待嫁新娘賈曉晨（JJ）上周被爆與拍拖3年的「力王」男友樊少皇入紙註冊結婚，兩人經歷過無數次分手，又復合，終於修成正果。JJ昨日在九龍塘一間婚紗店受訪，自爆樊少皇與前女友陳少霞因一 夜 情而生小朋友，對外間指指點點，JJ仍處處維護：「其實佢系一個好單純同有責任感慨男人，起碼冇叫人唔要個小朋友，大家都系成年人，要錯雙方都有錯，只系中間處理得唔好。」

■JJ覺得樊少皇是潛力股，相信未來生活會越來越好。

JJ與樊少皇拍拖期間，經常被人指罵是小三，又逼使陳少霞斷水斷糧，JJ自爆屈到患抑鬱症，她說：「我哋嗌過無數次分手，但本身感情冇問題，後來經歷太多嘢，我有嘗試過自殺……好多次，試過食藥，最嚴重一次系喺朋友圈寫住『再見嘞大家，幫我照顧我爸爸媽媽』，嚇到班朋友沖曬埋嚟救我，當時我諗住跳樓。」

年半前JJ開始尋求精神科醫生協助，現在情況已經好轉，JJ笑笑口說：「食咗一年精神科藥，我發現好好，食完遇到乜唔開心，笑嚇就過咗去。

JJ已決定下嫁樊少皇，但樊少皇還要給予陳少霞贍養費，經濟有一定壓力，所以JJ從來沒想過可以「印印腳」做少奶奶，相反還付首期讓樊少皇置業。JJ解釋：「我識佢時，佢係一個冇車、冇樓，乜都冇嘅男人，佢以前係會將所有賺到嘅錢畀曬別人，我就話佢老咗都要有個地方住，唔通瞓天橋底？佢先開始諗儲錢買樓嗰樣嘢。之前睇中一層樓，但佢畀唔到首期，我就將自己第一層樓，因為賺到錢賣咗，畀佢用嚟做首期。但我唔係白畀㗎，我都要佢賺錢還畀我，我唔使佢養都唔可以蝕底畀佢，做埋佢債主，哈哈。」

34歲的JJ在香港和家鄉濟南均有物業，問會否介意女尊男卑？JJ說：「我暫時好似多過佢，但佢（潛力）空間大過我，佢喺內地知名度高過我好多，如果佢將來識得正確打理自己財產，應該會越嚟越好。」問到會否擺酒？JJ說：「冇諗過，因為我怕好攰同應酬，只想低調結婚。」

JJ大爆樊少皇近乎「零」的求婚經過，不過，雖然是零，但在JJ眼裏依然是甜在心的經歷，她甜絲絲地表示：「其實我哋嘅感情一向好穩定，我同佢都想有小朋友，所以喺半年前大家咁啱坐底傾開，發現大家都想有BB，就決定結婚，始終註冊可以有一個完整家庭畀小朋友，所以就決定咗，冇特別求婚，所以冇戒指亦冇下跪，婚紗相都喺某一日，大家都有時間就返嚟香港，搵一個攝影師朋友幫我哋影。（樊少皇有甚麼優點令妳決定付託終生？）我哋好夾，大家都係好簡單嘅人，雖然佢唔識得講甜言蜜語，但心地善良、單純，希望佢日日都開心！」

談到工作，JJ直言婚後決不減產，就算大肚都會繼續工作：「我要搏命搵錢供樓同生活，就算大肚都繼續做，一個女仔最緊要識獨立，自己搵錢自己使，我從來都唔喜歡伸手問人攞。」JJ與樊少皇拍拖簡單，兩人都浪漫史亦一樣簡單，JJ表示對方曾為她按摩按到她睡著了，她覺得這就是一種說不出的幸福：「佢拍打戲都好辛苦，但佢永遠都以我行先，攰都會幫我按摩，我覺得好感動！」

轉載請註明來源：今天頭條