適中字型 較大字型

胡杏兒搞婚禮當日話未知會唔會返圍村擺酒，原來準備今早返圍村敬酒、拜祠堂，杏兒亦跟足傳統，據知老公李乘德(Phil)系家中長子，早年祠堂重新裝修，盛傳佢哋將會系祠堂復修後第一對行禮慨新人，客家人亦相當傳統，又刻苦耐勞，杏兒做咗客家大嫂，一定要嚴守家規。

據知杏兒玉樹臨風慨老公仔Phil雖然喺英國長大，但原來系沙頭角禾坑村李氏客家村民，而禾坑最出名就系鏡蓉書屋，為香港法定古蹟之一。

李氏客家村原籍福建，其後村民落到香港禾坑開枝散葉之後，有唔少後人再移民去英國，Phil當時都跟屋企人去咗英國定居，後尾先回流返港，情路兜兜轉轉先搵到杏兒呢個好老婆，兩人一撻即著。

另外，早前有報道指，杏兒上周一(12月28號)系因為唔想大批記者入村追訪，怕影響沙頭角村民生活，先提議喺沙頭角附近慨上水雙魚河鄉村會所簽名，等禾坑李氏客家村民可以過去觀禮，據知杏兒同Phil已決定婚後不設防，想儘快開枝散葉，為李家繼後香燈，難怪杏兒講過想Phil鍾意小朋友，希望一次過生三個。

36歲胡杏兒上周一與拍拖一年慨金融才俊李乘德（Philip）舉行千萬婚禮。

上水雙魚河鄉村會所註冊。資料圖片

方便禾坑村李氏客家村民可以過去觀禮。資料圖片 已成為李太慨杏兒，今早10點左右，佢身穿紅衫同老公Philip去祠堂，跟足客家傳統，吸引好多村民圍觀，亦有廿幾個村民入祠堂，睇杏兒同Philip完成整個儀式，佢哋向在場慨親友敬酒，在場慨人問杏兒值幾多分，即有人叫出100分!杏兒亦成程笑得開心，好小鳥依人咁同老公並排企，在場慨村民叫佢哋三年抱兩，杏兒聞言都笑曬口，似乎呢位「客家大嫂」都想儘快為李家開枝散業。

攝影：盧妹、朱志聰

二人跟足客家傳統。

「客家大嫂」聞三年抱兩笑曬口!

轉載請註明來源：今天頭條