一連11場《黃子華棟篤笑唔黐線唔正常》昨晚開鑼，台下星光熠熠，但首場難免有蝦碌，子華一度錯呼鄭中基為鄭敬基、尷尬得忘記話題，繼而又被自己的啜核口才弄致笑到收唔到聲，難怪當晚觀眾更是笑聲震天大讚句句到肉，子華以自嘲、嘲諷，笑盡現今各種現象，為打工仔、學生、男女發聲，有男神之稱的他還妙數另一人氣男神「都min俊c」，就連何鴻燊、半澤直樹、倉井空和多位政要都難逃其口。

行行都有吞pop嘅精英 泌尿科醫生又點呢？

子華講理想嘅工作:「『家家有本難念的經，行行都有吞pop嘅精英』!點解呢，因為真系做每一行，每一份工都好辛苦，就算你話理想嘅工作都系好辛苦，做醫生好理想，好辛苦，成日唔夠瞓，因為病同分手一樣，系好冇時間觀念架嘛。你聽朝早6點半要返工，條友4點同你講『我要分手呀!』…你申請咗幾個月，拎咗大假，聽朝一早去旅行，盲腸炎『陳醫生，你瞓緊覺呀?我盲腸炎呀，我唔系想問你幾時施手術，想問呢盲腸炎呢，可唔可以食buffet呀?可唔可以游水呀?踩自行車?最緊要會唔會影響我視力?盲腸喎!有啲嘢盲咗喎!』好多病人最大嘅問題系呢一度(個腦)，所以我老友Benjamin，唔系阿強，細個立志要做醫生，做腦科醫生，好勤力讀書，佢考到入去，但腦科滿額，佢只能做泌尿科。」

子華續說:「事實上泌尿系統系人類最複雜嘅一個系統嚟o架，因為你身體其他部份出問題，見到醫生會直接講『身體見邊度有問題呢?』『冇咩呀』『先生你系咪尿頻呀』『唔系呀，好正常呀』『先生，你尿出血?』『冇冇冇』『先生你即系咩問題都冇』『咁又唔可以咁講』講咗半日，『先生你系咪要偉哥呀!』『可以要幾多?金『先生你想要幾多?』『盡要!』前幾日佢話阿爺問我拎偉哥，成百歲，你比佢?…我緊系唔俾佢!問題系我去廁所時佢去我櫃桶拎咗，我阿爺反應:『唔系我食嘅，龜食嘅，龜唔生蛋』我話阿爺只龜好大年紀，『痴線嘅你，龜會有大年紀嘅咩』，我系今日都俾佢搞到我好混亂，龜系咪唔會老嘅呢，諗起嚟又系喎，未見過龜會死架喎，你邊有養只龜會死架，你試下俾啲偉哥佢食丫嘛。」

「系好奇怪架，泌尿系統嘅病人唔系一般嘅病人，你身體咁多器官唔會亂咁搞佢架嘛，你唔會得閒冇事，聽講耳膜系好薄架嘛(作狀搞耳膜)真系好薄!Marvelous!你系唔會架嘛，但系人類會對佢個泌尿系統做盡各種實驗，Benjamin比過一份X光片我睇，系一個人飲咗罐可樂，系連埋個罐飲咗，再清淅啲，系用咗一個廣東嘅旅遊名勝，肛門飲左，大約半尺到，個人解釋系，佢唔系有心飲架喎，佢系唔知邊個，擺罐可樂喺張椅度， 佢一坐底就飲咗啦，但系有位叫Benjamin都大開眼戒嘅病人入急症，因為佢尿道系比啲嘢塞住咗，各位系尿道唔系彌敦道，系隔離個條街，窄好多，用內窺鏡一睇，有粒豆咁，有個人形，系孫悟空，齊天大聖，當年被壓喺五指山下已經夠折墮，而家zip喺條尿道中間，Benjamin要做嘅就系用雷射打碎佢，系一隻豬!搞咩呀?動物園呀?先生究竟系發生咩事?千真萬確，『我今年犯太歲，我要zip太歲呀，zip只玉豬囉，只玉豬唔出返嚟，咪請大聖爺囉，其實預埋唐僧添架啦』一個醫生，一份咁理想嘅工作，你有冇諗過你遇到啲病人系『冇問題…只龜有問題』Benjamin唔介意，積極研究緊將個電筒放喺尿道度，咁啲人疴夜尿，咪唔使開燈囉!」

(環保篇)吐篤痰罰十萬蚊 仲有咩人夠膽吐？

《環保1》

全世界認同一件事系需要環保，香港咁分裂都冇人有異議，香港系唔夠環保，明知唔夠環保都系做唔到，好難，點解？以前香港好多人好興吐痰，o依家好少，點解呢？點解，因為當年你行入任何一間食肆就會見到四句詩，夠年紀同我一齊背出嚟:「隨地吐痰乞人憎 罰款二千有可能 傳播肺朥由此起 衛生法例要遵行」當年吐一篤痰罰二千蚊，二千蚊調整今日通脹等於今日十萬蚊，你諗下吐篤痰十萬蚊仲有冇人吐?有…揸法拉利

下個月第三度在紅館舉行「棟篤笑」的黃子華，十一場門券在零宣傳情況下被秒殺，唔少人想盡辦法亦撲唔到飛。不過，當中亦有人例外。

2000年與黃子華傳過緋聞的 Do姐鄭裕玲，冇米粥煲唔起，但二人卻十分老友， Do姐更得子華厚待，要幾多張飛有幾多，源源供應，結果，全城缺飛，但 Do姐就獨霸千張。 Do姐掃飛支持，子華得戚說： DoDo開聲，我就點都要做到！

私下約食飯

去年台慶頒獎禮，黃子華得視帝， Do姐即場致電子華，大曬二人交情。

黃子華事隔兩年再開「棟篤笑」，十一場《唔黐線唔正常》一日售清，甚至出現八倍價錢炒飛熱。一票難求，偏偏與子華傳過緋聞的 Do姐鄭裕玲得到厚待，要幾多有幾多。

「內部認購啲飛好快就爆咗，仲講到明有機會俾人 cut飛，但 Do姐就例外，冇 quota，佢落幾多都有！好多無線友都系搵 Do姐先訂到。」知情者說。

二○○○年合作《男親女愛》， Do姐與黃子華一度傳過緋聞。

「外面啲人覺得系 Do姐暗戀子華，其實佢哋真系 friend，久不久就會約出嚟食飯！」

所以只要 Do姐開聲，子華亦無托手踭，十一場《唔黐線唔正常》， Do姐要一千張飛，照有！

「基本上每次子華開騷， Do姐一定捧場，佢今次攞咁多飛，有幫人訂嘅，亦有啲系請朋友睇嘅！子華亦一定留靚位俾佢！」

合作睇劇本

去年台慶頒獎禮，黃子華獲封視帝，也是由 Do姐現場打電話向身在外地的黃子華報喜。

「 Do姐一早同子華溝通好，如果有獎會打電話俾佢，叫子華一定要接電話，因為現場直播，佢哋一向都有私下聯絡，大家只系唔知兩個原來咁好交情。」

已回巢無線的監製徐正康，也一直想撮合 Do姐和子華再合作，開拍《男親女愛》續集。

「套劇口碑咁好，收視又破曬紀錄， Do姐同子華都覺得如果無好劇本，就唔應該再拍，所以無應承徐正康！」 Do姐友人說。

黃子華未肯拍《男親女愛》續集，去年卻與徐子珊、陳敏之合作《My盛 Lady》。

Do姐替商台主持《口水多過浪花》，亦有請黃子華任嘉賓。

轉載請註明來源：今天頭條