【on.cc東網專訊】 藝人林夏薇現身劇集《公公出宮》宣傳，對於有指與胡定欣齊齊杯葛同劇的王君馨，薇薇聞言謂：「亂講，識我慨人都知我系羊性格，多謝報道幫我的宣傳，拍呢套好開心，最深刻系中過三次暑，希望收視再高就著低胸晚裝。（君馨話私下冇同你食飯。）私下都會成班人食飯，有時間都陪老公同家人，因為大家都好忙。（又話君馨同你下跪講sorry。）點會有呢啲事。」

低調睇麥當娜

談到明日元宵節，薇薇表示今晚將與老公過澳門欣賞麥當娜演唱會，預計會於當地過元宵節，笑指屆時家人也會同行，將會低調捧場，未有買下包廂位置朝拜，問到可會以娜姐造型出現？薇薇坦言不會。

而活動期間，定欣與薇薇儼如孖公仔黐到實，更不時咬耳仔，相反君馨則站另一邊，活動完結時要求三女合照，定欣起初甚為抗拒，並表示：「唔好啦！」及後擾攘一輪過後才肯聯同薇薇及君馨合照。

薇薇（上圖中）同定欣（上圖左）全程黐到實，而定欣仲唔想同君馨影合照，最後搞左一輪先影到。睇嚟好似有啲野喎。

唔知薇薇（左）系咪做和事老呢？

之後薇薇（中）再拉定欣（左）過嚟影，但系定欣個樣就顯得有啲無奈。

終於影到，但系呢一張合照，大家個笑容真系好似有硬咁喎。

薇薇話冇同君馨不和，一切都系傳聞嚟。

薇薇希望收視再高就著低胸晚裝。

薇薇同定欣拖住手好老友。

唔知講緊羊呢？

大合照。

薇薇表示今晚將與老公過澳門欣賞麥當娜演唱會。

同現場觀眾玩遊戲。

蕭正楠（Edwin）為劇集《公公出宮》宣傳，與一眾演員玩斗演技遊戲，同劇的好兄弟曹永廉期間仲畀人玩謝。首先，Edwin叫觀眾上台打阿廉的Pat Pat，但觀眾卻未能上台，及後Edwin要阿廉模仿出「玉莖重生」表情，怎料阿廉的表情誇張又搞笑，惹來全場爆笑！問到為何玩謝好兄弟？Edwin則抵死地謂：「咁考演技嘛，阿廉扮『莖』，佢成個樣系咁，好多戲佢都系做番自己。」Edwin更愈講愈興奮。

爆阿廉爭埋單

提到劇集收視報捷，Edwin表示除了公司有祝捷之外，等主角之一的黎耀祥登台返港後會私下約食飯，他謂：「阿廉過去佢間水煮魚鋪頭食，喺執之前請大家食飯，希望我哋食完之後，佢間鋪生意興龍啦。（之後有冇幫襯過？）有，佢好客氣，每次去食都簽免費嘢畀我哋，最後又走去埋埋張單，但我哋都唔畀佢咁做。佢都好慘，做乜生意都咁，希望佢可以低處反彈啦！（講到咁，唔驚阿廉嬲？）我最愛系曹永廉。」

嘲阿廉心智唔成熟

問到是否不把女友黃翠如放在眼內？Edwin仍咬住阿廉唔放謂：「佢（阿廉）太善良，都差唔多成60歲，個心智仲系小朋友咁，佢外父都系大佢少少，好似同年添。（佢樂於畀你哋蝦？）都系，但外父John哥（姜大衛）唔喺度就會發難，好彩佢今日喺度。」可能驚玩出火，Edwin最後也有大讚阿廉於劇集中表現好，並希望對方能承接劇的氣勢，接多點工作及於年尾頒獎禮獲提名。

無法同女友度元宵

講到明日的元宵節，Edwin透露雖然與翠如拍攝同一套劇，但一個要拍外景、另一個卻要拍廠景，未能共度佳節，他謂：「已經喺重要節日做咗嘢，我對佢好咗架喇，之後日子慢慢再對佢好啲。」

轉載請註明來源：今天頭條