適中字型 較大字型

杏兒噚日拜完祠堂，今日話咁快就展開蜜月之旅喇。

胡杏兒日前嫁畀李乘德（Philip），正式升呢做人妻成為李太，噚日杏兒就同老公Philip，返沙頭角禾坑村拜李氏祠堂，吸引大批村民圍觀同賀，兩公婆以紅噹噹打扮，依足客家傳統，在「李氏宗祠」拜祖先及敬酒，杏兒還笑言希望一年抱三。

噚日先拜完李氏祠堂，今日杏兒話咁快已經搭飛機度蜜月，今早九點幾，杏兒喺微博貼新相，佢戴咗頂冷帽及大副太陽眼鏡坐飛機，並謂：「Bye Hong Kong」。杏兒結婚當日就話婚後會放假兩個月，今日就正式展開馬拉松式蜜月之旅，據悉兩公婆首站會系日本札幌再直落東京，唔知屆時會唔會被其他旅客野生捕獲呢？

另外，今晨近11點，黃浩然單拖現身機場，見到記者即笑笑口話：「新年快樂﹗等邊個呀？」問佢去邊？佢話飛去馬拉拍戲，相隔不久，鮑起靜同方平亦現身機場，原來佢哋都系同黃浩然一齊去拍戲。

杏兒喺微博貼相，並留言：Bye Hong Kong﹗（微博圖片）

黃浩然離港拍戲。（攝影：黃曉妍）

方平同鮑起靜

轉載請註明來源：今天頭條