談及《4個小生去旅行》飯局早前因為幕後忙剪輯而取消，問他何時會再約，謝賢說：「看他們幾時得閒，等他們有時間。（會否邀請曾江？）不要提起這個人好不好？好不好？好不好？讓我開心一點。」講完就入場，似乎還未消氣。

謝賢（四哥）、曾江、胡楓（修哥）及Joe Junior參與的節目《4個小生去旅行》昨晚首播，首集平均及最高收視皆錄得26點，約168萬觀眾收看。成功突破2013年播出的《3個小生去旅行》首集平均收視23點，最高25點的記錄，更成為2015年10點半檔收視最高節目。謝賢上周在記者會中怒摑曾江，惹來全城熱烈討論，猜測兩人是不和還是宣傳招數，不管是不是都已經為節目帶來宣傳效果。另外，8點半檔劇集《樓奴》則有平均26點，9點半劇集《拆局專家》則有平均27點。

對於收視理想，無線電視企業傳訊部副總監曾醒明表示：「感謝4位小生節目內咁落力，上星期記者會都瞓身力谷，雖然否認了謝賢怒摑曾江事件是宣傳，但的確收到話題，令觀眾期待。（搞宣傳活動撮合4位？）宣傳立場上當然想乘勝追擊，系傾緊慨，但幕後都有好多後期工作要做，而且要夾番4位慨檔期。」

節目監製蘇敏儀則說：「都系平常心，系開心慨，之前會覺得10點觀眾都瞓咗覺，唔想畀大家壓力，依家努力咗，成績好當然開心。」謝賢受訪時大讚厲害，又希望收視繼續向好：「咁犀利？（睇咗未？）未睇，不過網上好易睇番！（滿意首集成績？）希望繼續好落去！（期望收視衝到30點？）冇期望呀，大家鍾意就得，最緊要觀眾滿意！」曾江、謝賢（四哥）、胡楓（修哥）及Joe Junior拍攝無線真人騷節目《4個小生去旅行》，當年被視為曾江頭號死敵慨四哥，早前在記者會上兩人已火星撞地球，更預告拍攝時大打出手都唔奇，網民紛紛留名話等睇「血戰」，亦有人話曾江系麻煩友，四人於莫斯科及聖彼德堡16日拍攝之旅，定必「出事」。

今日舉行記者會，原本四位主角好開心，仲跟大會安排的俄羅斯舞蹈員跳舞，不過跳到一半，四哥即開始面露不悅，並先行落台。之後，大會安排神秘環節為謝賢補祝生日，謝賢都仲笑笑口，其餘三個小生更為他唱生日歌。

之後四人齊齊在台下受訪，輪到謝賢發言時，他表示：「唔好畀我講，我講會講唔好慨嘢。」此時，現場即DEAD咗AIR，其餘三人即斗講難忘事件打圓場。之後記者追問謝賢因咩事唔開心，他表示要等無線高層及贊助商離開後才發言。

相關人士離開後，四人再一起受訪，謝賢即嚟料：「本來系一件好開心慨事，但系就有一個跛慨（指曾江），都唔緊要，你跛我哋可以照顧，但估唔到佢兩、三日（後）就要坐輪椅，由頭坐到尾，感覺好似玩弄我哋。尋日仲聽到你（曾江）話流四個鍾鼻血。」之後即激動爆粗：「X你老X，你死得未？咁你唔死？」曾江此時即搭嗲：「未死得，打針停咗（血）！」之後謝賢再寸曾江「好活躍」，並謂：「我知道你個人，多過其他人知道。」

謝賢說畢，即企起身，並再度連環爆粗謂：「X你老X」，並似乎想企圖掌摑曾江，而坐在中間慨胡楓即起身幫手勸交，期間與謝賢發生肢體推撞，胡楓眼鏡都飛甩埋，而謝賢則依然繼續狂鬧兼爆粗。內容大致指曾江昨日完成配音工作後，言談間有頂撞謝賢，令謝賢大感不滿。

最後，謝賢說了句：「成班人都畀你烚，但我唔會畀你烚。」跟著便拂抽離開現場，等車期間，繼續一輪嘴發表對曾江的不滿。

轉載請註明來源：今天頭條