撰文：Take it e時

15年前，一個叫毛小慧嘅自戀女強人，喺一間叫CK嘅律師樓遇見一個鍾意養「小強」做寵物嘅男人余樂天，就係呢次相遇，令佢哋嘅生活有所改變，同樣，睇住佢哋轉變嘅人，生活上亦開始慢慢地有所不同。

▲小強與法律超人喺劇集嘅經典

我哋會因為呢個叫miss mo嘅人而記得，除咗鹹蛋超人，原來仲有個法律超人；亦會因為呢個阿Lok而知道，原來人同昆蟲都可以譜出一段跨越動物層面兼超越生死嘅兄弟情。

呢兩個人，既係撈亂骨頭，又係歡喜冤家，每個晚上，我哋都會因為佢哋擦出嘅火花而笑過不停。基於劇情關係，佢哋已經不自覺被命運連上咗一條紅線，透過劇情推進，走到去呢一幕世紀之吻。

但係，5個月之後，一切都完結喇。Miss Mo同餘樂天嘅愛情故事已經大團圓結局，而當日睇住佢哋鬥氣鬥到變為夫妻嘅人，亦都已經Move on，睇緊一啲比佢兩個更加可歌可泣、更加超乎常人認知範圍嘅愛情故事。但係，佢兩個嘅經典故事，15年後仍然係咁經典。

▲Do姐喺ig上載與一班《男親女愛》演員食飯聚舊

早前，電視重播咗《男親女愛》，成功喚起無數人對Miss Mo同阿Lok嘅回憶，當然唔少得嗰隻小強，同埋嗰一幕世紀之吻。雖然已經播完，但仍然好多人繼續討論，最近佢哋兩個又再走埋一齊，但身份唔係毛小慧同餘 樂天，而係做返自己，鄭裕玲與黃子華，當然身邊仲有其他一齊係呢間CK律師樓合作過嘅同事，但係唔知點解，我哋仍然會覺得佢哋兩個係飾演緊毛小慧同餘樂 天，就好似15年前一樣。

▲觀眾都想睇夤子華同do姐再度合作

有啲嘢，真係太經典，抽離唔到。佢哋兩個，一個已經由dodo姐而變成了diddid姐，另一個已由子華變成了男神，而望住佢哋兩個臉上嘅皺紋，不禁覺得時光飛快，BTW，喂，Do姐、子華，不如再一次嚟過世紀之吻，OK？

文章來源: https://www.twgreatdaily.com/cat125/node817235

轉載請註明來源：今天頭條