台慶頒獎禮，其實同辦(扮)工室政治一樣，都系遊戲一場。所以羅家英戥愛妻汪明荃拎唔到視後感不值丶於微博暗示系權斗問題——自前無線電視製作部戲劇製作總監梁家樹走後，其派系已樹搖葉落:「你明白的。」家英哥對阿姐講。似乎未明白的，是家英哥。 不過咁，只得兩套劇叫系做「女主角」(嚴格而言系第二女主角)慨胡定欣捧走視後系咪好事呢？問得呢個問題，當然想講唔系好事，仲忽然拉埋楊怡落水喎。 昨日有周刊報道指，胡定欣封視後之後，楊怡即時向公司傳話，話明唔想再同佢喺工作上有來往。歷史又回到2010年《萬千星輝頒獎典禮》，多得TVB捕捉到楊怡「疑似藐」身旁慨胡定欣，唔單止同佢冇偈傾，神情仲有啲藐藐地，疑似爆咗句：「你話博咩呀？著到咁！」
不過咁，盛傳有離心慨楊怡，之前回應傳媒問佢點睇自己得獎機會時，就話自己今年成 績唔算突出，反而撐胡定欣有好大突破，想對方拎獎咁話喎。講真嗰句，早已有傳下年初約滿慨楊怡，一心北上掘金，唔肯「加監」續約，所以依家都ok清閒…… 既然系咁，邊個拎視後對佢而言，其實都已經唔重要，咁又何來傳話唔想同胡定欣合作呢？所以，呢個傳聞，有啲伏。
其實胡定欣同楊怡一樣，都系先拎飛躍女藝員丶再摘最佳女配角，然後躍升視後慨「大滿貫贏家」，其演技亦明顯成熟不少，只系同主角欠了點緣。但講到緣，相信31歲慨鍾嘉欣感受更深，一向乖乖女，又同公司續咗8年長約，做到39歲都繼續系無線人——但今年視後，都系冇佢份。
轉載請註明來源：今天頭條