英國萬人迷貝克漢（David Beckham）出名係慈父一名，特別錫囡囡哈七（Harper Seven）。日前貝克漢帶咗大仔Brooklyn同埋哈七喺西荷李活食飯。成身粉紅色嘅哈七紮咗兩個髻仔扮春麗，仲含住個奶嘴，相當可愛。
食完飯之後三人喺停車場攞車走嗰陣，哥哥Brooklyn同阿妹哈七嚟個賽跑，鬥快跑上車。點知貝克漢從後攬住大仔唔俾佢跑，等哈七可以輕易咁贏阿哥，真係偏心偏曬出面噃。笑曬口嘅Brooklyn掙扎都冇用，哈七好快就超前。三個人小小事都玩得咁開心，真係好溫馨。
.
哈七紮咗兩個髻兼食住奶嘴。
轉載請註明來源：今天頭條