洗米嫂喺度玩手機，應該系覆緊友人happy New Year。（讀者提供圖片）

（讀者提供圖片）

已經向周焯華（洗米華）提出離婚慨「洗米嫂」陳慧玲（Heidi），今年過一個不一樣的除夕夜及元旦。

洗米華與女友Mandy Lieu於聖誕節前，已經飛赴倫敦過節，據悉二人已轉飛到法國尼斯，喺當地開P過除夕。

噚晚大除夕，有讀者透過「爆相爆片」，指Heidi喺澳門Sky21過除夕。讀者指Heidi同太陽城一班員工，出席除夕倒數活動，現場有表演嘉賓，洗米嫂身穿鮮黃色上衣，甚為搶眼，其間佢亦滿場飛，有唔少人向佢「集郵」，洗米嫂亦來者不拒；起初洗米嫂都有飲酒，倒數時表現幾high，不過當倒數結束後，洗米嫂就掛住玩手機，同佢之前high爆滿場飛好唔同。Heidi逗留至凌晨一點才離開，足足留咗三小時。

據知，Heidi噚日先至同家人一齊由峇里返澳門，一家人食完飯，就齊齊出去準備倒數。因為大家都唔想Heidi留喺屋企多嘢諗，所以的咗佢一齊玩，就連洗米華同前妻所生慨囝囝周柏豪都有嚟，洗米華家姐、亦即系Heidi姑奶，一直陪住Heidi。

大把人撐Heidi，邊會寂寞喎？

馮仁昭四圍超：Mandy公司出聲明洗米華冇畀錢冇份

自從同澳門賭業猛人周焯華（洗米華）生咗個女之後，Mandy Lieu就長居倫敦，一直都冇喺香港露過面，次次都系洗米華飛去外地搵佢，不過佢個模特兒公司拍檔李月之前話Mandy應該下月會同囡囡返香港，噚日就有雜誌話Mandy計劃下年1月回歸復出，仲話佢會以老闆娘身份現身活動，撐佢公司旗下韓籍新女鄭妍之，報道仲話洗米華會瞓身加碼支持其模特兒公司。

■傳Mandy返港會為韓籍新人鄭妍之（圖）撐場。

或采法律行動

不過，Mandy開慨模特兒公司噚日就發聲明，否認洗米華系公司幕後老闆，話報道講周焯華出錢畀Mandy Lieu開模特兒公司唔系事實，話公司有多個股東，包括Mandy Lieu、李月（Bobo）同其他人，但就冇周焯華，仲話對方唔止冇股份，公司亦冇收過佢任何金錢上慨資助，話如果再有報道話對方系老闆，就會採取法律行動。咁究竟Mandy系咪真系會返嚟香港發展呢？聲明入面冇重點咁講，只話公司冇確定Mandy慨歸期，系唔系會出席公開活動都唔知。

轉載請註明來源：今天頭條