新版《愛．回家》播映以來收視麻麻，觀眾懷念原版《愛．回家》的「馬家」與「查李斯律師」。鑑於收視長期處於谷底，無線已經計劃明年正式完結，馬家成員最近已經開始陸續回家，齊齊「風光告別」。據知，《愛．回家》明年做夠一千集就正式大結局，但尚有成一百集，「馬家軍」將於九百集開始再出場。
早前無綫節目巡禮，已安排新舊《愛•回家》演員一齊出場，預告一班舊人會回歸。
不過，最頭疼的是部分演員兩輯都有份做，比如龔嘉欣，上一輯是馬柔（郭少芸）男友裘亞城（黃德斌）的妹妹，但新一輯就變了另一個新角色，之後又會同馬柔有對手戲，究竟龔嘉欣會以哪個身份出現，劇情究竟怎麼交代？
除了有演員分飾兩角問題外，兩輯劇情如何銜接也是一大問題。由於兩輯《愛．回家》幕後班底，包括導演、監製及編劇都不同人，臨時臨急要將故事重心「大挪移」，劇組陣腳大亂。
近日「馬家」正式回歸《愛．回家》，馬虎（劉丹）跟新抱麗嫦（林漪娸）殺入麥包（麥長青）的安輝海味舖。馬子仁（羅天宇）與子妮（蔣家旻）兄妹也齊齊開工。至於其他馬家成員，也將陸續開工，今次《愛．回家》真的回來啦！
至於接檔《愛．回家》的是全新處境劇，由黎耀祥與毛舜筠接棒，毛舜筠飾演新一代女廚神，透過美食拉近人際關係。
《愛•回家》第二輯播咗超過一個月，首星期食住第一輯威勢，收視平均25點，但之後就開始直線下挫，最近平均收視跌到21點，好失威。
劇集收視半死，據知無線下令若收視冇起色，農曆年前就會腰斬。高層當然諗計起死回生，原想搵馬家全部人「回家」救亡，可惜馬家演員已四散各劇開工，想齊人埋位都要11月。馬壯黎諾懿就話：「佢哋都系開始咗一個月啫，大家俾啲時間佢哋啦。」
轉載請註明來源：今天頭條