四年前， Naomi（馮鎵瀠）做小三，被傳媒拍到與李思捷澳門過夜而人氣急升。記者最近收到線報及一段 20秒攬啜片段，發現 Naomi最近再做小三，硬搶佘詩曼好姊妹 Georgia拍了十年拖的楊姓男友（英文名 Patrick）。
據知 Naomi及 Georgia兩女爭男不但 fb互片， Naomi更在夜場與 Patrick豪放攬啜。 Naomi因為踩正印場被人掌摑，最後更報警返警署落口供。求證 Naomi，她承認與人發生衝突報警，但卻死撐做小三冇問題︰「一段健康關係唔會有第三者囉！」至於 Georgia則拒認自己打人，但提到男友與 Naomi的一段攬啜片，就寸爆替男友解畫︰「逢場作興咋！飲醉酒啫！」
31歲的 Naomi雖然已過了卜卜脆年華，但比正印 Georgia當然嫩口好多。殘廁系窄，但都有隱私，花心男 Patrick同 Naomi搭升降機都要忘情攬啜， Naomi對髀仲鉗到咁實，更勝 Coffee。
這個世代，小三橫行。早前有李心潔老公彭順偷食o靚模 Liddy，最近又有歌手可嵐大爆老公收埋小三兼家暴。而最新鮮滾熱辣的，是曾經介入李思捷及春卷戀情的o靚模 Naomi（馮鎵瀠），最近在酒吧被人掌摑。
近日記者收到線報，指李思捷舊菜 Naomi喺大半年前，介入佘詩曼一名蒲友好姊妹兼 Johnnie Walker高層 Georgia與男友的感情中，更指 Naomi明知 Georgia與楊姓男友拍拖十年、已達談婚論嫁階段，仍然「唔知丑」硬撬牆腳。
咀到入電梯
酒吧激吻
兩人之前在酒吧玩到好忘形， Naomi先坐大髀， Patrick慾火上升，忍唔住即場咀 Naomi。
阿佘密友Georgia曾是威士忌名牌 Johnnie Walker高層，她與阿佘是密友，認識不少藝人。
正印拖十年
Patrick與 Georgia十年前譜出姐弟戀，不過最近大半年 Patrick搭上 Naomi， Georgia慘被冷落。
見小三眼火爆
知情者話︰「 Georgia喺 5月 4日同男友 Patrick開 P，因為做地產慨 Patrick要去上海公幹一段時間。嗰晚 Naomi竟然專程去踩場。 Georgia見到只狐狸精梗系眼火爆，佢同幾個姊妹，嬲到走埋去同佢對峙。
「 Georgia先用手機電筒照住 Naomi，狂鬧『狐狸精、死八婆、姣雞』。 Naomi都好寸，勁駁嘴，反鬧 Georgia『老女人』，又話 Patrick同佢一齊只係為咗錢。當時有人一時火遮眼，咪一巴摑咗落去囉。之後只狐狸精仲玩嘢報警，搶人男友仲要玩到咁大， Patrick咪睇清楚個女人真面目，之後死死地氣返去 Georgia身邊。但只狐狸精仲死纏 Patrick，追到去上海箍煲！ Georgia因為呢件事，連 Johnnie Walker份工都唔做。」
就兩女夜店衝突，報警求助一事，本刊求證警察公共關係科，但多日來數次查詢至截稿前仍未回復。
李思捷一向雜食，難怪與 Naomi一拍即合。去年李思捷傳與春卷分手， Naomi更放曬風：「如果佢想搵人陪，我九秒九飛出去。」
春卷寸爆小三
談到曾介入自己與李思捷感情的小三 Naomi，春卷暗寸︰「感情慨嘢，搶唔到慨，唔系你慨嘢搶唔到囉。如果嗰個人唔走，你點搶都冇用。（對佢做小三點睇？）佢系單身，鍾意做乜咪做乜囉。其實最大問題系中間嗰個（男主角）。」一箭雙鵰，寸埋花心李思捷！
Naomi硬搶李思捷，可惜最終都輸俾忍功一流的春卷。
兩年前， Naomi曾被拍到與春卷男友李思捷到澳門酒店過夜。
做小三有前科
彭順小三 Liddy（中），同 Naomi（右）是好友。兩人都有鋪小三癮，唔知有冇交換心得?
Naomi做小三早有前料。兩年前，她明知李思捷已有女友春卷，仍主動埋李思捷身，更與男方在澳門過夜，被傳媒斷正後又明目張膽在 fb示愛「 l Love JL」（李思捷英文名 Johnson Lee簡稱），擺明當正印春卷冇到，一度令春卷與李思捷鬧分手。
之前對手是好恰的春卷， Naomi當然冇有怕。不過今次與 Georgia交鋒， Naomi明顯是輸家。雖然今年初， Naomi已向傳媒自爆，與楊姓男友有結婚打算，又在 fb大曬幸福。但據知正印 Georgia來頭不小，不但家底豐厚、有學識，人脈更廣，與不少明星熟稔，如佘詩曼、周家怡、麥子樂和楊崢等。本刊致電佘詩曼，但阿佘卻拒絕回應。
「佢（ Georgia）同 Patrick咁多年以嚟，一直好照顧對方，不但會介紹好多買樓客人俾男朋友，亦系 Patrick經濟同生活慨支柱，唔系一般??模可以做到。佢為咗 Patrick，之前仲冇做份工陪男友去上海。」
7月 14日， Naomi出席白健恩生日會後，與助手齊齊落海港城。記者就她被爆再做小三搶人男友，遭人掌摑一事向她求證。談到情敵 Georgia，她扮懵話唔識，但就強調同楊姓男友玩真感情。對於被摑事件，她指已交警方處理，無可奉告。
記︰有人爆料指你搶人男友，個男仔姓楊，仲有攬啜片為證?！
N︰咩呀（扮懵）做小三？我唔系囉！我識佢第一日，佢同我講系 single（單身），唔知邊個影埋呢啲嘢（攬啜片）。
記︰唔覺得做小三有問題？
N︰一段健康關係唔會有第三者，況且男未婚女未嫁，唔覺得有問題。
記︰聽聞你搶人男友， 5月仲喺夜場同楊生慨正印 Georgia發生衝突？
N︰我不嬲都有落酒吧，平時都有去嗰度。
??有米男
Naomi喜愛夜蒲，早前曾被發現在蘭桂坊搭上台灣金融富商。
喜愛食「棒」
Naomi閱男無數，台灣組合「棒棒堂」的前成員 Elmo（羅志祥身後），亦是她的前度。
撐小三無罪
Naomi曾在 fb發表「小三論」，她力撐小三無罪，更指一段關係有問題時，正印不應「死咬不放」，再次暗寸大過自己 13年的 Georgia阻住地球轉。
認衝突報警
記︰系咪有衝突，仲被人掌摑？件事系點？
N︰系有衝突，我報咗警，交咗俾警方處理，詳情就唔方便講。
記︰據聞因為你踩場，刺激 Georgia，所以俾人掌摑？
N︰唔知點解有人咁講！可能因為有衝突，有人夾硬屈我，可能我報警有人好嬲。
記︰你同楊生系咪藕斷絲連？有人話你死纏人哋，追到去上海。
N︰我上海好多朋友，唔一定搵佢。
記︰你唔系第一次做小三，之前都介入過李思捷同春卷……
N︰（打斷記者問題）思捷都冇講啲乜！
記︰你對感情一向玩玩嚇？
N︰從來冇玩過，唔講啦。（即衝上的士離開）
正印幫男友：逢場作興
Naomi拍過《喜愛夜蒲 2》，又在電影《蒲李老祖》和林敏
文章來源: https://www.twgreatdaily.com/cat125/node847881
轉載請註明來源：今天頭條