▲ Sweet到呢！

雖然今晚杏兒同老公Philip先係主角，不過出席婚宴嘅嘉賓同樣係傳媒焦點，唔少藝人都攜伴出席，例如蕭定一夫婦、謝天華夫婦、伍詠薇同老公練海棠、呂良偉夫婦、苗僑偉夫婦等等。

▲鄭嘉穎同陳凱琳出雙入對

情侶檔方面，當然唔少得近期唔少人都追訪嘅鄭嘉穎同陳凱琳呢對戀人。自從公開戀情後，佢哋兩個都冇任何避忌，今日出席婚宴，仲拖住手一齊出席，大擺Pose俾傳媒影相，仲接受傳媒訪問㖭。

▲謙仔變身護花使者

另一pair情侶楊怡同謙仔都盛裝出席，謙仔仲變身護花使者，捉實楊怡隻手㖭，不過嗰陣影相渣喎，但見你咁細心，值得加分呀。咦，唔知幾時到你哋兩pair呢？

▲蕭正楠與曹永廉皆未見其另一半

到場嘅亦有近嚟表示好dry嘅苟姑娘、不過睇落好似又肥咗幾個碼喎。另外蕭正楠同曹永廉就孖住上，但就唔見各自嘅另一半囉。麥包、朱咪咪、黎芷珊、周麗 淇、李思捷、何佩瑜、唐貝詩、唐貝欣、周志文、周美鳳、陳倩揚、葉璇、黃日華、樂小姐……嘩，好多呀，不能盡錄呀！真係睇星都睇到眼花呀

▲苟如娘好似又肥咗

▲已北上發展嘅周麗淇亦有到場

▲樂小姐亦有祝福杏兒

▲苗僑偉與戚美珍

▲伍詠薇同老公練海棠

▲謝天華與太太

▲蕭定一與太太

轉載請註明來源：今天頭條