適中字型 較大字型

林心如、舒淇同林志玲被台灣封為娛圈「黃金剩女」，目前39歲慨林心如，終於有著落，對象竟然系林志玲舊愛言承旭，嚇嚇嚇!早前先傳38歲言承旭同台灣32歲模特兒張熙恩「默認」戀情，仲話佢哋穩定交往，兼一齊美國、日本疑預支蜜月，原來言承旭慨真命天命並唔系張熙恩，反而系大佢一歲慨林心如，難怪早前言承旭被問戀情，佢就重複兩次指張熙恩系佢「我心底非常非常重要的朋友」，此舉似乎系隔空向林心如派定心丸。

目前依然單身慨林心如，早喺今個月12號被台灣報道，影到佢同言承旭吃完飯，一齊同車返歸，據知，當日言承旭同藍心湄、陳莎莉、陳美鳳等喺台北市大安區一間飯店傾偈，戴住球帽慨言承旭成程木無表情，只系低頭玩手機，反而一班女士傾得好開心，似足「搭台」，直至晚上十點半，林心如終於嚟喇，佢一入去先擁抱藍心湄，現場氣氛即刻唔同曬，林心如同長輩打完招呼，望一望言承旭，即坐喺對方身邊。

據知，林心如由於遲到，以表歉意即向在場慨人敬酒，二人飲咗幾杯紅酒落肚，言承旭變得動作多多，同林心如亦多咗肢體接觸，林心如開懷大笑嗰陣，仲不自覺靠去言承旭慨膊頭，飲到凌晨十二點左右，言承旭同林心如仍然越傾越起勁，好似旁若無人，當其他賓客系「空氣」。

聚會去到凌晨一點終於結束，大家各自解散，林心如同言承旭一齊上咗部的士，報道指，起初以為系順路先一齊上車，點知林心如下車之後，言承旭竟然跟住喺後面，上咗女方屋企。早前林志玲先公開講想同言承旭復合，點知被林心如先「截糊」啦!

早前林志玲先公開講想同言承旭復合‥‥o依家冇啦!冇啦!(網上圖片)

林心如（左）、林志玲(中)及舒淇(右)被稱為「聖女三寶」。資料圖片

林心如曾同好友蘇有朋傳緋聞多年。資料圖片

轉載請註明來源：今天頭條