大家成日都係聽見我最喜愛男歌手女歌手，最受歡迎男藝人女藝人嘅票選活動。網絡紅人

瓊姐喺社交網站發起咗個與眾不同嘅票選活動，一個「like」當一票，選出「2015年度網民最討厭的十大藝人」。可以反映網民意見嘅同時，又可以俾各大廣告商做參考。選舉7號結束，大家快啲喺結束前為心水藝人送上一個like啦！

暫時頭十位排名：

第十位：陳小春

廣東惠州市政協高調為反佔中發言，加埋過往嘅負面新聞，令陳小春成功上榜。

第九位：溫兆倫

完全放棄香港市場後，成日喺微博發表愛國偉論嘅「愛國溫」曾經舉報異見人士。其肉麻愛國偉論唔好話香港網民，連大陸網民都話頂唔順喎！

第八位：成龍

多次發表極大爭議嘅言論，例如「中國人要管論」、「中國電視機爆炸論」等等。於馬尼拉前警員劫持香港旅行團事件後，「代表」香港指港人對於是次事件不會憤怒，引起全港市民關注。

第七位：汪明荃

汪阿姐用粵劇式嘅獨特唱腔演唱《華麗轉身》主題曲，成功令廣大網民聽到頭痛，更一度成為網民改歌二次創作嘅對象。無綫節目《Sunday靚聲王》上星期啱啱做完，唔知會唔會令阿姐嘅排名有所下跌呢？

第六位：吳若希

不斷高八度大叫「好勁呀！」「點解嘅？」成功令《至尊街頭魔法王》收到14宗投訴，而且成名作《越難越愛》嘅過度洗腦令網民不勝其煩，仲要經常喺電視度見到佢。最近播出嘅劇集《實習天使》又有佢嘅出現。

第五位：周永恆

世紀賤男，仲要解釋咩。

第四位：王晶

微博惹火留言到處樹敵，其後更高調為反佔中發言，其行為令網民不滿。

第三位：李思捷

其過度自信嘅演繹方式成功獲得廣大網民熱論。之後於《今晚睇李》嘅作狀表現令網民更加生厭。

第二位：梁烈唯

成功得罪廣大網民嘅唯唯，曾於高登討論區創下一週內獲得15,000個負評記錄嘅佳績，獲得「負皮王」嘅稱號。佢喺第二位，連瓊姐都要幫佢告急！

第一位：鄧紫棋

「宇宙G.E.M」成功以叫喊式歌聲「兒夜姨野以夜兒野」喺內地走紅。曾多次被指冇禮貌、要求國際級待遇等行為令網民嗤之以鼻，仲叫佢上太空開完演唱會之後唔好返嚟喎！

轉載請註明來源：今天頭條