87歲的李嘉誠，數月前曾赴美，接受「腰椎管狹窄症」（Spinal Stenosis）減壓手術（Decompression），有指佢被推進手術室前，突然坐起，指著在場兒子（據知系次子李澤楷）謂：「我同你講，我個基金會超過80%項目要Focus喺大中華地區，冇任何一個人可以改變我呢個決定。就算我有乜事，你覺得有幾多人對我唔好，冇人可以改變呢件事。」

李嘉誠與小小超的父子關係，一向備受關注。今日元旦，亦是李嘉誠去柴灣香港佛教墳場拜祭亡妻莊月明慨日子。今朝早喺李嘉誠現身之前，大約6點半左右，墳場職員連鐵閘都未開，就已經有人搬定幾張有椅背慨凳放喺莊月明墓前，亦有職員打掃同執嚇嘢咁。李嘉誠做完手術未幾，仍在康復中，故拾級而上嗰陣間中亦需保鑣扶一把。

到咗7點35分左右，著住綠色T恤慨「小小超」李澤楷率先到達，佢見到記者時笑笑口講早晨，心情好似唔錯。隔咗5分鐘左右，就到「超人」李嘉誠到，佢有6、7名保鑣同行，仲有一名相信系管家慨女子一齊現身。

李嘉誠同李澤楷先去地藏殿上香，之後兩父子就一齊行去莊月明慨墳前，當李嘉誠上緊樓梯時，突然有一個著住啡色外套慨女人，喺閘外望住李嘉誠兼大叫：「爸爸！爸爸！」當時有兩名保鑣喺呢位女士側邊傍實，以防有乜意外事件。可能李嘉誠都聽到嗰位女子大叫，就好淡然咁講咗句：「唉！呢個癲慨。」

李嘉誠同李澤楷喺莊月明墓前有傾有講，上樓梯時小小超亦緊隨在後，細心照顧，似乎關係有改善。之後到8點15分，李澤鉅就帶住老婆王儷橋同3個女到，王儷橋同3個女戴曬黑超同口罩，繼續包到冚唔畀自己個樣曝光。李澤鉅一家又系去咗地藏殿上香先，之後再去亡母莊月明墓前會合爸爸同細佬。

李澤鉅兩夫婦上香後就到李澤楷，3個孫女排到最尾上香。之後一家7口喺度閒話家常，氣氛融洽，而喺呢個時候，嗰個大叫「爸爸」慨啡色外套女人亦都離開。

到8點40分，李嘉誠拖住孫女出嚟，企定定俾記者影相，當記者同李嘉誠講Happy new year時，佢都有禮貌回應，祝番記者新年快樂。而李澤鉅夫婦同李澤楷就尾隨離開。喺佢哋上車之際，突然有個黑色衫、銀色鞋慨女人向李澤楷方向衝過去，仲大叫：「李生！」，好彩當時李澤楷已經上咗車，但爸爸李嘉誠就望一望嗰個女人，之後佢再校低個車窗同記者講：「醫院都有叫佢攞藥0架喇，唔好咁樣啦，冇惡意慨。」但就唔知佢指慨系啡色外套女子定黑衫女子嘞。

「小小超」李澤楷（中）身穿短袖

李嘉誠見到記者揮手打招呼

超人同小小超先去地藏殿上香

李澤鉅其後到

香港首富一家7口喺莊月明墓前閒話家常

李澤楷全程陪住老竇

李嘉誠拖住孫女出嚟

李澤楷離開嗰陣，有一名女人沖前向佢大叫「李生」

李嘉誠仲校低車窗向記者解釋

轉載請註明來源：今天頭條