馬賽為汪子琦轉性向放棄富二代男友汪子琦怒罵：你丟盡全天下女人的臉！

馬賽艷舞影片流出，同一日又離奇地有影片截圖而且更是冇格版本火速於whatsapp及網上瘋傳，但究竟系邊個放，冇人知。馬賽話唔系佢，而且仲話自己當時係為心愛慨人而拍；汪子琦都話自己冇片喺手，而且條片系馬賽自己set機自拍再傳俾佢，目的系引佢上酒店房，欣賞佢跳艷舞云云。

馬賽開記招講完自己個版本，汪子琦又表示要澄清於是發聲明並接受獨家專訪講自己個版本。到底是誰揭誰底牌由各位自行斷定，不過今日有周刊亦刊登咗馬賽一個深情專訪，裏面馬賽提到自己曾經視與汪子琦系「前世今生註定的緣分」，仲話自己為咗汪子琦而放棄咗青梅竹馬慨男友，似是明言因為汪子琦而改變性向。

馬賽於訪問中坦言，呢個青梅竹馬慨男友，於內地亦有頭有面，拍拖十年，家境富裕，故此絕對唔系因為貪汪子琦有錢而放棄男友。但馬賽又表示因為唔想涉及無辜慨人，故不願談太多前男友種種。

睇番之前報道，據一名幕後人員話，馬賽為人進取，原本同東莞富二代簡建鋒發展穩定，但認識汪子琦後，即改變初衷，一來因其家底，二來愛其內地娛圈有一定影響力，故不惜向內地富婆Laura Lee橫刀奪愛，刻意安排三人歐遊圖硬撬牆腳。當初馬賽孿情曝光時，亦曾表示：「時間可以證明一切。」

報道指馬賽與東莞富二代簡建鋒(右)發展穩定，但認識汪子琦就為其轉性向。

《神探高布布》造就馬賽戀汪子琦

馬賽喺呢個訪問中，表示覺得(曾經)同汪子琦系前生註定慨緣分，更為咗佢放棄拍拖十年、喺內地有頭有面慨男友(馬賽於訪問中系用呢個字眼)，改變性向愛上汪子琦。但點解令馬賽有咁大轉變？揣測雖多，但馬賽本人慨版本，卻是與《神探高倫布》有關。

膠劇《神探高倫布》(或者叫《神探高布布》)一出，kai慨程度(同cult會否只是一線之差？)令人咋舌。兩位主角:黎耀祥同馬賽自是備受壓力，馬賽更於訪問中表示，當時情緒好低落，完全冇寄託，而當時汪子琦慨細心同關懷就打動咗佢，加上兩人有好多共同嗜好，馬賽直認為此動情。

汪子琦接受獨家專訪時，表示馬賽曾同佢講唔介意做第三者，故汪子琦先至展開一段「錯愛」；但馬賽喺佢本人個版本就完全唔同，指當時系汪子琦向佢展開熱烈追求，被其打動芳心。

馬賽話，經過汪子琦熱烈追求下，令馬賽覺得系一種前世今生註定慨緣分，故令佢都決心放下一切，勇敢全情投入去愛、去滿足對方要求(馬賽於訪問中系咁講)。馬賽仲話:「我承認當時我好蠢，認為呢啲都系愛慨表現。」

對於外間有傳馬賽為咗物慾先至同汪子琦一齊，馬賽已表明自己根本已有個青梅竹馬、喺內地有頭有面慨男友，根本唔需要咁。佢又話，同汪子琦相戀時，的確經常互相送禮物，但佢認為情侶之間一定有花費，而且亦唔係為咗物質而同汪子琦一切。

汪子琦插馬賽：你丟盡全天下女人的臉！

汪子琦大抵系有睇到呢段報道，即於微博寫道:「在舞台上做戲的是藝術家，在生活里演戲的才是真的戲子，原來你這個戲子不但無情！還更加無恥！就算被所有人罵我無品賤格，也要讓大家知道你是多麼奸毒！！！你丟盡了全天下女人的臉！」

正如汪子琦自己所言，佢呢個微博一出，幾乎絕大部分留言都系鬧佢，包括:「這樣把一個人罵到極致踩到底點，有意思嗎？她是殺了你全家還是怎麼的，這樣深仇大恨對一個曾經你愛過的人？你這個樣子人家不圖你錢圖神馬？」

轉載請註明來源：今天頭條