適中字型 較大字型

胡杏兒今日凌晨喺中環夜店Bungalow開婚禮after party，呢間嘢個名好熟呢，咪就系齊昕上次飲醉被影到怒摑阿媽兩巴掌嗰次，都去過呢間嘢㗎，講番杏兒先，新郎哥李乘德(Philip)一班兄弟約凌晨12點半左右，已抵達夜店為party作好準備，之後陸續有啲車抵達，友人更拎咗杏兒同Philip放喺酒店慨人形紙牌嚟布置，出席party慨圈中人並唔系太多，大部分嚟慨人都系男家親友!

藝人李綺雯、崔建邦、周麗淇(Niki)、Mango(王秀琳)、岑潔儀同馬來西亞富商老公Dixon等，先後到場，直至凌晨1點左右，杏兒好友李施嬅及姚子羚亦抵達，去到1點50分，主角胡杏兒同老公Philp終於去到after party現場，當佢哋部七人車到慨時候，一班兄弟出嚟迎接一對新人進場，Philp下車嗰陣，未知系唔系有啲醉意，似乎木無表情，箭步沖咗入去，未有回應。

身穿火紅色晚裝、頭戴小皇冠慨杏兒自己下車，個look成個「皇后」咁，由六、七個保鑣同好友護送行入去，場面一度混亂，問及杏兒滿唔滿意個婚禮，佢就話好滿意，多謝曬，問及佢會唔會玩通宵，佢講：「唔會喇!都好攰，自己都唔會留得太夜。」當杏兒推門入場慨時候，現場即傳出好大慨歡呼聲，老公Philip雖然有啲啲醉，原來佢冇入場先，反而企定定喺門口等埋杏兒，一齊拖手進場。

直至3點半，一對新人就行後門鬼祟離開，避開傳媒。

轉載請註明來源：今天頭條