王晶陳百祥，真係集大台負面人物於一身！（電視畫面）正式播出前已是非多多嘅大台新節目《網絡挑機》喺啱啱就播出第一集，而呢集主要係介紹各位YouTuber同將會同大台有乜合作等。

難得方丈好似大方咗，司徒夾帶梗係要指責方丈啦。(電視畫面)

司徒夾帶話方丈冇風度。(電視畫面)

雖然今日伍公子狂鬧大台，話方丈將佢哋講嘅嘢選擇性地cut咗，不過今集嘅《網絡挑機》仍然有伍公子出現，方丈真係大方咗喎。

司徒夾帶同Miss Hunny大戰「阿叻」陳百祥。(電視畫面)

伍公主直接話大台嘅節目係垃圾。(電視畫面)

當然唔止得伍公子啦，今日有份爆大台大獲嘅，仲有司徒夾帶，有多個畫面係佢力數方丈的不是添。

伍公子、Eminleo大戰王晶。(電視畫面)

王晶直接話伍公子同Eminleo拍嘅片「更膠」。(電視畫面)

而今集有司徒夾帶同Miss Hunny大戰「阿叻」陳百祥；同伍公子、Eminleo大戰王晶嘅預告，內容充滿火藥味。喺預告中，幾位YouTuber力數方丈不是，例如王晶直指伍公子「更膠」；而伍公子就話自己唔係入大台做嘢嘅材料:「我係入唔到TVB o架啦。」。雖然好似將會掀起一場大戰，不過明顯睇得出大部份YouTuber喺《網絡挑機》中同自己拍攝的短片中態度明顯有別，唔會真係怕方丈啩?

Eminleo多次話大台拍嘅劇集「好膠」。(電視畫面)

而喺今集片尾，仲見到「負評王」梁烈唯添，真係好想知唯唯同YouTuber會點樣開戰喎。

喺今集片尾，仲見到「負評王」梁烈唯。

轉載請註明來源：今天頭條