，喺上海同加拿大都有唔少親朋戚友，所以祖藍自動提出，除咗喺香港大搞，仲會喺上海同加拿大擺酒，當時祖藍仲準備五百萬，作為娶亞男嘅禮金；其實唔係錢嘅問題，但老人家會覺得佢好有誠意，可以俾到安全感自己個女，所以就搞掂咗！」

祖藍父親生前當泥頭車司機，養活一家五口，父親去世後，祖藍成了家中經濟支柱。

王祖藍近日已向親友派喜帖，情人節會在九龍浸信會教堂行禮，翌日再在迪士尼擺酒。

祖藍與曾志偉夾好在台慶當晚向李亞男求婚，更秘密請來亞男父母（右一及右二）。

祖藍因姨媽突然心臟病去世，被迫將求婚計劃延至十一月。

王祖藍在家仍然戴住 cap帽，唔知係咪想同準老婆身高拉近啲。

外傳祖藍媽與李亞男婆媳不和，但當晚所見，二人有講有笑，十分融洽。

一班人圍住食大餐兼燒嘢食，其間李亞男攞起酒杯倒酒飲，更一飲而盡。

雖然愛巢裝修搞到一鑊泡，但上月底，祖藍仍請來阮兆祥及李思捷到新居開 P。

婚前檢查

婚禮在即，王祖藍與李亞男日前忽然去做婚前檢查。

原來王祖藍的父親，在四十六歲時因腸癌病逝，亦有親人患過腸癌，面對家族遺傳風險，他要特別小心飲食，每年做身體檢查。

日前，王祖藍應大埔神召會堂邀請講見證，其間提到父親患腸癌經過，一度講到眼紅紅。「嗰時我讀演藝學院尾三嗰年，去咗廣州交流，老豆失咗蹤成個月，後來我交流返嚟，佢同我講話佢患咗腸癌，係第三期，原來佢失蹤，話自己去潛水，就係唔想我擔心，自己匿埋做咗手術，切咗條腸，有個造口，開始接受治療……○○年到○二年，阿爸好努力醫病，○二年再做一次掃描，醫生同佢講，話佢癌細胞無曬，只要做手術補番個造口就冇事。

「嗰晚成家人好開心，點知第二日做手術，話幾粒鐘，但做咗十幾個鐘都出唔返嚟，醫生話係掃描睇唔到，話佢癌細胞已經擴散，我喊咗成晚，心情跌落到谷底。」

絕不手軟

為了私有化李亞男，王祖藍多年前已開始做準備，由買愛巢、重金豪裝，到婚禮擺酒，花近三千萬，一啲都冇手軟。

遺傳率高

在眾多癌症中，腸癌已被證實遺傳率最高。患者中， 75%是後天形成，而 25%是遺傳有關。據腸胃專科李玉棠醫生表示，腸癌屬基因性的遺傳，其特徵是大腸上長滿數以百計或千計的瘜肉以致腸癌，只要有家庭成員 50歲前患腸癌，下一代患腸癌的機會是比一般人高出兩倍，而發病年齡亦可以相當年輕，二十多歲的案例經常出現。

大部分腸癌於早期並無任何跡象，為預防腸癌，除多做運動、注意飲食生活習慣外，亦應提早接受體檢，如及早發現腸內出現瘜肉，可接受切腸手術，以防萬一。

家族陰影

父親英年早逝，王祖藍心目中，父親是個有承擔、盡責的人，自己亦以他為榜樣。

「我諗唔到咁矮嘅王祖藍，而家可以有啲名氣，有養到屋企嘅能力。我相信係阿爸幫我哋祈禱，他日我會同佢喺天家對質。」

見證會尾聲，王祖藍更承認自己是腸癌高危人士。

「唔知！始終家族有呢啲遺傳，自己腸癌係五十五十，唯有盡力養好身體，做好啲，過得一日多一日。」

此外，王祖藍亦有提到外界指他在台慶求婚，是幫公司谷收視的說法。

「啲人話我，求婚攞收視，如果你哋記得，嗰日我講過，人生當中，就係要搵一個人，同你過得一日多一日，而每一日都係神嘅恩典，大家唔知我有過呢啲經歷。點解求婚要喺十一月？我其實想喺十月，或者九月，但九月我有個親人突然走咗，我喺美國，連返嚟見最後一面都趕唔到。」據了解，九月去世的是王祖藍姨媽，當年王父病逝，祖藍一家與姨媽感情特別要好，親人猝逝，對王祖藍母子，同是大打擊。

近日不停搞入伙 party，李亞男做完記者會，便一個人到西貢買燒烤食物。

李亞男連去街市買餸，都戴住祖藍送的 300萬求婚鑽戒，相當 sweet。

以往大都以的士代步的李亞男，近日揸住祖藍所送，四十多萬的寶馬電動車出入。

上月底，王祖藍到大埔神召會堂講見證，晚上十時他與媽咪由後門離開。

擔起頭家

35歲的王祖藍，父親早逝，有兩名弟妹的他，要獨力撐起成頭家。 03年，演藝學院畢業後加入無綫，憑主持節目《荃加福祿壽》，扮女人深入民心。一三年推出編劇兼主演的《老表，你好嘢！》，事業推向新高，加上在湖南衞視的綜藝節目《百變大咖秀》中扮嘢，獲網民大讚，令他火速成為內地市場搶手貨。

福祿壽旺屋

情人節娶老婆，刻意令婚禮留下特別回憶的王祖藍，近期卻為愛巢裝修一鑊泡，浪漫變大頭痕，搞到要報警求助，但一對準新人並冇匿埋屋企?大髀，連日來反而不停開 party，搵人踩旺屋。

上星期日（一月二十五日），阮兆祥、李思捷便帶埋自己個老媽子，到王祖藍的新居，玩「福祿壽」旺屋，只見祖藍媽與李亞男不斷在廚房氹氹轉，準備晚餐，「兩婆媳」有傾有講，相處融洽。等咗杯新抱茶六年，終於到口！

轉載請註明來源：今天頭條