時間過得真系快，聖誕除夕好似過咗無耐，咁快又到農曆新年！喺呢個喜氣洋洋的大節日，除咗出外拜年逗利是，一家大細去睇番場戲都系唔少人的指定活動！不過今 個新年好戲可不少，除咗卡士勁爆的《賭城風雲3》、星爺最新力作《美人魚》，仲有來勢洶洶的英雄大片《死侍︰不死現身》！《新地網》現為大家介紹八套新春 檔期上映的電影，記得到時買定飛啦！

《賭城風雲III》

(From Vegas to Macau III)

點解睇︰

單睇卡士已經系宇宙級陣容！刀仔劉華會再度回歸，跟師父發哥拍住上，張家輝亦接埋契大佬張學友加入，四條king陣容，單是片酬已超過一億！­仲有劉嘉玲及南韓著名歌手PSY客串登場，PSY出場時間雖短，但搞笑十足！絕對系新年必睇之作！

上映日期：2月6日

必睇指數：★★★★★

《美人魚》(The Mermaid)

點解睇︰

點解要睇？因為佢系周星馳的最新作品！單單系星爺的名字已經足以令你購票入場啦！講完！

上映日期：2月8日

必睇指數：★★★★★

《死侍︰不死現身》(Deadpool)

點解睇︰

Deadpool是近年Marvel漫畫中冒升得最快的人物，皆因集搞笑、鹹濕、好揪、多廢話於一身！加埋今次首次將漫畫情節搬上大銀幕，沒有任何前作或其他系列的包袱，可以玩得更癲更放，啱曬時下年輕人口味！

上映日期：2月9日

必睇指數：★★★★★

《西遊記之孫悟空三打白骨精》

(The Monkey King 2)

點解睇︰

前作《西遊記之大鬧天宮》狂收10.5億人仔，而上集演牛魔王的郭富城接替甄子丹坐正演第一主角孫悟空，城城為此進行特訓，相信武打場面肯定打得燦爛！另 外，除了一貫3D魔幻元素外，鞏俐飾演大反派白骨精一樣睇頭十足！據知其勾引唐僧畫面十分香艷，加埋內地笑匠小瀋陽演豬八戒的搞笑場面，以及大隻仔羅仲謙 演沙僧和陳慧琳客串演觀音，相信會令大家耳目一新！

上映日期：2月8日

必睇指數：★★★★

《臥虎藏龍：青冥寶劍》

(Crouching Tiger, Hidden Dragon: Sword of Destiny)

點解睇︰

《臥》 片上集在2000年由導演李安跟周潤發、楊紫瓊、章子怡合作，於第73 屆奧斯卡獲得「最佳外語片」獎。今次陣容大變，由袁和平執導，而且只保留楊紫瓊繼續主演，相信導演袁和平想將呢集武打場面發揮得淋漓盡致，所以男主角換上 「宇宙最強」甄子丹，配合CG後期製作，肯定比第一集打得更加燦爛！

上映日期：2月18日

必睇指數：★★★★

《恐龍大時代》(Good Dinosaur)

點解睇︰

迪 士尼與彼思最新力作，製作時間更長達六年！故事大膽地假設恐龍並沒有絕種，而且仲過住同人類一樣的生活，顛覆了我們所認知的世界，定必令入場觀眾驚喜萬 分！而動畫製作方面當然不會馬虎，角色雖以真實的恐龍為藍本，但亦加入卡通化和人性化的元素，令角色的個性更為鮮明；最新的電腦特技亦令片中的藍天白雲以 至一草一木都極其逼真，令觀眾目不暇給！

上映日期︰2月4日

必睇指數：★★★★

《花鼠明星俱樂部：開心大唱遊》

(Alvin and the Chipmunks: The Road Chip)

點解睇︰

自2007年起，今集已經系《花鼠明星俱樂部》系列第四部電影，已成為史上最受歡迎的喜劇系列，全球累積票房高達80億港元！今集繼續以CG特技效果與真人演戲，送上連場勁歌熱舞，絕對系新年一家大小入場笑餐飽之選！

上映日期︰2月4日

必睇指數：★★★★

《火影忍者劇場版︰慕留人》

(Boruto Naruto The Movie)

點解睇︰

《火影忍者》面世至今已超過15年，早已成為日本最受歡迎的經典作品之一。今集是《火影》系列的第十一部劇場版，與前十部不同的是，本片會以新生代的忍者為主 角，可說是打開《火影》新時代的一個序幕。《火影》作者岸本齊史今次將會有很多初次登場的角色，粉絲們自然不可錯過！就算是未睇過的朋友，亦不妨當系一套 全新作品去睇！

上映日期︰2月18日

必睇指數：★★★

更多精彩八卦內容，請關注微信公眾號：東方Sunday

轉載請註明來源：今天頭條