陳展鵬有冇見暈?

(影片更新)港姐劉佩玥（Moon）簽約大台後緋聞不斷，最為人熟悉慨梗系同賭王公子何猷亨深夜速遞宵夜啦！不過日前猷亨認戀好姊妹陳瀅後，即時同劉佩玥劃清界線。

劉佩玥似乎肥咗少少喎。

今日阿Moon出席公開活動，穿上一身Deep V短裙輕露事業線，系就系幾性感，不過望落面圓圓似乎發福不少，手臂慨byebye肉仲相當礙眼，連主持人喺台上都笑佢好「3D」，唔通因為失戀所以暴飲暴食？

一電......

陳展鵬餵假燒賣。

不過阿Moon咁靚女唔愁冇人追，視帝陳展鵬就喺台上不斷撩佢密斟又扮餵燒賣，其間阿Moon仲以45度側身狂電陳展鵬，視帝頂唔頂得住先？

耶，好衰㗎！

旁若無人。

提到農曆新年，阿Moon自言系傳統女仔：「過年通常同屋企人過，可能我系傳統香港女仔，我鍾意同屋企人行花市；我屋企都有個好特別慨習俗，就系年初四會一齊開筆寫字，同屋企人一齊玩啦。」嗱嗱嗱，阿Moon唔系得個講字，FACE Pop可以做證，因為佢喺台上寫揮春真系有板有眼㗎！佢仲甜絲絲咁話鍾意派利是：「派利是俾其他人個感覺好開心㗎，我今年希望預多少少budget，可以派多少少啦。上年系四位數，今年希望多少少。（六位數啦！）我都希望遲啲會有呢個能力，少少心意，冇乜所謂慨，其實工作人員收到開工利是都會好開心。」快啲搵個好人家咪可以派多啲囉！

轉載請註明來源：今天頭條