適中字型 較大字型

聖誕節最開心系乜嘢？當然系同至愛共度啦。咁如果你唔止一個至愛呢？咁……就煩喇！

享齊人福唔易，好似洗米華周焯華咁，香港澳門倫敦頻頻撲撲咁飛，趕頭趕命程度不下於你我趕巴士撲返工——但人家系慰妻Heidi女同女友Mandy，唔同慨。

之前不知名女子Meko Chiu喺facebook同Instagram貼出喺私人飛機候機室慨相，聲稱陪洗米華去韓國，仲稱呼對方my luv，令人在倫敦湊女慨Mandy Lieu嬲嬲豬，於是洗米華即急急由首爾飛去倫敦熄火。

自恃得寵慨Mandy，長居無雷宮咁遠，鞭長莫及，返港系遲早慨事。之前佢慨模特兒公司拍檔李月（BoBo）早前失驚無神爆料，話Mandy會聖誕節返港。呢個真系真系「知情人士」喎，堅喇啩？點知佢冇耐又改口話冇咁慨事。

聖誕就快到，咁Mandy到底系返定唔返？今日又有報道「溫馨提示」喎，又指因為Mandy回港在即，洗米華亦嗱嗱聲做嘢，日前抱埋半歲囡囡Damiana出席澳門公益金百萬行。報道並解讀此舉系向老婆Heidi派定心丸喎，同埋確認女兒地位——咁Damiana真系洗米華個女，唔需要「確認」0架嘛？抱出嚟就系列印確認？

至於Mandy是否聖誕返港，當然要問番BoBo，佢就話未有所聞：「完全唔知，呢個星期冇問佢，佢之前覆我系有啲變動，冇話聖誕節會返，話會再安排，我哋唔會催佢。」而佢公司發言人就表示：「Mandy聖誕是否回公司我們還未知道，但藝人的私人時間公司並不過問，多謝關心。」

Mandy產後收身成功，不時陪洗米華外游。資料圖片

Mandy好友李月早前爆其聖誕將返港。資料圖片

而Heidi一直獲周家力撐，地位無可動搖。資料圖片

洗米華新歡Meko日前陪去首爾曬命貼坐私人飛機相。資料圖片

轉載請註明來源：今天頭條