適中字型 較大字型

周麗淇(Niki)今日同已故天王米高積遜(Michael Jackson)慨哥哥Jermaine Jackson到保良局進行探訪活動，Niki表示覺得喺2015年慨最後一日過好有意義，佢話：「呢個探訪好有意義，希望可以喺2016年做多啲採訪同助養。」笑問佢系咪暫停搵錢？佢話：「咁又唔可以咁講，搵錢要捐錢或者助養，有時都唔可以成日掛住賺錢，都要回饋返個社會。之前喺內地興建間學校，用爸爸個名命名，今年希望興建多間用媽媽個名命名，我覺得教育好重要。」

感情方面，Niki話：「隨緣喇，有好多人話介紹人俾我識，但系我唔鍾意太刻意，緣分到擋唔住。」此外，有報道指曾志偉掛名慨公司本來有意簽Niki，不過因數目混亂而嚇怕NIki，佢話：「唔知有呢件事，我不嬲都系林生(林建岳)。

MJ哥哥Jermaine Jackson

Niki以父母的名義起咗幾間學校

【狗仔出更】朱慧敏一眼關七 做手語不忙與記者打招呼

無線長命劇《愛．回家》播極唔斷氣，馬家授命返屋企救收視，至於唔少網友都希望見返慨女主角尹德如，亦即系朱慧敏，聽聞因為佢同無線已經冇約喺身，所以就冇得「回家」。

雖然無家可歸，不過朱慧敏喺出面就長做長有，返內地拍劇同狂接商演活動外，最近佢仲幫港台拍一系列慨劇集。噚日佢就喺廟街一間印度餐廳，用英文夾手語同幾個印巴籍臨時演員做對手戲，忙亂之中仲識同門外記者揮手打招呼，一眼關七，厲害！

欣宜泰國曬身材畀中女贊靚

今日鄭欣宜、周國賢、許廷鏗、林奕匡、Super Girls等，今日去到時代廣場出席音樂會，依家唔使再為減肥而煩惱慨欣宜，日前喺社交網站自貼比堅尼相，令網友睇到眼凸譁然，欣宜笑說：「著泳衣就系咁影，之前去泰國旅行影慨，好幸運，今年好多工作但好攰，所以只系去咗4日3夜。」

欣宜話今次系自己一個人去旅行，佢話：「因為有朋友自己去咗旅行。我覺得好型，可以瞓到自然醒。」問到有冇艷遇？佢笑住話：「冇特別搵，影完相著番衫，有中年女人贊我靚囉。」

同場慨許廷鏗則說：「今晚做倒數，家人嚟睇表演，自己好滿意今年表現，出咗兩隻碟，成績肥肥白白，明年希望瘦身唔好咁肥。」

欣宜話今次系自己一個人去旅行。

Super Girls 【伍允龍有緋聞】嘉欣BB送祝福：佢好好人，應該有好感情

一眾藝人今午聚集銅鑼灣世貿中心戶外提前倒數，預祝新年，包括有鍾嘉欣、C Allstar、少女標本、王友良，仲有韓星滑川康男，唱歌玩遊戲。

嘉欣BB今日輕露事業線騷身材，自從同吳允龍甩拖後，嘉欣BB感情未見有著落，早前專登請咗假返加拿大休息兼過聖誕，嘉欣BB話:「今年過咗難忘聖誕，入行11年都香港過，今年返加拿大同親友度過，拆禮物同食聖誕大餐，今年請多咗假，未來都會，家庭好重要，唔可以只顧工作。」冇男友陪過節好lonely?嘉欣BB話:「唔lonely，收到好多禮物，冇男友唔緊要啦，有都希望。」嘉欣BB仲話相信緣分，唔會專登相睇，遇到啱就會好快。

前度伍允龍忽然同劉佩玥傳緋聞，嘉欣BB話:「唔知呀，有就祝福佢，佢好好人，應該有好生活、好感情、好人生。我都相信未來自己有好感情。」今晚嘉欣BB會到澳門倒數，之後就會返屋企瞓覺，連佢自己都話自己悶。

文章來源: https://www.twgreatdaily.com/cat125/node821515

轉載請註明來源：今天頭條