熱播無線劇《鐵馬戰車》聽日就播出大結局，平日形象戇直老實慨男主角袁偉豪喺劇中一反常態，一時同個籃球Jason傾偈，一時又喺班下屬面前懶叻，神神化化咁，網民都大讚佢今次表現搞鬼有突破！而另一男主角黃德斌繼喺《刀下留人》中慨演出備受讚賞，呢次仲獲網民熱捧做視帝！
____________________________________________________________________________________________
面如死灰，真系男人最痛！
事關佢喺《鐵馬》中，形象又cool又chok，睇落刀槍不入慨佢，喺前日嗰集慘慘豬中槍，仲用手撳住下體再倒地，網民睇到呢幕嘩嘩聲，仲話德斌將男人最痛慨嗰種痛苦表現得勁到位！
劇情講到蔡思貝喺街上同壞人爭執時支槍走火，誤中剛剛趕到現場慨黃德斌，而痛苦中慨黃德斌就撳住「小德斌」兼倒地，仲乸口乸面咁慨樣！
「得」斌變失斌…媽～巧有幻想呀!
雖然只系短短几秒，而黃德斌中槍慨位置其實系大腿內側唔系下體，不過已經引嚟網民無限聯想，話劇情喺緊湊慨時候，突然出現呢一幕，即刻忍唔住爆笑咗出嚟，又話平時唧都唔笑慨黃德斌，今次為咗博觀眾一笑而博到咁盡，絕對有資格問鼎視帝咁話！有網民仲數番黃德斌咁多年嚟都犧牲唔少，做過太監、同性戀同變態角色，今次仲要經歷男人最痛！
____________________________________________________________________________________________
黃德斌演得太多Cool爆角色，睇嚟呢幕戲系特登畀佢展現風趣慨一面！
其實仲會令人諗起佢做劊子手一角…唔通刀下留人不留蛋？
其實仲令人不禁聯想起德斌喺《刀下留人》飾演劊子手一角，點解？你懂的！
_____________________________________________________________________________________________________________________________
不過有網民仲神回話睇完呢幕即刻諗起下星期播出慨新劇《公公出宮》，話黃德斌可以孖住黎耀祥同蕭正楠一齊宣傳喎！
轉載請註明來源：今天頭條