林峯自 12年被吳千語征服後，昔日工作狂的他，變得萬事以千語BB為先。

上周六 BB在坪洲拍新片《青春斗》外景發老脾，她一聲令下，有錢有地位的林峯亦要仆入坪洲湊 BB放工兼做外賣仔。為愛情，公子都可以變阿四！

為了爭取更多時間湊千語 BB，林峯就算臨近與TVB約滿亦唔著緊，少工作多陪女。樂易玲一直對峯語戀林峯祝福，林峯滿約在即， BB於是力說男友離巢。雖然有林峯會自組公司，現時據聞好大機會連經理人約亦簽埋俾英皇。能夠全面掌控林峯，呢個 BB一啲都唔簡單。

5/7 入坪洲陪 B

上周六，林峯被吳千語急 call入坪洲，陪她拍戲。兩人晚上七時步出碼頭， BB全程講電話懶理記者，林峯就笑曬，似乎 BB船上發功，冧得林峯咁開心。

上周六（ 5日），吳千語為新戲《青春斗》到坪洲開工，一向被林峯寵慣的千語 BB，當日倒塔咁早開工。在烈日當空，三十幾度高溫下，千語 BB心情煩躁。加上一對「頂趾鞋」著得 BB唔舒服，佢全日黑面示人。未埋位時，幕後人員目擊，千語 BB不停打電話俾林峯，軟硬兼施。

「千語嗰日勁躁，猛打俾男友呻，到咗下午四點幾，就見林峯隻身坐船嚟坪洲??女友。千語埋位嗰陣，佢就行埋一邊罰企、陪曬個幾鍾，但千語依然黑曬面，之後佢哋搭黃昏六點十五分船離開。」

去年林峯細佬林逸洺大學畢業，林逸洺只系 post自己同林峯及堂姐林夏薇合照，當時已傳林逸洺唔 like有份觀禮的吳千語。後來林逸洺再在微博留言，話自己也要買粉絲，明寸冇代表作、但微博粉絲逾 600萬的 BB。

睇實女友

吳千語近日拍攝電影《青春斗》，同內地靚仔男星徐正曦有不少感情戲，難怪林峯要睇實女友。

記者收到風在中環碼頭守候，半小時後林峯伴住煲電話粥的千語 BB落船。林峯發現記者守候笑笑口，千語 BB卻板著臉。

問到林峯仆入坪洲冧女，他冧爆話：「唔系搭呢班船就系下班。（系咪去探 BB班呀？）系呀、系呀！我又得閒。（咁熱怕唔怕 BB辛苦呀？）今日都好熱呀……哈哈……」身旁的千語 BB未有搭嘴，只一邊講電話一邊指揮助手及林峯行左行右。林峯上了千語 BB的車後，便到跑馬地的彭慶記買外賣，最後返回兩人金櫻閣愛巢開飯、睇波直落。

BB發難

BB當日著咗對「頂趾鞋」，對腳唔舒服，搞到要踩踭行，心情躁爆。之後佢仲用手篤助手搵車，霸氣盡現。

明星風範

兩人之後到跑馬地買外賣。在食肆內，一直面燶燶慨吳千語終於除低副黑超，林峯就負責點

轉載請註明來源：今天頭條