適中字型 較大字型

（胡杏兒fb圖片）

剛剛結婚成為李太慨胡杏兒，噚晚首次以李太身份，出席除夕倒數舞會，出席完活動後，杏兒就返屋企，同老公李乘德（Philip）舉杯迎新一年來臨，杏兒喺facebook貼上與老公幹杯照，並開心表示：「2016新年快樂，過去十幾年倒數也是工作中渡過，今年和朋友家人一起渡過，感恩，祝大家新年進步，身體健康」

【未plan造人】杏兒馬拉松度蜜月：想過嚇夫妻生活先

現年36歲胡杏兒剛在周一下嫁金融才俊李乘德（Philip），正式加入人妻行列，今晚佢首次以李太身份，出席除夕倒數舞會。現場所見，著上白色露背晚裝慨杏兒，前面看明艷照人，可惜生咗幾粒瘡瘡，望望後面，背脊白色厚粉一笪笪，在鎂光燈下，白色粉無所遁形，尷尬情況如「第一夫人」彭麗媛上次訪英一樣。

對於即將要同老公環遊世界渡蜜月，杏兒就甜絲絲話：「都會去兩個幾月，去唔同地方，有熱有凍，會盡情去唞嚇。」問到馬拉松蜜月是否造人好時機？佢就話：「暫時仲未plan，唔會好耐，亦唔會好快，想過嚇夫妻生活先，如果有小朋友，生活有好多嘢都會唔一樣，工作亦都好重要。」談到婚宴當晚，杏兒表示自己全晚只食得兩道菜，其餘九成時間都要企，但由於朋友個個想影相，所以即使攰仍然覺得值得。

(攝影:陳志嵐)

要叫胡杏兒做「李太」喇。

背脊白色厚粉一笪笪，失咗手

塊面亦重手咗少少

仲爆咗幾粒瘡瘡

轉載請註明來源：今天頭條