呂慧儀早前話發現老公黃文迪（Dickson）Instagram無端放咗張同一個「黑甲油」女人車廂拖手嘅相，搞到呂慧儀嬲爆喺微博話:「我想來想去都想不到我什麼時候塗過黑色甲油，黃文廸你是否記錯了？」

然後有網民就眼利發現，Dickson 6月出席時裝活動時，就同搽上黑色指甲油嘅傅嘉莉（Kelly）以及另外兩名男子合照，傅嘉莉仲喺微博寫道:「其中一位是我入行以來非常尊敬的前輩。」

據知呂慧儀出嫁，Kelly仲做姊妹，佢噚日喺電話就否認系「黑甲油」女主角：「張相會唔會系鏡頭錯位咋？話我系第三者系超級絕對冇可能，我哋返公司會見面，但冇私下出嚟。」前晚佢出席汽車活動，又系咁啱搽咗黑甲油，佢話:「個個女仔都有機會搽黑色，我成日轉色o架！」

呂慧儀噚日更新微博話：「我會好好的，別擔心。他說手也不是他的，我會相信他……今天生病了，我要倒頭大睡去了。 」記者再致電呂慧儀，佢就否認激到病話：「佢仲話我豬，連佢只手都唔認得？我問佢做乜唔回我微博，好似作賊心虛，佢話太忙冇睇，仲話冇我同佢拖手相，所以借其他人相嚟用。」點解兩公婆，唔正面問，要喺網上問嚟問去咁怪嘅?

有網民懷疑「黑甲油」系Kelly，呂慧儀諗咗下話：「唔系呀？以前同一間model公司，覺得佢幾靚女，等我睇真啲系咪我老公只手先！」

呂慧儀傳婚變，傅嘉莉竟捲入其中。6月時Kelly同Dickson合照，當時佢搽咗黑色指甲油。

不過呂慧儀又話Dickson話相入面只手唔系佢嚟喎。

黑甲油原圖

而今朝，呂慧儀就無啦啦喺微博曬長腿，不過就貼咗塊膠，原來俾佢屋企只貓貓抓傷咗，佢寫到：「寶貝虎兒，你生完氣沒罵我太好了，但你找我抱的時候肉緊得在我大腿上留下兩條深長淌血的爪痕了，知道你是不小心我也不捨得罵你怪你，只是皮痛心更痛，唯有記著自己要痛愛你，痛著愛你。請你記住我是皮薄易傷的，下次請小心的肉緊地抱抱吧！」哎，呂慧儀只貓貓真系好得意，難怪咁肉緊嘅！

剛於 9月 3日度過 29歲生日的呂慧儀，昨在微博上載了自己的婚紗照，並簡單寫上「我要結婚了！」即獲得佘詩曼、姚瑩瑩及黎芷珊等好友的祝福，雖然這張疑在外地拍攝的婚紗照沒有新郎、新娘的正面，但男主角明顯就是 08年參選過香港先生的黃文迪。

呂慧儀近日傳出婚變，事緣佢前日喺微博放咗張佢老公黃文廸喺Instagram po嘅相，相中有兩隻手十指緊扣，其中一隻手就搽咗黑色指甲油，呂慧儀話:「我想來想去都想不到我甚麼時候塗過黑色甲油，黃文廸你是否記錯了？」

噚日呂慧儀繼續好憂愁咁發咗條微博話:「『一個人就是賺得了全世界，卻賠上了自己的生命，到底有什麼益處呢？人還能拿什麼來換回自己的生命呢？』 窮的時候會以為有情有義就是永恆，而忘了萬惡的金錢能改變人的心。錢能把人變得醜惡，可惜不願接受現實的大有人在。即使曾經跟你有多親，心變了也就成為陌生。」令婚變疑雲更加似層層。

不過其實呂慧儀話唔記得自己幾時搽過黑色甲油，有網民就記性超好，發現其實佢上年7月同吳卓羲出活動時已經有搽過黑色指甲油，其實張相個重點都唔係喺度，而係有冇同老公影過呢啲拖手相，都會唔記得嘅咩?咁究竟相入面隻手又係咪佢嘅呢?

而老公黃文迪就於微博，貼出兩隻愛貓肥獅及飛虎的相片，並生鬼地加入對話，內容是寫：「肥獅：『大佬，我都就嚟做大佬喇！』」，似乎是暗指家中將會加添一個新主人。

轉載請註明來源：今天頭條