明星風光的背後總是有說不出的辛酸，為了趕戲、趕通告可謂「一覺難求」，為咗找緊時間瞓覺養足精神，去到邊都可以瞓餐飽！鏡頭前堅持良好形象，但瞓著咗就冇計，好多時仲畀身邊人出賣，莫非連睡姿都要接受訓練？

近日，就有大批內地、香港，甚至韓國藝人嘅睡姿喺網上曝光，當中瞓得最吸睛嘅，可算係Angelababy同王祖藍。點解咁講？之前成日話自己女人身、男人心嘅Baby，唔單止性格似男仔，原來連瞓覺樣都豪邁過人，瞓到頭髮亂了之餘，仲要擘到個口大一大，完全唔怕女神形象受損（不過咁，其實瞓覺嘅嘢又邊控制得到呀）。

至於祖藍，就勁在瞓覺瞓到好似耍功夫咁，雖然個人係瞓著嘅狀態，但肌肉同筋骨依然好清醒，可以不隨意做出「縮龍成寸」嘅動作，成功將整個人瞓喺狹窄嘅座椅上，果然一絕。另一位識得就地取材嘅，就非范冰冰莫屬，雖然無床喺附近，但佢就諗到利用一個大袋當做枕頭咁大覺瞓，成功喺唔使整亂個頭嘅情況下大覺瞓，絕對係能人所不能。

而網民熱捧嘅睡姿，當然係以靚仔見稱嘅韓國天團BigBang隊長G-Dragon（GD）同埋吳亦凡啦，吳亦凡仲因為瞓覺都靚仔過人，因而被封「睡帥」。

王祖藍（左圖）與身材差不多嘅王寶強，瞓埋同一尺寸嘅梳化，王寶強就瞓到出曬界，反觀祖藍擺出一個縮龍成寸嘅睡姿，就啱啱好喇！

Big Bang隊長G-Dragon睡姿被網民大讚「好好睇」。

阿嬌被偷拍了，但佢個瞓覺樣同平時一樣咁靚喎。

女星瞓覺都要顧住個妝同髮型，如果整花咗個妝重新化過，隨時要兩三個鐘，所以范冰冰同趙麗穎（小圖）瞓覺會好小心。

吳亦凡被讚「睡得帥」！

瞓覺擘大口唔係Angelababy（左圖）專利，仲有小S（右上圖）同東北二人轉宗師趙本山。

胡歌被指「瞓得隨便」。

轉載請註明來源：今天頭條